საზოგადოება
აფხაზური გვარი მეტი უფლებებისთვის?
FaceBook Twitter
E-mail Print
ოკუპირებულ აფხაზეთში მცხოვრებ ქართველებს აფხაზური გვარის მიიღების შემთხვევაში სოხუმი ე.წ. მოქალაქეობას და ახალ პასპორტს სთავაზობს. დე ფაქტო ხელისუფლება ამ პროცესს მეგრელებისთვის ძირძველი აფხაზური გვარების დაბრუნებას უწოდებს.

„ლაივპრესის“ გალელი რესპონდენტი ამბობს, რომ მოქალაქეთა ნაწილი აფხაზური გვარის მიღებას თანხმდება. მიზეზი ე.წ. აფხაზური პასპორტის მიღებაა, რომელიც ოკუპირებული ტერიტორიის მცხოვრებისთვის საკუთარი უფლებების გაზრდის და დაცულობის გარანტია.

გალის მცხოვრები „ლაივპრესთან“ სატელოფონო საუბარში ყვება, რომ ასეთი შეთავაზება მანაც მიიღო:

„შემომთავაზეს ჩემი გვარის ემხვარად გადაკეთება. ვუთხარი, არ გავაკეთებ იმას, რაც არ შეშვენის ჩემს შთამომავლობას. მე ამას არასდროს გავაკეთებ, მაგრამ არის კატეგორია, რომლებმაც გააკეთეს ასეთი რამ და ასეთი არაერთია. პასპორტს მიიღებენ, სადაც წერია ეროვნება აფხაზი, და ამით ერთი ნაბიჯით წინ არიან მათი აზრით. თუ აფხაზი ხარ, უფრო მეტი გავლენა გაქვს, უფრო მეტი ფასი გაქვს და ამიტომაც აკეთებენ ამას“, - აცხადებს გალში მცხოვრები რესპონდენტი, რომელსაც ვინაობის გამხელა უსაფრთხოების დაცვის მიზნით არ სურს.

გალში მოქმედი საზოგადოებრივი ორგანიზაციის, „მურზაყანელი აფხაზების საბჭოს“ ინფორმაციით, 400-ზე მეტ გალელს შესაძლებლობა მიეცა დაებრუნებინა აფხაზური გვარი.

გამოცემა „აფხაზია ინფორმი“ ე.წ. საბჭოს თავმჯდომარის მოადგილე ედიშერ ზუხბაზე დაყრდნობით იუწყება, რომ ორგანიზაციის დაარსებიდან ხუთ წელიწადში, საბჭოს აფხაზური გვარების დასაბრუნებლად მიმართა 900-მდე ადამიანმა. ზუხბას განცხადებითვე, საბჭო დაინტერესებულია „აფხაზეთის შიდა ცხოვრებაში გალის რაიონის მცხოვრებთა უსწრაფესი ინტეგრაციით და აფხაზური გვარების აღდგენით“.

აფხაზური წარმომავლობის გვარებს შორის დასახელებულია ანჩაბაძე, აძინბაია, აქიშბაია, ბუთბაია, ინალიშვილი, ქეცბაია, კაკუბავა, ეზუგბაია, ყოლბაია და კიდევ ათზე მეტი გვარი.

აფხაზეთის ავტონომიური რესპუბილიკის მთავრობის უმაღლესი საბჭოს დეპუტატი, ვახტანგ ყოლბაია ამბობს, რომ აფხაზების მხრიდან ასეთი თემების წინ წამოწევა არახალია. სოხუმის მკვიდრის სიტყვებით, გვარების წარმომავლობის საკითხი აქტუალური იყო აფხაზეთის ომამდეც.

„ყოველთვის იყო დავა გვარებზე - ზუხბაია, ბუთბაია, ქეცბაია. სხვათა შორის, ყოლბაია მაშინ ნაკლებად იყო მოხსენიებული. აფხაზები თვლიდნენ, რომ ეს აფხაზური გვარია, ქართველები თვლიდნენ და აბსოლუტურად დასაბუთებულად, რომ ქართული გვარებია. მე არ გამოვდგები ამ საკითხში დიდ ექსპერტად, მაგრამ ბაია არის ქართულად შვილი და ბაია რასაც ურევია, არ შეიძლება იყოს აფხაზური გვარი“, - განუცხადა ვახტანგ ყოლბაიამ „ლაივპრესს“.

მისი სიტყვებით, წლების განმავლობაში იყო შემთხვევები, როცა აფხაზეთში მცხოვრები ქართველები გვარს იცვლიდნენ, რადგან აფხაზებს გარკვეული პრივილეგიები ჰქონდათ. მაგალითად, არ მიჰყავდათ ჯარში და მარტივად ახერხებდნენ უმაღლეს სასწავლებლებში მოწყობას.

იგივე ისტორიულ ფაქტებს იხსენებს გაგრელი ოთარ აძიმბაია, რომელიც ამჟამად ფოთში სკოლის დირექტორია და პარალელურად ქართულ ენასაც ასწავლის. იცის, რომ მისი გვარი აფხაზური წარმომავლობისაა, მაგრამ შეცვლა არასდროს უფიქრია.

აფხაზური ენის კარგად მცოდნეს აქტიური ურთიერთობა აქვს ოკუპირებულ ტერიტორიაზე მცხოვრებ მეგობრებთან და ნათესავებთან. მიაჩნია, რომ გვარის წარმომავლობა არ არის მნიშვნელოვანი, მნიშვნელოვანია, რომ ყველა საქართველოს მცხოვრებლები ვართ.

„მე პირადად აძიმბაია ვარ. ჩემი ძირი რა თქმა უნდა არის აფხაზური წარმოშობის. ასეთი ადამიანი გალის რაიონში 15-ათასამდე ცხოვრობდა - ტვანბაია, ხინთბაია, ეზუგბაია, ზვანბაია, თარბაია, მიქელბაია, ყოლბაია და უამრავი სხვა. არის თითო-ოროლა შემთხვევა, როცა ადამიანმა მოაშორა გვარს-ია დაბოლოება და აფხაზი გახდა. აფხაზებს უნდათ, რომ ეს მასიური იყოს, მაგრამ ეს ასე არ არის. იმ პერიოდში, როცა უმაღლეს სასწავლებელში ჩარიცხვა ჭირდა, აფხაზად ეწერებოდა მეგრელი კაცი და თამამად ჯდებოდა ფაკულტეტზე, სადაც რუსულად იყო სწავლება. აფხაზები ასეთ ადამიანს პატივს სცემდნენ, რადგან რიცხობრივად იყვნენ ცოტა და მათი გაზრდა მნიშვნელოვანი იყო. იგივეა დღეს“, - თქვა ოთარ აძიმბაიამ.

მისი თქმით, აფხაზებმა უკვე კარგად დაინახეს პრობლემა, რომ აფხაზეთში უმცირესობაში არიან და რეგიონში უცხო ქვეყნის მოქალაქეები მკვიდრდებიან, მათ შორის რუსები. აძიმბაიას განმარტებით, ასეთ ვითარებაში მათ ურჩევნიათ, მონათესავე მეგრელებმა მიიღონ აფხაზური გვარები და ასე გაზარდონ აფხაზების რაოდენობა ოკუპირებულ ტერიტორიაზე.
Print E-mail
Twitter
სხვა მასალები
2008 წლის 10 აგვისტო, დილის შვიდი საათია, თუმცა სოფელს ღვიძავს,
11:34 / 07.08.2019
2008 წლის 10 აგვისტო, დილის შვიდი საათია, თუმცა სოფელს ღვიძავს,
ჭკადუაშში, დადიანების ყოფილ სანადირო რეზიდენციასთან მიახლოებისას
უზარმაზარ მწვანე მინდორზე,
19:04 / 05.08.2019
ჭკადუაშში, დადიანების ყოფილ სანადირო რეზიდენციასთან მიახლოებისას უზარმაზარ მწვანე მინდორზე,
ანასტასია, ქრისტინე, გიორგი, ქეთი, გრიგოლი, თეკლე, მაია, ეკატერინე
- ბავშვები
15:39 / 31.07.2019
ანასტასია, ქრისტინე, გიორგი, ქეთი, გრიგოლი, თეკლე, მაია, ეკატერინე - ბავშვები
საბჭოთა რეპრესიები
ვიდეო
თხილი ხარისხით ფასდება [ვიდეო]
სამეგრელოში თხილის მოსავლის აღება აქტიურად მიმდინარეობს.
27 წლის თვითნასწავლი ოსტატი ურთიდან [ვიდეო]
ზუგდიდის მუნიციპალიტეტის სოფელ ურთაში
კოსმოსში გაფრენაზე მეოცნებე პლანეტების მოყვარული 9 წლის ბიჭი [ვიდეო]
კოსმოსი, პლანეტები, გალაქტიკა, უჩვეულო ღრუბელი
ვლაქერნობა ზუგდიდში [ვიდეო]
ვლაქერნობის დღესასწაულის აღნიშვნა ზუგდიდში ტრადიციულად მსვლელობით დაიწყო.
ფოტო
ფოტოამბავი ოკუპირებული გალიდან
როგორ გამოიყურება ოკუპირებული ქალაქ გალის ცენტრი დღეს,
სახიფათო ორმოები საჯიჯაო-ნარაზენის გზაზე [ფოტო]
ზუგდიდის მუნიციპალიტეტის სოფელ ნარაზენის და ხობის მუნიციპალიტეტის
მესტიელი გიდი ტურისტებს ქორულდის ტბებზე ეპატიჟება [ფოტო]
სოციალურ ქსელში დაწყებული კამპანიის „გაატარე ზაფხული
იდლიანი - სოფელი სვანეთში [ფოტო]
იდლიანი 150-კომლიანი თემია მესტიის მუნიციპალიტეტში.
გამოცდიდან გამოსული აბიტურიენტების ემოციები [ფოტო]
საქართველოში ერთიანი ეროვნული გამოცდები დღეიდან დაიწყო.
მზარეულის მაგიდა
მარტივად და სწრაფად მოსამზადებელი ჭვიშტარი [ვიდეო]
ჭვიშტარს მეგრულ სამზარეულოში განსაკუთრებული ადგილი უჭირავს.
პასკები იასამნებით მხატვრისგან [ვიდეო]
მაგიდაზე ფუნჯებით სავსე ქილა დგას. მხატვარი მარიკა კორკელია
ფუჩხოლია [ვიდეო]
ფუჩხოლია მეგრული სიტყვაა და ქართულად ნიშნავს - დაფშვნილს,
როგორ მოვამზადოთ წელვადი ელარჯი [ვიდეო]
ერთ-ერთი ყველაზე პოპულარული მეგრული კერძის მოსამზადებლად
გებჟალია ნადუღით [ვიდეო/ფოტო]
ზუგდიდის სოფელ ახალსოფელში მცხოვრები ბელა კვარაცხელიას
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.