საზოგადოება
ხანძრის ათამდე კერა ხუთ დღეში - რატომ ჩნდება ცეცხლი?
FaceBook Twitter
E-mail Print
სამეგრელოს რამდენიმე მუნიციპალიტეტში ხანძრები გაზაფხულის დადგომასთან ერთად გახშირდა. ცეცხლი ძირითადად ეკალ-ბარდებს, სასოფლო სამეურნეო სავარგულებს გაუჩნდა. მათ შორის თხილნარს. ზუგდიდი, წალენჯიხა, ჩხოროწყუ - ეს ის მუნიციპალიტეტებია, რომლებსაც ბოლო რამდენიმე დღის განმავლობაში ხანძარი შეეხო.

გამომწვევ მიზეზად ადგილობრივი ხელისუფლების წარმომადგენლები მოსახლეობის მხრიდან დაუდევრობას, უყურადღებობას და გაძლიერებულ ქარს ასახელებენ.

ერთ-ერთია მათ შორის ჩხოროწყუს მერი. დათო გოგუა "ლაივპრესთან" საუბარში ამბობს, რომ ცეცხლი შესაძლოა საგაზაფხულო სამუშაოებისას, ნარჩენების წვის პროცესში გავრცელდეს:

"როცა თავის ეზოში დაანთებს ცეცხლს, მერე ვერ აანალიზებს, რომ ის შეიძლება სხვის ეზოშიც გავრცელდეს. შეგნებულად არ ხდება. რაც შეეხება ხანძრებს ისეთ ადგილებში, როგორიცაა კლდოვანი მასა, სადაც ძირითადად ბუჩქნარი და გამხმარი ბალახებია, სიგარეტის ნამწვავსაც თავისუფლად შეუძლია გააღვივოს ცეცხლი".

მერის თქმით, დღეს ბალახი გამხმარია, ამ ყველაფერს კი ქარიც ემატება. შედეგად კი, სიგარეტის ნამწვი, რომელსაც ადამიანი გაუაზრებლად დააგდებს მიწაზე, შესაძლოა დიდი ცეცხლის გაჩენის მიზეზიც გახდეს.

დათო გოგოა ირწმუნება, რომ მოსახლეობას სოფლის წარმომადგენლებთან ერთად ხშირად ხვდებიან. აწვდიან ინფორმაციას და აფრთხილებენ, რომ დაუდევრობით ხანძრის გამომწვევები არ გახდნენ.

ხანძარი სოფელ ნარაზენში

ჩხოროწყუში ცეცხლი ოცინდალეში გაჩნდა.

დათო გოგუას მსგავსად, წალენჯიხის მერიც ფიქრობს, რომ ცეცხლი ძირითადად ადამიანების დაუდევრობის და გულგრილი დამოკიდებულების გამო ჩნდება. ხანძარი იყო მუნიციპალიტეტის სოფლებში - ნაკიფუ, ჭალე, ფახულანი, მიქავა და სქური. ცეცხლი ძირითადად ეკალ-ბარდებს გაუჩნდა. ბესიკ ფარცვანიას აზრით, საგაზაფხულო სამუშაოებზე ყანის გამხმარ ნარჩენებს წვავენ, თუმცა როგორც ჩანს ადგილობრივები უყურადღებოდ ეკიდებიან პროცესს, რის გამოც ცეცხლი სხვა მონაკვეთებზეც ვრცელდება.

მანამდე, ხუთ მარტს, ხანძარი იყო წალენჯიხის და ჩხოროწყუს ტყის მასივებში.

ხანძრის ერთ-ერთი ბოლო შემთხვევა ზუგდიდის სოფელ ნარაზენში გუშინ, 8 მარტს დაფიქსირდა. ცეცხლი ეკალ-ბარდებთან ერთად რამდენიმე ხეს წაეკიდა. იგივე მიზეზზე საუბრობს სოფელში მერის წარმომადგენელიც. ნანა ჯანჯღავამ გვითხრა, რომ ადგილობრივი მცხოვრები საკუთარ ნაკვეთზე აწარმოებდა საგაზაფხულო სამუშაოებს, რამაც ხანძარი გამოიწვია.

ნარაზენის გარდა, ცეცხლი გაჩნდა ნაწულუკუშიც, სადაც თხილნარები და დამხმარე ნაგებობა დაიწვა.

ხანძარი წალენჯიხაში

საგანგებო სიტუაციების მართვის სამსახურში "ლაივპრესს" განუცხადეს, რომ, თუ რა იწვევს ხანძარს, ეს გამოძიებამ უნდა დაადგინოს. თუმცა დაგვიდასტურეს - ცეცხლი, რომელიც წლის ამ პერიოდში ჩნდება, დიდწილად სწორედ საგაზაფხულო სამუშაოებს უკავშირდება. მათივე ცნობით, პრევენციის მიზნით, ისინი ყოველწლიურად მართავენ გამაფრთხილებელ შეხვედრებს გლეხებთან და ფერმერებთან, სადაც უხსნიან, რომ არ გადაწვან მინდვრები, რადგან ამ ყველაფერმა შემდეგ შესაძლოა სხვადასხვა სახის გართულებები გამოიწვიოს.

მსგავსი პრევენციული ხასიათის შეხვედრები მარტის პირველ ნახევარში ტარდება და ის რეგიონებში უახლოეს დღეებში დაიწყება.

ნარჩენების მართვის კოდექსის მიხედვით, ნარჩენების მართვა უნდა განხორციელდეს გარემოს და ადამიანის ჯანმრთელობისთვის საფრთხის შეუქმნელად. ნებისმიერი ტიპის ნარჩენის, მათ შორის, ფოთლების, საბურავების, პლასტიკის მასალის ღია წესით დაწვა აკრძალულია. კოდექსის 35-ე მუხლის თანახმად, მუნიციპალური არასახიფათო ნარჩენების ფოთლების, ბაღის/პარკის ნარჩენების, საყოფაცხოვრებო ნარჩენების ღია წესით, ან არადანიშნულების საწვავ დანადგარში დაწვა გამოიწვევს დაჯარიმებას 200 ლარის ოდენობით.

საბურავის, რეზინის და ან სხვა მსგავსი მასალის შემთხვევაში კი სანქცია 500 ლარია.
Print E-mail
Twitter
სხვა მასალები
„მახსოვს, ვეკითხებოდი ჩემს თავს, ნონა, განა შენ შეძლებ ამას?
15:07 / 24.09.2020
„მახსოვს, ვეკითხებოდი ჩემს თავს, ნონა, განა შენ შეძლებ ამას?
საოცნებო სახლი ყველა ადამიანს აქვს, თუმცა მის აშენებას მხოლოდ
ერთეულები ახერხებენ.
17:10 / 19.09.2020
საოცნებო სახლი ყველა ადამიანს აქვს, თუმცა მის აშენებას მხოლოდ ერთეულები ახერხებენ.
პატარა გოგო თავისი თანატოლების მსგავსად, ბავშვობაში,
12:35 / 17.09.2020
პატარა გოგო თავისი თანატოლების მსგავსად, ბავშვობაში,
ინტერნეტში არაერთ კვლევას შეხვდებით კორონავირუსის
სიცოცხლისუნარიანობაზე
10:55 / 15.09.2020
ინტერნეტში არაერთ კვლევას შეხვდებით კორონავირუსის სიცოცხლისუნარიანობაზე
კორონავირუსი

საბჭოთა რეპრესიები

ვიდეო
ეთნოსოფელი უცხოელი სტუმრების გარეშე
პანდემიის პირობებში დაწესებული შეზღუდვების გამო მნიშვნელოვნად იზარალა
ხანდაზმულთა ცხოვრება პანდემიის წესებით [ვიდეო]
ზუგდიდში მოქმედმა ხანდაზმულთა დღის
პანდემიაგამოვლილი თხილის გზა ექსპორტამდე
თხილის ბაღებში შეწამვლის სამუშაოები კარანტინს დაემთხვა.
პანდემია ოკუპაციაში [ვიდეო]
გალელების მდგომარეობა, რომლებსაც ისედაც
ფოტო
ჭურია [ფოტორეპორტაჟი]
ფოტოები გადაღებულია მდინარე ჭურიის ხეობაში.
როგორ ხედავენ ბავშვები კორონავირუსს [ფოტოამბავი]
კოვიდ-19 მხოლოდ უფროსებს არ ეხებათ და მასზე ბავშვებმაც
ზუგდიდი კარანტინში [ფოტოამბავი]
კორონავირუსის გავრცელების შეჩერების მიზნით, სამეგრელო
ზუგდიდში რესტორნები გატანის სერვისზე გადავიდნენ [ფოტო]
კორონავირუსის გავრცელების რისკების პრევენციისთვის
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია, რომლის მთავარი ინგრედიენტი
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.