საზოგადოება
საბჭოთა ოკუპანტების წინააღმდეგ სამეგრელოში ამბოხებულთა ისტორიები [ვიდეო/ფოტო]
FaceBook Twitter
E-mail Print
ბოლშევიკებმა ოკუპაციის წინააღმდეგ მებრძოლები ზუგდიდის ვლაქერნის ყოვლადწმიდა ღვთისმშობლის ხატის სახელობის ტაძარში, 1924 წლის სექტემბერში, 100-ზე მეტი ადამიანი დაამწყვდიეს, საიდანაც ნაწილი დასახვრეტად გაიყვანეს. ტაძარში დამწყვდეულებს შორის დეკანოზ მალხაზ ჭანტურიას ბაბუა ანდრო ფიფიაც იყო.

აჯანყებული კონდრატე შამათავა.

„არის ასეთი ვერსია, რომ ტაძარში იყვნენ შეყრილები და იქიდან გამოჰყავდათ დასახვრეტად. მათ შორის იყო ბაბუა, რომელიც ახლობელმა დაინდო, თუ შემთხვევით გადარჩა, არ ვიცი. იმ თხრილიდან ამოვიდა, სადაც დახოცილები ჩაყარეს. მთელი დღე იწვა თურმე საფლავში დახვრეტილებთან ერთად. შემდეგ ამოსვლა მოუხერხებია. ფეხით 3 დღე მიდიოდა ობუჯამდე. 26 წლის ბიჭი თმებგათეთრებული ჩასულა სოფელში, მაგრამ მას შემდეგ ერთი სიტყვა არ დაუძრავს ამაზე. არ ჰქონდა საბუთები, რის გამოც პენსიასაც ვერ იღებდა. როგორც ჩანს, სოფელმაც დაინდო და გადაარჩინა რეპრესიებს“, - გვიამბო მალხაზ ჭანტურიამ.

აჯანყებული ბექირბი კუკავა.

ბოლშევიკებმა 40-მდე ადამიანი დახვრიტეს. დახვრეტილთა შორის იყო ზუგდიდის მცხოვრები ბექირბი კუკავა.

„ბაბუა ეროვნულ-დემოკრატიული პარტიის წევრი ყოფილა. როცა დაუწყეს დევნა, თურმე დაიმალა, მაგრამ ბოლშევიკებმა ბებია მინუცა ფაჟავა დააკავეს. ამიტომ, ბაბუა იძულებული გახდა თავისი ნებით გამოცხადებულიყო კანცელარიაში. ბაბუა რომ გაიყვანეს, ყვიროდა თურმე, სისხლისმსმელები ხართო და ჩვენი დროც მოვაო. ის საკონტროლო ტყვიით მოუკლავთ. ზოგმა მოახერხა გაქცევა, ზოგი კი დაჭრილი ყოფილა და როცა მიწა მიაყარეს, ჯერ კიდევ ბორგავდნენ თურმე“, - გვიამბო აჯანყებულის შვილიშვილმა ბორის კუკავამ გადაცემაში „დისკუსია ლაივპრესში“.

აჯანყებული სარიდონ გრიგოლია ცოლთან ერთად.

მერიის ძეგლთა დაცვის განყოფილების უფროსის ლაშა ჯიქიას განცხადებით, ზუგდიდში საოკუპაციო ძალების წინააღმდეგ ბრძოლა დაიწყო 1922 წლიდან.

„შეიქმნა დამოუკიდებელი კომიტეტები, დარჩელის, ლიის, ხობის, წალენჯიხის, ჩხოროწყუს რაიონებში და ჩამოყალიბდა წინააღმდეგობის ერთიანი რგოლი. ძირითადად ამ გაერთიანებაში თავადაზნაურობა იყო, თუმცა აჯანყებას შემდეგ უიარაღო გლეხებიც შეუერთდნენ. 1924 წელს კი სამხედრო კომიტეტი შეიქმნა. ცნობილია, რომ ორგანიზაციის პაროლი ყოფილა „სიმინდი“. ამ პაროლით ხდებოდა თურმე ერთმანეთთან დაკავშირება“, - განაცხადა ლაშა ჯიქიამ.

აჯანყებული ამბროსი ლუკას ძე სიჭინავა.

მისივე თქმით, ისტორიული ცნობების მიხედვით, ზუგდიდში საოკუპაციო ძალების წინააღმდეგ მებრძოლების სამაგალითო დასჯა მოხდა. ბოლშევიკებმა დახვრეტილი ამბოხებულები მცხუნვარე მზის ქვეშ დატოვეს 3 დღის განმავლობაში, რომ ყველას ენახა.

მასალაში გამოყენებული ფოტოები ლაშა ჯიქიამ მოგვაწოდა.

Print E-mail
Twitter
სხვა მასალები
ხობში საბჭოთა ლიდერების სტალინისა და ბერის სახელობის ქუჩებს
სახელები გადაარქვეს,
21:54 / 02.06.2020
ხობში საბჭოთა ლიდერების სტალინისა და ბერის სახელობის ქუჩებს სახელები გადაარქვეს,
აფხაზეთიდან იძულებით გადაადგილებულმა ათობით მოქალაქემ 26 მაისს
გადაკვეთა ე.წ. საზღვარი,
19:12 / 26.05.2020
აფხაზეთიდან იძულებით გადაადგილებულმა ათობით მოქალაქემ 26 მაისს გადაკვეთა ე.წ. საზღვარი,
„საქართველოს დამოუკიდებლობის წლისთავი ზუგდიდში შესანიშნავად
ჩატარდა.
16:17 / 26.05.2020
„საქართველოს დამოუკიდებლობის წლისთავი ზუგდიდში შესანიშნავად ჩატარდა.
საქართველოში დღეს, 20 მაისს დასრულდა სასწავლო პროცესი საჯარო
სკოლების მე-12 კლასელებისთვის.
20:58 / 20.05.2020
საქართველოში დღეს, 20 მაისს დასრულდა სასწავლო პროცესი საჯარო სკოლების მე-12 კლასელებისთვის.
კორონავირუსი

საბჭოთა რეპრესიები
ვიდეო
აფხაზეთში მიმავალი ხიდი მგზავრების გარეშე [ვიდეო]
აფხაზეთ-სამეგრელოს დამაკავშირებელ ენგურის ხიდზე
საყიდლებზე და რესტორანში ახალი წესებით [ვიდეო/ფოტო]
მუშაობა განაახლეს პანდემიის გამო 3 თვის წინ დახურულმა
მუნიციპალურმა ტრანსპორტმა ახალი წესებით მუშაობა განაახლა [ვიდეო/ფოტო]
პანდემიის გამო 2 თვის წინ გაჩერებული საზოგადოებრივი
ზუგდიდში სილამაზის სალონების უმრავლესობამ მუშაობა განაახლა [ვიდეო/ფოტო]
საქართველოში დღეიდან, 18 მაისიდან განაახლეს მუშაობა
ზუგდიდის ბოტანიკური ბაღი გაიხსნა [ვიდეო]
საგანგებო მდგომარეობის გამო, დაახლოებით 2 თვის წინ დაკეტილი
ფოტო
როგორ ხედავენ ბავშვები კორონავირუსს [ფოტოამბავი]
კოვიდ-19 მხოლოდ უფროსებს არ ეხებათ და მასზე ბავშვებმაც
ზუგდიდი კარანტინში [ფოტოამბავი]
კორონავირუსის გავრცელების შეჩერების მიზნით, სამეგრელო
ზუგდიდში რესტორნები გატანის სერვისზე გადავიდნენ [ფოტო]
კორონავირუსის გავრცელების რისკების პრევენციისთვის
მგზავრებისგან დაცლილი ენგურის ხიდი [ფოტო]
ოკუპირებული აფხაზეთის და დანარჩენი საქართველოს
მზარეულის მაგიდა
ხარკალია ლებია
ხარკალია, ძველი მეგრული კერძია, რომლის მთავარი ინგრედიენტი
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი მეგრული კერძი,
ესპანური სასმელი საახალწლოდ [ვიდეო]
ესპანური სანგრია, რომელიც სასიამოვნო გემოვნური თვისებებით
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.