საზოგადოება
გაიცანით ბოტანიკურ ბაღზე მზრუნველები [ვიდეო]
FaceBook Twitter
E-mail Print
ბოტანიკური ბაღის კარები დილით 6 საათზე იღება და თანაშრომლები შეკრებას იწყებენ. მათ მოლოდინში უკვე არიან ბაღის მობინადრეები: თევზები, კუები და ფარშევანგები. მოსარწყავია ყვავილები, დასაგველია ტროტუარები და დასაცლელია ნაგვის ურნები. 

7 საათიდან ბაღში უკვე დამსვენებლებიც მოდიან - ვარჯიშობენ, სეირნობენ. თითქმის ყველა მათგანს იცნობს და ესალმება ბაღის თანამშრომელი ბადრი მაქაცარია. ბაღის სიახლოვეს მცხოვრებს ბავშვობის წლები აქ გაუტარებია და სამსახურს მეორე სახლს უწოდებს.

ბადრის პირველ რიგში ხელოვნურ აუზში მობინადრე 700-მდე დეკორატიული თვეზი, კობრები და ზუთხები ელოდებიან. უკვე ბლომად არიან ლიფსიტებიც. თევზები გრძნობენ რა მომვლელის მოსვლას, ტბის ნაპირთან გროვდებიან და საკვებს ელიან.

„მელოდებიან დილით. ხანდახან როცა ვვარჯიშობ (ტბის ირგვლივ) დამყვებიან“, - გვიყვება ბადრი მაქაცარია.

თევზების დაპურების შემდეგ კუების ჯერი დგება. ისინიც სპეციალური, კომბინირებული საკვებით იკვებებიან. 10 კუ ძველ ორანჟერეასთან მდებარე აუზში ბინადრობს. ბადრი მაქაცარია ამბობს, რომ მათი დათვალიერება განსაკუთრებით ბავშვებს უხარიათ.

მოზარდების კიდევ ერთი საყვარელი ადგილი ფარშევანგების განყოფილებაა, მითუმეტეს ახლა, როცა 4 ფარშევანგის გვერდით თავს იწონებს 3 დღის წინ გაჩენილი ჩიორა.

ფარშევანგებზე ჩიმაროზა აკობია ზრუნავს. მათ ფერადი კუდის შესანარჩუნებლად სპეციალური კვება სჭირდებათ, რომელიც მარცვლეულთან ერთად ბოსტნეულსაც შეიცავს.

ახლა განსაკუთრებული ყურადღება ჩიორაზე აქვს გადატანილი, რომელიც დედას ბაძავს და მის ზურგს ამოფარებული ამაყად დაიარება ვოლიერში.

ჩიმაროზა აკობია გვეუბნება, რომ სამუშაო ძალიან უყვარს და დადებითი ემოციით ივსება ყოველ დღე, თუმცა გული წყდება ბაღში მოსული ზოგიერთი დამსვენებლის ქცევაზე, რომლებიც უდიერად ეპყრობიან, ან მიზანმიმართულად აზიანებენ ინფრასტრუქტურას:

„ძალიან დიდი სურვილი მაქვს, რომ ყველამ მოუაროს ამ ბოტანიკურ ბაღს, რომ ყურადღება მიაქციონ. ხანდახან მოდიან და აფუჭებენ. ყველას გვერდში ვერ დაუდგები, ძალიან დიდი რაოდენობით შემოდის ხალხი. თხოვნა მექნება, რომ ყურადღება მიაქციონ, არ გააფუჭონ, არ გაანადგურონ იმიტომ, რომ ეს დადიანებმა დაგვიტოვეს, ამდენი ხანი ჩვენამდე მოვიდა და ჩვენს მერეც უნდა გაგრძელდეს“, - გვითხრა ჩიმაროზა აკობიამ.

ფარშევანგების ვოლიერის სიახლოვეს მებაღის სახლია, სადაც სხვადასხვა ჯიშის ყვავილების ჩითილები გამოჰყავთ. სანერგე განყოფილებაში მებაღეები ასევე დილიდან ფუსფუსებენ.

68 წლის დარიკო რაფავა ერთ-ერთი ყველაზე სტაჟიანი თანამშრომელია. ის 28 წელი მუშაობდა ბაღში. ამბობს, რომ რეაბილიტაციის შემდეგ აქ მუშაობის გაგრძელების სურვილი ჰქონდა, თუმცა არ ელოდა, რომ ასეთი შესაძლებლობა მიეცემოდა. ამიტომ მისთვის განსაკუთრებით სასიხარული იყო, როცა ადმინისტრაციამ სამუშაო ძველ თანამშრომლებს შესთავაზა.

მებაღე მარინა შენგელია კი გვიყვება, რომ სანერგეში სხვადასხვა ჯიშის ყვავილის 5000-მდე ჩითილი გამოიყვანეს, რომლის ნაწილიც მერიას ქალაქის ქუჩების გასალამაზებლად გადასცეს, ნაწილი კი ბაღში დარგეს.

Print E-mail
Twitter
სხვა მასალები
ერნა პეპანიანი 21 წლისაა და წალკაში, სოფელ დაშბაშში საოჯახო ბიზნესს
მართავს.
18:32 / 04.11.2022
ერნა პეპანიანი 21 წლისაა და წალკაში, სოფელ დაშბაშში საოჯახო ბიზნესს მართავს.
თეა ადიკაშვილსა და დარეჯან ცირამუას თბილისიდან 28
კილომეტრში,
02:06 / 02.09.2022

თეა ადიკაშვილსა და დარეჯან ცირამუას თბილისიდან 28 კილომეტრში,

გიგა დოღონაძეს ქუთაისის ცენტრალურ არქივში შევხვდით.
17:45 / 25.06.2022
გიგა დოღონაძეს ქუთაისის ცენტრალურ არქივში შევხვდით.
22:08 / 15.04.2022
"როცა საზოგადოებას ნაკლები ინფორმაცია აქვს, დეზინფორმაციას მარტივად იჯერებს.
კორონავირუსი

საბჭოთა რეპრესიები

ვიდეო
პატარა “სანტები” თანატოლების დასახმარებლად [ვიდეო]
საღამოს ექვსი საათია. ბავშვები საკლასო ოთახში შეკრებილან და საახალწლო სათამაშოებს ამზადებენ. ზოგი თექას
ისევ მშივრები, ისევ ქუჩაში - მოქალაქეთა აქტივიზმით გადარჩენილი სიცოცხლეები [ვიდეო]
მიუსაფარ ძაღლებს ზუგდიდის ქუჩებში თითქმის ყოველ ნაბიჯზე ნახავთ. პარკებსა და სკვერებში, კვების ობიექტებთან,
პირველი მეგრულენოვანი ანიმაცია - ხობელი ანიმატორის სტუდია დიდი გეგმებით [ვიდეო]
ძუკუ დელფინია და კოღონა გაბისკირია, პირველი მეგრულენოვანი ანიმაციური სერიალის პერსონაჟები არიან. მათზე
სკოლის ნათხოვარ შენობაში დაწყებული ჩხოროწყუელი მოსწავლეების ბრძოლა უკეთესი გარემოსთვის [ვიდეო]
ჩვენ არ გვაქვს სხვა პლანეტა, - ამბობენ ჩხოროწყუელი მოსწავლეები და გარემოს გადასარჩენად ერთიანდებიან.
მდინარე ჯუმისგან მიტაცებული მიწები და სამანქანე გზა - დარჩელელები აქციებით იმუქრებიან [ვიდეო]
ზუგდიდის სოფელ დარჩელში, კიროვის უბანში, ძლიერი წვიმების დროს მდინარე ჯუმი დიდდება, კალაპოტიდან
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.