საზოგადოება
გალელები იზოლაციის წინააღმდეგ და დე ფაქტო დეპუტატის იმედად [ვიდეო]
FaceBook Twitter
E-mail Print
გალელებს, რომლებმაც საპროტესტო გამოსვლის მიუხედავად რაიონის დე ფაქტო ადმინისტრაციისგან სასურველი პასუხი ვერ მიიღეს, ახლა მხოლოდ გალის ე.წ. დეპუტატის იმედი აქვთ.

დე ფაქტო რესპუბლიკის პარლამენტის დეპუტატმა კახა პერტაიამ გალის საარჩევნო ოლქიდან აფხაზურ მედიასთან საუბრისას განაცხადა, რომ უშუამდგომლებს მოქალაქეებს ე.წ. პრეზიდენტ რაულ ხაჯიმბასთან, რათა პრობლემები კანონის გზით მოგვარდეს.

გალელები ითხოვენ ენგურის ხიდზე მოძრაობის ორმხრივად აღდგენას. ასევე მათზე, ვის ე.წ. აფხაზურ პასპორტებსაც ვადა ამოეწურა, დაჩქარებული წესით გასცენ ახალი. ამ მოთხოვნით გალის ე.წ. ადმინისტრაციასთან 23 იანვარს აქციაც გამართეს, მოგვიანებით კი დე ფაქტო თავმჯდომარეს თემურ ნადარაიას გაესაუბრნენ.

შეხვედრა ე.წ. ადმინისტრაციის უფროსთან. ფოტო: "გალ ინფო"

„ხალხი ნადარაიასგან შეხვედრიდან გამოვიდა საერთოდ უიმედოდ. თქვენ პასპორტს არასდროს არ მიიღებთ, რადგან თქვენ არ ხართო აქაური მოქალაქეები. იმას თავისი პრინციპები აქვს, რომ ჩვენ რაც შეიძლება შეგვავიწროვონ. ახლა პერტაიას ველოდებით. ის ყოველთვის ახერხებდა ჩვენს დახმარებას და ახლაც გვჯერა მისი“, - ამბობს „ლაივპრესთან“ სატელეფონო საუბარში გალში მცხოვრები რესპონდენტი, რომლსაც უსაფრთხოების დაცვის მიზნით ვინაობის გამხელა არ სურს.

გალის დე ფაქტო მაჟორიტარი დეპუტატი, კახა პერტაია. ფოტო: სოციალური ქსელი

თავის მხრივ, გალის დე ფაქტო ადმინისტრაციის უფროსი ირწმუნება, რომ სოხუმი გალელებისთვის პასპორტების გაცემაზე თანხმობას არცერთ შემთხვევაში არ გასცემს. ასეთი განცხადება თემურ ნადარაიამ მოსახლეობასთან შეხვედრაზე გააკეთა, რომლის ამსახველ ვიდეომასალას გალის ტელევიზია ავრცელებს:

„იმას, რასაც თქვენ ითხოვთ, ჰქვია ორმაგი მოქალაქეობის დაშვება საქართველოს მოქალაქეებისთვის. ანუ, ერთდროულად იყოთ როგორც საქართველოს, ისე აფხაზეთის მოქალაქეები. ასეთ რამეს სოხუმში არცერთი სახელმწიფო მოხელე არ იტყვის“, - განმარტა მან.

დე ფაქტო ადმინისტრაციის უფროსმა მოქალაქეებს ასევე უთხრა, რომ ენგურის ხიდზე შეზღუდვები მხოლოდ H1N1 გრიპის გავრცელების თავიდან აცილების მიზნით, ექიმების რეკომენდაციით დააწესეს. განმარტა, რომ უშვებენ გამონაკლის შემთხვევებსაც:

თემურ ნადარაია. ფოტო: "გალ ინფო"

„ჩვენ ვატარებთ ავადმყოფ ხალხს. მათ ვისაც ქიმიოთერაპია სჭირდება, ვისაც C ჰეპატიტი აქვს. ასევე, ვატარებთ სტუდენტებსაც“, - განაცხადა თემურ ნადარაიამ.

თავის მხრივ, გალელი რესპონდენტი კი ამბობს, რომ პრობლემები ექმნება მათაც, ვისთვისაც დე ფაქტო მთავრობამ გამონაკლისი დაუშვა. ავადმყოფებს აფხაზეთიდან დანარჩენ საქართველოში გადმოსასვლელად ჯანმრთელობის ცნობის წარდგენა სჭირდება და ასევე ნებართვის დოკუმენტი ე.წ. სახელმწიფო უსაფრთხოების სამსახურიდან. ეს კი საკმაოდ დიდ დროსთან არის დაკავშირებული:

„ისეთი რიგებია სუს-თან და საავადმყოფოს მთავარ ექიმთან, ახლოს ეზოსთანაც ვეღარ მიხვალ“, - ამბობს გალის მცხოვრები.

„ლაივპრესის“ რესპონდენტები ენგურის ხიდის გამო გალის ბაზარში ფასების ზრდაზეც ჩივიან. მოქალაქეები ამბობენ, თუ უახლოეს პერიოდში გადაადგილების უფლება არ მიეცათ, საპროტესტო გამოსვლებ განაახლებენ.

ენგურის ხიდი კარანტინის შემდეგ. ფოტო: "ლაივპრესი"

ენგურის ხიდზე მოძრაობა შეზღუდულია უკვე მეთოთხმეტე დღეა. ორმხრივად გადაადგილების უფლება ეძლევათ მხოლოდ ენგურჰესის თანამშრომლებს. დე ფაქტო მთავრობამ თავდაპირველად დაანონსა, რომ ხიდზე კარანტინი 2 თვეს გასტანდა, თუმცა გალელები იმედოვნებენ, რომ ეს გადაწყვეტილება მალე შეიცვლება.

თავის მხრივ, დე ფაქტო ხელისუფლებას მიმართავს თბილისი და მოუწოდებს გადახედოს გადაწყვეტილებას.
Print E-mail
Twitter
სხვა მასალები
ერნა პეპანიანი 21 წლისაა და წალკაში, სოფელ დაშბაშში საოჯახო ბიზნესს
მართავს.
18:32 / 04.11.2022
ერნა პეპანიანი 21 წლისაა და წალკაში, სოფელ დაშბაშში საოჯახო ბიზნესს მართავს.
თეა ადიკაშვილსა და დარეჯან ცირამუას თბილისიდან 28
კილომეტრში,
02:06 / 02.09.2022

თეა ადიკაშვილსა და დარეჯან ცირამუას თბილისიდან 28 კილომეტრში,

გიგა დოღონაძეს ქუთაისის ცენტრალურ არქივში შევხვდით.
17:45 / 25.06.2022
გიგა დოღონაძეს ქუთაისის ცენტრალურ არქივში შევხვდით.
22:08 / 15.04.2022
"როცა საზოგადოებას ნაკლები ინფორმაცია აქვს, დეზინფორმაციას მარტივად იჯერებს.
კორონავირუსი

საბჭოთა რეპრესიები

ვიდეო
პატარა “სანტები” თანატოლების დასახმარებლად [ვიდეო]
საღამოს ექვსი საათია. ბავშვები საკლასო ოთახში შეკრებილან და საახალწლო სათამაშოებს ამზადებენ. ზოგი თექას
ისევ მშივრები, ისევ ქუჩაში - მოქალაქეთა აქტივიზმით გადარჩენილი სიცოცხლეები [ვიდეო]
მიუსაფარ ძაღლებს ზუგდიდის ქუჩებში თითქმის ყოველ ნაბიჯზე ნახავთ. პარკებსა და სკვერებში, კვების ობიექტებთან,
პირველი მეგრულენოვანი ანიმაცია - ხობელი ანიმატორის სტუდია დიდი გეგმებით [ვიდეო]
ძუკუ დელფინია და კოღონა გაბისკირია, პირველი მეგრულენოვანი ანიმაციური სერიალის პერსონაჟები არიან. მათზე
სკოლის ნათხოვარ შენობაში დაწყებული ჩხოროწყუელი მოსწავლეების ბრძოლა უკეთესი გარემოსთვის [ვიდეო]
ჩვენ არ გვაქვს სხვა პლანეტა, - ამბობენ ჩხოროწყუელი მოსწავლეები და გარემოს გადასარჩენად ერთიანდებიან.
მდინარე ჯუმისგან მიტაცებული მიწები და სამანქანე გზა - დარჩელელები აქციებით იმუქრებიან [ვიდეო]
ზუგდიდის სოფელ დარჩელში, კიროვის უბანში, ძლიერი წვიმების დროს მდინარე ჯუმი დიდდება, კალაპოტიდან
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.