საზოგადოება
ჩემპიონი მოჭადრაკეების ოჯახი ზუგდიდიდან [ვიდეო]
FaceBook Twitter
E-mail Print
ანასტასია, ქრისტინე, გიორგი, ქეთი, გრიგოლი, თეკლე, მაია, ეკატერინე - ბავშვები ოთახში შემოდიან და ტახტზე ერთ მწკრივად სხდებიან. ყველა იღიმის, ზოგი დაბნეულად, ზოგიც თავშეკავებულია. ყველაზე თამამი მათ შორის უმცროსი, ექვსი წლის ანასტასიაა. პირველივე წუთებზე გაგვიშინაურდა, გვეტიტინება... ეს ბეჭვაიების მრავალშვილიანი ოჯახია. დღეს არასრული შემადგენლობით დაგვხვდნენ. სულ თერთმეტნი არიან - სამი ბიჭი და რვა გოგო.

პირველი, რაც თქვენს ყურადღებას იქცევს, კედელზე გამოკიდული მედლების და მაგიდაზე შემოდებული თასების სიმრავლეა. ნახავთ სათამაშოდ გაწყობილ საჭადრაკო დაფას. ღამე პაიკი დამესიზმრაო, თავმომწონედ გაგვიმჟღავნა ჭადრაკისადმი სიყვარული ანასტასიამ. მხოლოდ დედაზე, მამაზე და ღმერთზე მეტად არ მიყვარს, მეტი ყველაფერს მირჩევნიაო.

რამდენიმე დღის წინ, ბათუმში გამართული საერთაშორისო ტურნირის პრიზიორიც გახდა. მეხუთე ადგილი დაიკავა და პირველი ჰონორარი - 50 ლარიც გამოიმუშავა. ანასტასიას მსგავსად, პრიზიორი გახდა მისი შვიდი და-ძმა. ჭადრაკს დანარჩენი სამი ბეჭვაიაც თამაშობს - ერთგვარად ოჯახური ტრადიციის გამგრძელებლებად იქცნენ, რადგან მამა და ბიძებიც თავის დროზე ამ სპორტით ყოფილან გატაცებული. ჰობს გაიხდიან თუ არა საქმედ, ჯერ არ იციან. თუმცა ეს ანასტასიას არ ეხება. მას პოლიციელობა მტკიცედ აქვს გადაწყვეტილი.

თასებს და მედლებს შორის ყველაზე მეტი 17 წლის მაია ბეჭვაიას მონაპოვარია. უკვე სათვალავიც აერია. ანასტასიას ხნის იყო, პირველად ჭადრაკზე რომ მიიყვანეს. მალევე სამეგრელოს ვიცე ჩემპიონი გახდა. არის საქართველოს ჩემპიონი და სამგზის ვიცე ჩემპიონიც. ევროპის ჩემპიონატზე კოეფიციენტების მიხედვით მეოთხე ადგილზე გავიდა. ევროპის თასზე კი ვერცხლის მედალოსანი გახდა.

აქ მოწყენისთვის ვერავინ იცლის. თავისუფალ დროს ჭადრაკის საოჯახო ტურნირებს მართავენ. ფეხბურთში ორ გუნდად დაყოფასაც ახერხებენ, ბანდბიქტონის თამაშობენ და დამალობანაც ბევრად სახალისო გამოდის. მაია უკვე მეთერთმეტე კლასშია. პროფესიის შესარჩევად არც თუ ბევრი დრო რჩება, თუმცა ჯერ კიდევ ფიქრობს.

სამეგრელოს ჩემპიონია 11 წლის გრიგოლიც. ზუგდიდის შეჯიბრის მრავალგზის გამარჯვებული. იყო სხვა წარმატებებიც.

გიორგი ერთადერთია, რომელიც ჭადრაკის თამაშის პარალელურად, ბავშვებს წვრთნის. უკვე სამი წელია საჭადრაკო სკოლაში ასწავლის. მათ შორის წვრთნის ოთხ და-ძმას. რამდენიმე დღის წინ მწვრთნელის ამპლუაში პირველი ჯილდოც მიიღო. ქვეყნის მასშტაბით, როგორც მოჭადრაკე, სხვადასხვა შეჯიბრის გამარჯვებული და პრიზიორია. მიზნად "ბ" და "ა" კატეგორიის მწვრთნელის ლიცენზია აქვს და საკუთარ თავზე მუშაობას განაგრძობს.

ცრემლებიც წამოგივა ზოგჯერ, როცა თასები და მედლები მოაქვთო, გული უჩუყდება მამას, ნუგზარ ბეჭვაიას. თუმცა საერთაშორისო ტურნირებში, რომელიც ფასიანია, ყველა ვერ მონაწილეობს. საჭირო თანხა სოციალურად დაუცველ ოჯახს ხშირად არ აქვს.

"მაგალითად, ფოთში გამართულ შეჯიბრში ოთხი მონაწილეობდა. ცხრავეს უნდოდა თამაში, მაგრამ ვერ ვათამაშეთ. დანარჩენებს გული დაწყდათ. ერთზე 80 ლარი იყო გადასახდელი. საქართველოს პირველობაზე, როგორც სოციალურად დაუცველები, არ ვიხდით. საერთაშორისო ტურნირები რაც არის, ყველგან ფასიანია. ასეთ ტურნირში თუ არ მიიღო მონაწილეობა, ისე ვერ გაიზრდება", - ამბობს ნუგზარ ბეჭვაია.

ადგილობრივი ჭადრაკის სკოლაც ეხმარებათ, თუმცა არც ესაა ყოველთვის საკმარისი. ამიტომ დედის, ნანა ლაგვილავას თქმით, ზოგჯერ შიდა ტურნირებს მართავენ სახლში იმის გამოსავლენად, ვინ "დაიმსახურებს" შეჯიბრზე წასვლას. ბათუმში რამდენიმე დღის წინ გამართულ ტურნირზე, როცა გამარჯვებულ შვილებს მასთან თასები და მედლები მოჰქონდათ, ჩამოსართმევად ხელები არ ეყო და ამაზე ტურნირის ხელმძღვანელი ეხუმრა კიდეც.

საერთაშორისო შეჯიბრებებზე ბავშვები ზოგჯერ საკუთარ თანხასაც გამოიმუშავებენ.

თერთმეტ შვილს შორის უფროსი 25 წლის ელისაბედია. ის ახლა საფრანგეთშია და ენებს სწავლობს. გაბრიელი ჯარში მსახურობს. სიდონია კი მესამე კურსზეა. სამივემ სოციალურ-პოლიტიკური მეცნიერებები აირჩია. თუმცა ჭადრაკს არც ისინი ივიწყებენ, როცა ამის დრო და შესაძლებლობა აქვთ.

მრავალშვილიან ოჯახზე "ლაივპრესმა" მასალა რამდენიმე წლის წინაც მოამზადა.

Print E-mail
Twitter
სხვა მასალები
თეა ადიკაშვილსა და დარეჯან ცირამუას თბილისიდან 28
კილომეტრში,
02:06 / 02.09.2022

თეა ადიკაშვილსა და დარეჯან ცირამუას თბილისიდან 28 კილომეტრში,

გიგა დოღონაძეს ქუთაისის ცენტრალურ არქივში შევხვდით.
17:45 / 25.06.2022
გიგა დოღონაძეს ქუთაისის ცენტრალურ არქივში შევხვდით.
22:08 / 15.04.2022
"როცა საზოგადოებას ნაკლები ინფორმაცია აქვს, დეზინფორმაციას მარტივად იჯერებს.
საარჩევნო სუბიექტთა პროგრამა თუ დაპირებები, რომლებსაც ისინი
სხვადასხვა ტრიბუნიდან გასცემენ, საორიენტაციო დოკუმენტი და ხედვაა,
11:43 / 04.01.2022
საარჩევნო სუბიექტთა პროგრამა თუ დაპირებები, რომლებსაც ისინი სხვადასხვა ტრიბუნიდან გასცემენ, საორიენტაციო დოკუმენტი და ხედვაა,
კორონავირუსი

საბჭოთა რეპრესიები

ვიდეო
კამპანია სამეგრელოში ოჯახური ძალადობის მსხვერპლთა ერთადერთი თავშესაფრის გადასარჩენად [ვიდეო]
სამეგრელოს რეგიონში, ძალადობის მსხვერპლ ქალთა და ბავშვთა ერთადერთი თავშესაფარი შესაძლოა დაიხუროს.
სპორტის სიყვარულით დაძლეული სტიგმა და ბრძოლა “ოდიშის” შესანარჩუნებლად [ვიდეო]
ზუგდიდის ამპუტანტ ფეხბურთელთა გუნდი "ოდიში" დაშლის ზღვარზეა. კლუბი ერთ-ერთია ქვეყნის მასშტაბით მოქმედი ექვსი გუნდიდან,
ფოტოხელოვანი, რომელიც საკუთარი ნამუშევრებით ტურისტებს სამეგრელოს აცნობს [ვიდეო]
სამეგრელოს ტურისტული პოტენციალი ამ დრომდე შეუსწავლელია. აქ ბევრია ვიზიტორებისთვის საინტერესო ადგილი,
განახლებული ზუგდიდის ბოტანიკური ბაღი ძველი პრობლემებით [ვიდეო]
ზუგდიდში, ეკატერინე ჭავჭავაძის მიერ გაშენებული ბოტანიკური ბაღი, რომლის რეკონსტრუქციაც 2019 წლის ბოლოს დასრულდა,
ქალები აფხაზეთიდან - ხელსაქმით შეცვლილი ცხოვრება [ვიდეო]
წალენჯიხის სოფელ წყოუშში, ერთი პატარა სახლის ნაქირავებ ოთახში, აფხაზეთიდან
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.