საზოგადოება
ცხოვრება დევნილობაში [ფოტო]
FaceBook Twitter
E-mail Print
ძველი, ორსართულიანი შენობის ეზოში მოხუცი ქალი ბოსტანს თოხნის. იქვე, სკამზე ახალგაზრდა კაცი თავისთვის გაყუჩებულა. ფანჯრებიდან გაკიდულ თოკზე ბავშვის ტანსაცმლებია გაფენილი. პატარების ხმა სიცოცხლის ნიშანწყალივით ედება გარემოს, სადაც დრო ჯერ კიდევ 25 წლის წინ გაიყინა.

ფაიფურის დასახლებაში, ყოფილი სტამბის შენობაში ოცამდე დევნილი ოჯახი ცხოვრობს. ვარსებობთ უბრალოდ. ცხოვრება სხვა რამეაო, მითხრეს. დევნილობამდელი სხივი ჩაუდგათ წამიერად თვალებში. ჩაბნელებულ, ნესტიან, ჩამონგრეულ დერეფნებს წვიმის კვალი ახლაც ატყვია. კედლებს შმორის სუნი აქვს. კიბეები ალაგ-ალაგ მორღვეულია, რომელზეც პატარები მოხერხებულად ადი-ჩამოდიან. წყალი მხოლოდ პირველ სართულზე, ერთადერთი ონკანიდან მოდის.

47 წლის მაია ცაცუას მომავალზე საუბარი უჭირს. მისთვის თითქმის არაფერი შეცვლილა. აქ ისევ ისეა ყველაფერი, როგორც აფხაზეთიდან გადმოსვლის პირველივე დღეს. უკეთესის მოლოდინიც უსაშველოდ გაიწელა. იმედი აქვს, რომ მშენებარე კორპუსებში ერთი საცხოვრებელი მათაც ერგებათ.

მაიას მეზობელი ნანა, წელიწადზე მეტია ქმართან და შვილებთან ერთად ცხოვრობს. ის გალიდან დევნილის ცოლია. მათ წლების წინ ზუგდიდში გაიცნეს ერთმანეთი და იქორწინეს. მანამდე საცხოვრებელი ადგილი არაერთხელ გამოიცვალეს. საბოლოოდ კი აქ დამკვიდრდნენ.

"ბავშვები იზრდებიან. მათ ბავშვობა დაკარგული აქვთ. წვალებაში იზრდებიან. რა ექნებათ გასახსენებლად?!", - გულდაწყვეტით ამბობს ნანა შონია.

ყოფილი სტამბის შენობიდან ოჯახების ნაწილი უკვე გაასახლეს. სხვები ისევ ლოდინის და მთავრობის დაპირებების იმედად რჩებიან.

ერთ ქალაქში ორი პარარელური რეალობა გვაქვს საერთო პრობლემებით, თუმცა ინტეგრირებისთვის გარემო ბევრად ჯანსაღია, ფერადი, ბავშვთა გასართობი სივრცით ეზოში.

ბელა შერვაშიძე ცხრა წლის იყო, აფხაზეთი როცა დატოვა. ბევრი არაფერი ახსოვს. მისთვის სამყაროს ხელახლა აღქმა ხობის სოფელ თორსა-დღვაბადან იწყება, სადაც ომის შემდეგ დასახლდნენ. უცნობმა კაცმა სახლი ათხოვა და შვიდი წელი დაჰყვეს. სხვა კეთილმა მეზობლებმა მიწა მისცეს დროებით. პატარა სახლი ააშენეს. დევნილობის 25 წელი, სირთულეების მიუხედავად, ახალგაზრდა, უკვე სამი შვილის დედისთვის, ამ მხარდაჭერის და თანადგომის გამო, სიმძიმესთან ერთად, ტკბილ მოგონებებსაც ინახავს. მამა შეშას ჭრიდა, ყანა მოჰყავდა და ოჯახს საჭმელი არ მოჰკლებია. ორი წლის წინ მათთვის ცხოვრება ისევ თავიდან დაიწყო. დაბრუნების იმედი არა, მაგრამ ახალ რეალობაში უკეთესის მოლოდინი აქვს.

სოხუმის დაცემის დღეს დატოვა სოფელი ჭუბურხინჯი ჯამბულ ძანძავამ, რომელიც დღეს მრავალბინიანი კორპუსის ამხანაგობის თავმჯდომარეა. ცუდი დღეები გამოვიარეთო, ამბობს. დევნილობაში მისამართი რამდენჯერმე შეიცვალა. ჯერ სოფელ რუხში ნათესავებთან დაჰყო წელიწად-ნახევარი, შემდეგ ამავე სოფელში წლების განმავლობაში სახლს ქირაობდნენ. ახლა საკუთარი ბინა აქვს. თუმცა, აფხაზეთში დაბრუნების სანაცვლოდ მას დაუფიქრებლად დათმობდა.

ადრე უფრო, დღეს კი დაბრუნება ნაკლებად ეიმედებათ. ჩემოდნები, რომლებიც დევნილობის პირველ წლებში ამოულაგებლად ეწყო ბევრს, თუკი რამის გადმოტანა მოასწრეს, დაცლილია. ახლა მხოლოდ იმაზე ფიქრობენ, ზუგდიდში ფეხი მყარად მოიკიდონ, და რაც მოხდა ქვეყანაში, აღარ განმეორდეს.

დღეს მსოფლიო დევნილთა საერთაშორისო დღეს აღნიშნავს. ქართველებსა და აფხაზებს შორის შეიარაღებულმა კონფლიქტმა საქართველოში 300 ათასი ადამიანი იძულებით გადაადგილებულ პირად აქცია.
Print E-mail
Twitter
სხვა მასალები
აფხაზეთიდან იძულებით გადაადგილებულმა ათობით მოქალაქემ 26 მაისს
გადაკვეთა ე.წ. საზღვარი,
19:12 / 26.05.2020
აფხაზეთიდან იძულებით გადაადგილებულმა ათობით მოქალაქემ 26 მაისს გადაკვეთა ე.წ. საზღვარი,
„საქართველოს დამოუკიდებლობის წლისთავი ზუგდიდში შესანიშნავად
ჩატარდა.
16:17 / 26.05.2020
„საქართველოს დამოუკიდებლობის წლისთავი ზუგდიდში შესანიშნავად ჩატარდა.
საქართველოში დღეს, 20 მაისს დასრულდა სასწავლო პროცესი საჯარო
სკოლების მე-12 კლასელებისთვის.
20:58 / 20.05.2020
საქართველოში დღეს, 20 მაისს დასრულდა სასწავლო პროცესი საჯარო სკოლების მე-12 კლასელებისთვის.
17 მაისი საქართველოში ონლაინ დემონსტრაციით - ერთად გადავრჩებით!
აღნიშნეს.
22:57 / 17.05.2020
17 მაისი საქართველოში ონლაინ დემონსტრაციით - ერთად გადავრჩებით! აღნიშნეს.
ვიდეო
მუნიციპალურმა ტრანსპორტმა ახალი წესებით მუშაობა განაახლა [ვიდეო/ფოტო]
პანდემიის გამო 2 თვის წინ გაჩერებული საზოგადოებრივი ტრანსპორტი ზუგდიდში დღეს ამუშავდა.
ზუგდიდში სილამაზის სალონების უმრავლესობამ მუშაობა განაახლა [ვიდეო/ფოტო]
საქართველოში დღეიდან, 18 მაისიდან განაახლეს მუშაობა სილამაზის
ზუგდიდის ბოტანიკური ბაღი გაიხსნა [ვიდეო]
საგანგებო მდგომარეობის გამო, დაახლოებით 2 თვის წინ დაკეტილი
ალბათ არ მეწერა სიკვდილი - 97 წლის ვეტერანი ანაკლიიდან [ვიდეო]
97 წლის კარლო ლაგვილავას დილა 7 საათზე, ქათმების დაპურებით
ფოტო
როგორ ხედავენ ბავშვები კორონავირუსს [ფოტოამბავი]
კოვიდ-19 მხოლოდ უფროსებს არ ეხებათ და მასზე ბავშვებმაც
ზუგდიდი კარანტინში [ფოტოამბავი]
კორონავირუსის გავრცელების შეჩერების მიზნით, სამეგრელო
ზუგდიდში რესტორნები გატანის სერვისზე გადავიდნენ [ფოტო]
კორონავირუსის გავრცელების რისკების პრევენციისთვის
მგზავრებისგან დაცლილი ენგურის ხიდი [ფოტო]
ოკუპირებული აფხაზეთის და დანარჩენი საქართველოს
მზარეულის მაგიდა
ხარკალია ლებია
ხარკალია, ძველი მეგრული კერძია, რომლის მთავარი ინგრედიენტი
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი მეგრული კერძი,
ესპანური სასმელი საახალწლოდ [ვიდეო]
ესპანური სანგრია, რომელიც სასიამოვნო გემოვნური თვისებებით
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.