საზოგადოება
ანაკლიის ორი სიცოცხლე - სანამ პორტი აშენდება [ვიდეო]
FaceBook Twitter
E-mail Print
პორტის და ტურისტის მოლოდინში

53 წლის მაია მიგინეიშვილი სახლის აივანს ყვავილებით ალამაზებს. საგულდაგულოდ უვლის ეზოში დარგულ მცენარეებსაც. მაია ტურისტული სეზონისთვის ემზადება. უკვე იცის, რომ ბევრი დამსვენებელი ეყოლება. ყვავილებით გაფერადებული ორსართულიანი სახლი სანაპიროსთან ძალიან ახლოს დგას.

სხვა თანასოფლელების მსგავსად, მაიაც ყოველწლიურად ცდილობს გააუმჯობესოს საცხოვრებელი პირობები, უკვე ნაცნობ, თუ ახალ სტუმრებს სიახლეებით რომ დახვდეს.

მაიას ძირითადი შემოსავლის წყარო თბილისში გაქირავებული ბინის საფასური და ტურისტული ბიზნესია. უფრო ადრე, ვიდრე ანაკლიის ღრმაწყლოვანი პორტის მშენებლობას დაიწყებდნენ და საყანე მიწებს გაყიდნენ, მეცხოველეობასაც მისდევდნენ. თუმცა, ახლა ამ საქმით თითქმის არავინ ხეირობს. ისევე როგორც მაია, თანასოფლელებიც პორტის შენების გაგრძელების მოლოდინში, ტურისტის დასახვედრად ემზადებიან.

"მუშაობის ბუმი იყო. გემი როცა მოადგა და სახლის მეორე სართულიდან ვაკვირდებოდით, ყველანაირი იმედი იყო. გვეგონა, რომ ყველაფერი იქნებოდა და ასე გაგრძელდებოდა. ჩვენ, ხალხს გვესმის, რომ ამხელა საქმეს უნდა გარანტი... არ ვარ პოლიტიკოსი, მაგრამ გვესმის ისიც, რომ რუსი პორტს არ გაგვაკეთებინებს. მგონია, რომ არ იქნება ბუმბერაზი პორტი. ვფიქრობ, რომ იქნება ლამაზი საკურორტო ქალაქი", - ამბობს მაიას მეზობელი ქალი ნანა ჩიქობავა.

ის ქმართან ერთად შვიდი წლის წინ დაბრუნდა თბილისიდან მშობლიურ სოფელში. ამბობს, რომ ანაკლიის, როგორც ტურისტული ზონის განვითარების პერსპექტივა დაინახეს, შემდეგ უკვე პორტის მშენებლობის იდეას ახალი იმედებით შეხვდნენ.

"პორტი ახალ შესაძლებლობებს და ეკონომიკურ სიძლიერეს მოუტანს როგორც სოფელს, ისე ქვეყანას. ამიტომაც, წლების წინ დატოვებული წინაპრების სახლს დავუბრუნდით და გადაწყვეტილებას არ ვნანობთ", - გვითხრა ნანა ჩიქობავამ.

თხილის და ციტრუსის იმედად

განსაკუთრებულ იმედს ტურისტზე ვერ ამყარებენ, - სანაპიროსგან მოშორებით ცხოვრობენ. მათ დამსვენებელი მხოლოდ მაშინ ჰყავთ, როცა ცენტრში სასტუმროები შეივსება. ახლა მათი მთავარი საზრუნავი თხილნარების შეწამვლაა, რომელსაც ხშირად დაავადებები, ხანაც მწერი ერჩის.

"შარშან საერთოდ არ აგვიღია მოსავალი. ჰექტარი რომ 7-ჯერ შევწამლო, ათასი ლარი მაინც მინდა, რისი საშუალებაც ჩვენ არ გვაქვს", - ამბობს 45 წლის ქალი, ნენო გაბისონია, რომელიც პორტის მშენებლობას იმედით ხვდება.

პროფესიით მასწავლებელი ლამზირა აფხაზავა გვეუბნება, რომ ტურისტული ბიზნესის იმედი თავად არ აქვს, ამიტომაც, სოფლის მეურნეობას ავითარებს. თხილის და ციტრუსის დანაკარგი შარშან მასაც ჰქონდა, თუმცა წელს გაცილებით ოპოტიმისტურად განეწყო:

რაც უფრო მოშორდებით სოფლის ცენტრს და სანაპიროს, ნახავთ, როგორ მკვეთრად იკლებს სოციალური ზღვარი, - თქვა ლამზირამ და თხილნარიდან ქუჩაში გამოგვაცილა.

"სააკაშვილის სიყვარულში"

ბოლო რამდენიმე არჩევნებმა აჩვენა, რომ ანაკლია "მიშას" მხარდამჭერია. პრეზიდენტი მათ განსაკუთრებით იმ პროექტების გამო უყვართ, რაც სოფელში გააკეთა. წლების წინ სწორედ მიხეილ სააკაშვილის ინიციატივით დაიწყო და აშენდა საკურორტო ზონა - სასტუმროები და ბულვარი. პრეზიდენტს ჰქონდა სურვილი 2012 წელს ანაკლიაში ახალი ქალაქის - ლაზიკას და პორტის მშენებლობა დაეწყო, თუმცა ეს პროექტი ვერ შედგა. მაშინ არჩევნების გზით ხელისუფლება შეიცვალა.

ანაკლიის პორტის ისტორია

ანაკლიაში პორტის მშენებლობის იდეა მიხეილ სააკაშვილამდეც, ჯერ კიდევ მეოცე საუკუნის დასაწყისში არსებობდა.

ანაკლიის განვითარების კონსორციუმის ინფორმაციით, ნავსადგურის მშენებლობის პირველი მცდელობა 1960-იანი წლების ბოლოთი თარიღდება. იდეის განხორციელებისკენ გადადგმული პირველი ნაბიჯი, სანაპიროზე პირსის აშენება იყო. სამწუხაროდ, იდეა ამ ეტაპს ვერ გასცდა. მოგვიანებით, შემდეგ წლებშიც იყო ნავსადგურისა და პორტის მშენებლობის სურვილი, თუმცა რეალური ნაბიჯები ამ მხრივ 2013 წელს გადაიდგა, როცა მთავრობამ იაპონურ კომპანია "ფადეკოს" ანაკლიაში ღრმაწყლოვანი პორტის მიზანშეწონილობის კვლევა დაუკვეთა. კომპანიამ პორტის აშენების საუკეთესო ადგილი გამოავლინა.

კვლევის საფუძველზე, 2014 წელს სახელმწიფომ საერთაშორისო ტენდერი გამოაცხადა, სადაც გამარჯვებული "ანაკლიის განვითარების კოსორციუმი" გახდა. მან 2016 წელს მთავრობასთან ხელი მოაწერა საინვესტიციო ხელშეკრულებას.

2017 წლის დეკემბერში ანაკლიის ღრმაწყლოვანი პორტის მშენებლობა დაიწყო. 2018 წელს აქ საზღვაო სამუშაოები დასრულდა და მას შემდეგ მშენებლობა არ განახლებულა.

29 მაისის საღამოს, კომპანია "ეიპიემ ტერმინალი ფოთმა" გაავრცელა ინფორმაცია, რომ საქართველოს ეკონომიკისა და მდგრადი განვითარების სამინისტროსგან მიიღო ფოთში ღრმაწყლოვანი ნავსადგურის მშენებლობის ნებართვა. მოგვიანებით განცხადება გამოაქვეყნა "ანაკლიის განვითარების კონსორციუმმა" და განაცხადა, რომ ანაკლიის პორტის პროექტი შეჩერების საფრთხის წინაშე დადგა.

საქართველოს ეკონომიკის და მდგრადი განვითარების მინისტრმა, ნათია თურნავამ უარყო, რომ გაცემული იყო ფოთის ღრმაწყლოვანი პორტის მშენებლობის ნებართვა. თურნავას განცხადებით, რეალურად საუბარია მიწათსარგებლობის წინასწარი პირობების დოკუმენტზე, რომელიც მთავრობასთან შეუთანხმებლად გაიცა ტექნიკური და სამშენებლო ზედამხედველობის სააგენტოს უფროსის ბრძანებით.

Print E-mail
Twitter
სხვა მასალები
ეერთი, ოორი, საამი, - 3 წლის ილია კმაყოფილი და გახარებული ითვლის
ქაღალდზე მის მიერ დახატულ ჩიტებს.
18:23 / 08.11.2019
ეერთი, ოორი, საამი, - 3 წლის ილია კმაყოფილი და გახარებული ითვლის ქაღალდზე მის მიერ დახატულ ჩიტებს.
შემოდგომაზე მარტვილის სოფლებში ულამაზესი სანახაობა იშლება
16:21 / 05.11.2019
შემოდგომაზე მარტვილის სოფლებში ულამაზესი სანახაობა იშლება
ხანდაზმულთა კლუბი 2018 წელს ზუგდიდში გაეროს განვითარების ფონდის
მხარდაჭერით გაიხსნა.
13:07 / 19.10.2019
ხანდაზმულთა კლუბი 2018 წელს ზუგდიდში გაეროს განვითარების ფონდის მხარდაჭერით გაიხსნა.
ვიდეო
საახალწლო ქოხები მუყაოსგან [ვიდეო]
ზუგდიდელმა ხელოვანმა ირინა მიქავამ საახალწლო სამზადისი უკვე დაიწყო.
ქართული ყველის ძველი და ახალი სახეობების გამოფენა ზუგდიდში [ვიდეო]
ყველი წიწაკით, სხვდასხვა სუნელით, საფერავში ამოვლებული, კაკაოთი, როზმარინით
აფხაზური ნობათი კოლხური ღვინის ფესტივალზე [ვიდეო]
ზუგდიდში გამართულ კოლხური ღვინის ფესტივალზე ერთი კუთხე აფხაზეთსაც დაეთმო.
პოლიეთილენის საფრთხე [ვიდეო]
სამწუხაროდ, საქართველოში პოლიეთილენის გამოყენება კვლავ დიდი დოზით ხდება. ამის მიზეზი
ფოტო
ჩირის ფარდები მარტვილის სოფლებში [ფოტო]
მარტვილის მუნიციპალიტეტში ხურმა მნიშვნელოვანი სამეურნეო კულტურაა.
გაფერადებული სვანეთი
სვანეთი წელიწადის ყველა დროს ლამაზია.
სპორტული მოედნები ზუგდიდში [ფოტო]
ზუგდიდის ცენტრალურ უბნებში სპორტული მოედნების ნაწილი
ფოტოამბავი ოკუპირებული გალიდან
როგორ გამოიყურება ოკუპირებული ქალაქ გალის ცენტრი დღეს,
სახიფათო ორმოები საჯიჯაო-ნარაზენის გზაზე [ფოტო]
ზუგდიდის სოფელ ნარაზენის და ხობის მუნიციპალიტეტის
მზარეულის მაგიდა
გოგრის კრემ-სუპი გვანცასგან
გოგრის კრემ-სუპი მარტივად მოსამზადებელი, გემრიელი და სასარგებლო კერძია.
მარტივად და სწრაფად მოსამზადებელი ჭვიშტარი [ვიდეო]
ჭვიშტარს მეგრულ სამზარეულოში განსაკუთრებული ადგილი უჭირავს.
პასკები იასამნებით მხატვრისგან [ვიდეო]
მაგიდაზე ფუნჯებით სავსე ქილა დგას. მხატვარი მარიკა კორკელია
ფუჩხოლია [ვიდეო]
ფუჩხოლია მეგრული სიტყვაა და ქართულად ნიშნავს - დაფშვნილს,
როგორ მოვამზადოთ წელვადი ელარჯი [ვიდეო]
ერთ-ერთი ყველაზე პოპულარული მეგრული კერძის მოსამზადებლად
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.