საზოგადოება
წალენჯიხელი მასწავლებლის ზღაპარი ხუთი ხმოვნის თავგადასავალზე [ვიდეო]
FaceBook Twitter
E-mail Print
არავინ იცის როდის და სად, ცხოვრობდა ხუთი და-ძმა. მათ ხმოვნები ერქვათ - ა,ე,ი,ო,უ, - ასე იწყება ზღაპარი ქართულ ანბანზე, რომელიც წალენჯიხაში, ნაკიფუს თემის ულურიის საჯარო სკოლის ხელოვნების მასწავლებელმა შექმნა. ნანი კვარაცხელიამ ჯერ იდეა მოიფიქრა, მერე ზღაპრის ვიდეოვერსიისთვის ნახატებზე იმუშავა და საკუთარი პერსონაჟები თავადვე გაახმოვანა. მონტაჟზე კომპიუტერის პედაგოგმა იზრუნა. სწორედ მისი სურვილი და თხოვნა იყო, დედაენის დღესთან დაკავშირებით, რამე საინტერესო მოეფიქრებინათ, სკოლის ფეისბუკ გვერდზე გასავრცელებლად.

ხელოვნების მასწავლებელმაც გადაწყვიტა, განსხვავებული ფორმა შეერჩია სათქმელის გამოსახატად. ასე დაიბადა იდეა ხუთი ხმოვნის თავგადასავალზე, რომლებიც ერთად ჰარმონიულად ცხოვრობენ. ა და ე-მ კარგი მოძახილი იცოდა თურმე, ი და უ-ს კრიმანჭული ემარჯვებოდა, ო კი მათ ბანს აძლევდაო, - გვიყვება მთხრობელი. მათგან მოშორებით თანხმოვნები იყვნენ დაბინავებულები, თუმცა ერთმანეთში თანხმობა არ ჰქონდათ და დამოუკიდებლად თანაარსებობდნენ.

საბოლოოდ ვიდეოზღაპარი ერთი კვირის თავზე შეიქმნა. რამდენიმე დღეში დაიწერა ტექსტი, მერე პერსონაჟები ნახატებით გაცოცხლდა. ერთ დღეში კი ელექტრონული ვერსია უკვე მზად იყო.

"გახმოვანება სწრაფად მოხდა. ვცადეთ ბევრი ხმა. პატარა ბავშვებს რომ ეს ტექსტი შეესწავლათ, იმის დრო არ იყო. მე გავახმოვანე. მერე შეცვალეს ხმები. ვაპირებთ დავხვეწოთ და მოსწავლეებს გავახმოვანებინოთ", - უთხრა "ლაივპრესს" ნანი კვარაცხელიამ.

ხელოვნების პედაგოგის თქმით, ბავშვები ნახატების გაფერადებაში დაიხმარია. მათგან წამოსული ემოცია სამუშაო პროცესში მისთვის ბევრი ეპიზოდის ინსპირაციაც გახდა. რადგან პირველი და მეორე კლასის მოსწავლეებს ასწავლის ძირითადად, პატარების ჩართულობა ზღაპრის შექმნის პროცესში მხოლოდ ამით შემოიფარგლა.

სიუჟეტი ჩანაფიქრისთვის თანდათან შეიკრა. უნდოდა განსხვავებული პროდუქტი გამოსულიყო, რადგან ამ თემაზე უკვე მრავალი თვალსაჩინოება არსებობს.

"როგორც მომდიოდა თავში, ისე მივყვებოდი. ვითვლიდი ასოებს, აბა რომელი გამომრჩა. ასე ჩავსვით ყველა და შეიკრა ზღაპარიც", - იხსენებს ნანი კვარაცხელია, ვისთვისაც ეს პირველი ვიდეოვერსიაა ჩანაფიქრის.

თუმცა პედაგოგი სხვა ზღაპრების და მოთხრობების ავტორიცაა, რომლებსაც პრიოდულად წერს. რადგან მათი სკოლისთვის ნოვაციას სოციალურ ქსელში დიდი გამოხმაურება მოჰყვა, შესაძლოა ამ კუთხით მუშაობაც განაგრძოს.

ამბობს, რომ პრაქტიკოსი მასწავლებელია და გაკვეთილის პროცესიც თამაშით და პრაქტიკული სავარჯიშოებით არის დატვირთული. თუმცა, სკოლა მცირეკონტიგენტიანია. აქ სულ ცხრა ბავშვი სწავლობს. მათგან თითო-თითო მესამე, მეოთხე, მეექვსე და მცხრე კლასებში. მეორე კლაში სამი ბავშვია, ამიტომაც ის მრავალრიცხოვნად ითვლება. სკოლა საბაზისოა, სადაც ცხრა კლასი ფუნქციონირებს.

აქ თოჯინების თეატრიც მოქმედებს, რომელიც სხვადასხვა თემაზე წარმოდგენას დროდადრო მართავს.

ხელოვნების პედაგოგი ამბობს, რომ პირველი ივნისისთვის, ბავშვთა დაცვის საერთაშორისო დღეს სურთ ახალი სანახაობით შეხვდნენ.

ფერადი ნახატებით აკინძული ზღაპარი ქართული ანბანის 33 ასოს თავგადასავალზე, თანხმობით სრულდება. მათ ისწავლეს, რომ ურთიერთდახმარება საჭიროა, და რომ ცალცალკე ვერაფერს გახდებიან, მხოლოდ ერთობა აქცევთ ძლიერებად. მიხვდნენ იმასაც - დაგროვილი გამოცდილების ვიღაცამდე მიტანაა საჭირო. იფიქრეს, იფიქრეს და "დედაენაში" დაბინავდნენ:

"არსებობს წიგნი, რომელსაც დედაენა ჰქვია, და არსებობს სკოლა, სადაც ბავშვებს ცოდნას აძლევენ. ჩვენ ყველანი იქ უნდა წავიდეთ. აბა ჰე - ანიდან ჰოემდე".

Print E-mail
Twitter
სხვა მასალები
ეერთი, ოორი, საამი, - 3 წლის ილია კმაყოფილი და გახარებული ითვლის
ქაღალდზე მის მიერ დახატულ ჩიტებს.
18:23 / 08.11.2019
ეერთი, ოორი, საამი, - 3 წლის ილია კმაყოფილი და გახარებული ითვლის ქაღალდზე მის მიერ დახატულ ჩიტებს.
შემოდგომაზე მარტვილის სოფლებში ულამაზესი სანახაობა იშლება
16:21 / 05.11.2019
შემოდგომაზე მარტვილის სოფლებში ულამაზესი სანახაობა იშლება
ხანდაზმულთა კლუბი 2018 წელს ზუგდიდში გაეროს განვითარების ფონდის
მხარდაჭერით გაიხსნა.
13:07 / 19.10.2019
ხანდაზმულთა კლუბი 2018 წელს ზუგდიდში გაეროს განვითარების ფონდის მხარდაჭერით გაიხსნა.
ვიდეო
საახალწლო ქოხები მუყაოსგან [ვიდეო]
ზუგდიდელმა ხელოვანმა ირინა მიქავამ საახალწლო სამზადისი უკვე დაიწყო.
ქართული ყველის ძველი და ახალი სახეობების გამოფენა ზუგდიდში [ვიდეო]
ყველი წიწაკით, სხვდასხვა სუნელით, საფერავში ამოვლებული, კაკაოთი, როზმარინით
აფხაზური ნობათი კოლხური ღვინის ფესტივალზე [ვიდეო]
ზუგდიდში გამართულ კოლხური ღვინის ფესტივალზე ერთი კუთხე აფხაზეთსაც დაეთმო.
პოლიეთილენის საფრთხე [ვიდეო]
სამწუხაროდ, საქართველოში პოლიეთილენის გამოყენება კვლავ დიდი დოზით ხდება. ამის მიზეზი
ფოტო
ჩირის ფარდები მარტვილის სოფლებში [ფოტო]
მარტვილის მუნიციპალიტეტში ხურმა მნიშვნელოვანი სამეურნეო კულტურაა.
გაფერადებული სვანეთი
სვანეთი წელიწადის ყველა დროს ლამაზია.
სპორტული მოედნები ზუგდიდში [ფოტო]
ზუგდიდის ცენტრალურ უბნებში სპორტული მოედნების ნაწილი
ფოტოამბავი ოკუპირებული გალიდან
როგორ გამოიყურება ოკუპირებული ქალაქ გალის ცენტრი დღეს,
სახიფათო ორმოები საჯიჯაო-ნარაზენის გზაზე [ფოტო]
ზუგდიდის სოფელ ნარაზენის და ხობის მუნიციპალიტეტის
მზარეულის მაგიდა
გოგრის კრემ-სუპი გვანცასგან
გოგრის კრემ-სუპი მარტივად მოსამზადებელი, გემრიელი და სასარგებლო კერძია.
მარტივად და სწრაფად მოსამზადებელი ჭვიშტარი [ვიდეო]
ჭვიშტარს მეგრულ სამზარეულოში განსაკუთრებული ადგილი უჭირავს.
პასკები იასამნებით მხატვრისგან [ვიდეო]
მაგიდაზე ფუნჯებით სავსე ქილა დგას. მხატვარი მარიკა კორკელია
ფუჩხოლია [ვიდეო]
ფუჩხოლია მეგრული სიტყვაა და ქართულად ნიშნავს - დაფშვნილს,
როგორ მოვამზადოთ წელვადი ელარჯი [ვიდეო]
ერთ-ერთი ყველაზე პოპულარული მეგრული კერძის მოსამზადებლად
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.