საზოგადოება
არიან თუ არა მწერები კორონავირუსის გადამტანი
FaceBook Twitter
E-mail Print
კორონავირუსის ვაქცინაზე მუშაობა ჯერ არ დასრულებულა, ვირუსის შემთხვევები კი მსოფლიოს არაერთ ქვეყანაში მატულობს. ზოგიერთმა სახელმწიფომ უკვე განაცხადა, რომ მეორე ტალღასთან უწევთ გამკლავება. ამ ფონზე კვლავ აქტუალურია მითები, რომელიც სწრაფად ვრცელდება საზოგადოებაში და განსჯის საგანი ხდება. ზოგი ამ ყველაფერს იოლად იჯერებს, რაც დეზინფორმაციის პროპაგანდას უწყობს ხელს.

ერთ-ერთი ასეთი მითი კოღოს, ან სხვა მწერების მიერ კორონავირუსის ადამიანზე გადაცემას გულისხმობს.

ჯანდაცვის მსოფლიო ორგანიზაცია ამბობს, რომ დღეს არ არსებობს მტკიცებულება, რომელიც ამ მითს ამყარებს. მეტიც, მათი განმარტებით, ახალი კორონავირუსი რესპირატორული ვირუსია და ის ძირითადად იმ წვეთების მეშვეობით ვრცელდება, რომელსაც დაინფიცირებული პირი ხველების, ან დაცემინების დროს გამოყოფს. ან ცხვირიდან გამონადენიდან.

მიუხედავად იმისა, რომ კორონავირუსის ბუნებაზე ჯერ კიდევ უცნობია ბევრი რამ, სპეციალისტებისთვის მაინც ნაკლებად სარწმუნოა ინფორმაცია, რომ მწერმა ვირუსი ინფიცირებული პირის კბენის შედეგად აიღოს და სხვა ადამიანს გადასდოს.

სწორედ ამიტომ მოუწოდებენ მოსახლეობას, ხელები ხშირად დაიმუშაონ სპირტის შემცველი საშუალებებით, ან საპნით და წყლით დაიბანონ. ან სულაც, მოერიდონ ადამიანებს, რომლებსაც ეს სიმპტომები აღენიშნებათ.

კოღოები და ზოგადად მწერები რომ არ არიან კორონავირუსის გამავრცელებლები და ეს ყველაფერი მითია, ამ მოსაზრებას ემხრობა თბილისის ინფექციური საავადმყოფოს ექიმი-ინფექციონისტი რევაზ მეჭურჭლიშვილიც. როგორც მან "ლაივპრესს" განუცხადა, არ არსებობს მტკიცებულება, რომ მწერს ეს ვირუსი გადააქვს და ადამიანის დაინფიცირება შეუძლია.

"რესპირაციული ვირუსია, რომელიც ძირითადად სასუნთქ გზებშია, სისხლში 1%-ზე ნაკლებ შემთხვევებში, ისიც რთულად აღმოსაჩენია. კოღოს გადააქვს ისეთი დაავადებები, რომელთა გამომწვევიც სისხლშია", - აღნიშნა რევაზ მეჭურჭლიშვილმა.

იგივეს ამტკიცებს დაავადებათა კონტროლის ეროვნული ცენტრის ხელმძღვანელის მოადგილეც. პაატა იმნაძის თქმით, ახალი კორონავირუსი კოღოების მეშვეობით არ ვრცელდება. მან მოსახლეობას დამშვიდება ურჩია და აღნიშნა, რომ საქმე წვეთოვან ინფექციასთან გვაქვს.

"გამოჩნდა გარკვეული მოსაზრებები, რომ შესაძლოა ჰაეროვანი გზითაც გადაიცემოდეს... ყოველ შემთხვევაში, კოღოები ნამდვილად არ არიან კორონავირუსის გამავრცელებლები", - განმარტა მან.

რა დაავადებები გადააქვს კოღოს და ტკიპას?

საქართველოს პარაზიტოლოგიის ინსტიტუტის ამბულატორიული განყოფილების ხელმძღვანელმა მანანა მურუსიძემ "ლაივპრესს" უთხრა, რომ კოღო არის ისეთი დაავადებების გადამტანი, მაგალითად როგორიცაა მალარია. ამ მწერის გარკვეული სახეობა კი შესაძლოა ზიკას ვირუსის გამავრცელებელიც აღმოჩნდეს. რაც შეეხება ტკიპას, მას ჰემორაგიული ცხელების, ყირიმ კონგოს და ტკიპისმიერი ენცეპალიტის გადატანა შეუძლია.

არის თუ არა შესაძლებელი მწერების ნაკბენით ადამიანი კორონავირუსით დაინფიცირდეს, მანანა მურუსიძე მსგავს კვლევებს არ იცნობს.

"კოღოს თუ სხვა მწერის ნერწყვში რამდენად ინარჩუნებს სიცოცხლისუნარიანობას, დაავადების გადატანის უნარიანობას, ასე ზეპირად ვერ გეტყვით. როგორც მექანიკური გადამტანი, ნებისმიერი მწერი იყოს, მაგრამ ამ ვირუსთან დაკავშირებით ვერ გეტყვით", - აღნიშნა მან.

ილინოისის უნივერსიტეტის ვეტერინარული მედიცინის კოლეჯის ზოოლოგიური პათოლოგიის პროგრამის ხელმძღვანელი კარენ ტერიო აცხადებს, რომ არსებობს ვირუსები, რომლის გავრცელებაც კოღოებს შეუძლიათ, მაგრამ არა ახალი კორონავირუსის. მისივე თქმით, ვირუსის გადატანა არც სხვა მწერებს, მათ შორის ბუზებს შეუძლიათ.

ამავე უნივერსიტეტის პროფილაქტიკური მედიცინისა და საზოგადოებრივი ჯანმრთელობის პროფესორის ასისტენტი პროფესორი, უილიამ სანდერი კოლეგის მტკიცებას ამყარებს დასძენს - წინა კვლევებმა სხვა ტიპის კორონავირუსებზე განსაზღვრა, რომ მწერებს, მათ შორის კოღოებსა და ბუზებს, არ შეუძლიათ ამ ვირუსის გავრცელება.

იგივეს ამბობს ამერიკის კოღოს კონტროლის ასოციაცია.

"ვირუსი რომ ადამიანს კოღოს, ან ტკიპას ნაკბენით გადაედოს, მაშინ ამ ვირუსს გამრავლება უნდა შეეძლოს მწერის ორგანიზმში", - ნათქვამია ასოციაციის მიერ გავრცელებულ ინფორმაციაში.

ჯანდაცვის მსოფლიო ორგანიზაციის ცნობით, დღეისთვის მსოფლიოში კორონავირუსით ინფიცირებულთა მაჩვენებელმა 21 516 760-ს მიაღწია. მათგან 766 663 პაციენტი გარდაიცვალა.

შარშან, 31 დეკემბერს, ჯანდაცვის მსოფლიო ორგანიზაციას ჩინეთის ხელისუფლებამ აცნობა, რომ ქალაქ უხანში პნევმონიის მსგავსი ახალი დაავადება გავრცელდა. უკვე 13 იანვარს ვირუსი ჩინეთის საზღვრებს მიღმა, ტაილანდში დაფიქსირდა, შემდეგ კი იაპონიაში. ორივე შემთხვევაში კორონავირუსი იმ ადამიანებს დაუდგინდათ, რომლებიც ცოტა ხნის წინ სწორედ უხანში იმყოფებოდნენ.
Print E-mail
Twitter
სხვა მასალები
ერნა პეპანიანი 21 წლისაა და წალკაში, სოფელ დაშბაშში საოჯახო ბიზნესს
მართავს.
18:32 / 04.11.2022
ერნა პეპანიანი 21 წლისაა და წალკაში, სოფელ დაშბაშში საოჯახო ბიზნესს მართავს.
თეა ადიკაშვილსა და დარეჯან ცირამუას თბილისიდან 28
კილომეტრში,
02:06 / 02.09.2022

თეა ადიკაშვილსა და დარეჯან ცირამუას თბილისიდან 28 კილომეტრში,

გიგა დოღონაძეს ქუთაისის ცენტრალურ არქივში შევხვდით.
17:45 / 25.06.2022
გიგა დოღონაძეს ქუთაისის ცენტრალურ არქივში შევხვდით.
22:08 / 15.04.2022
"როცა საზოგადოებას ნაკლები ინფორმაცია აქვს, დეზინფორმაციას მარტივად იჯერებს.
კორონავირუსი

საბჭოთა რეპრესიები

ვიდეო
პატარა “სანტები” თანატოლების დასახმარებლად [ვიდეო]
საღამოს ექვსი საათია. ბავშვები საკლასო ოთახში შეკრებილან და საახალწლო სათამაშოებს ამზადებენ. ზოგი თექას
ისევ მშივრები, ისევ ქუჩაში - მოქალაქეთა აქტივიზმით გადარჩენილი სიცოცხლეები [ვიდეო]
მიუსაფარ ძაღლებს ზუგდიდის ქუჩებში თითქმის ყოველ ნაბიჯზე ნახავთ. პარკებსა და სკვერებში, კვების ობიექტებთან,
პირველი მეგრულენოვანი ანიმაცია - ხობელი ანიმატორის სტუდია დიდი გეგმებით [ვიდეო]
ძუკუ დელფინია და კოღონა გაბისკირია, პირველი მეგრულენოვანი ანიმაციური სერიალის პერსონაჟები არიან. მათზე
სკოლის ნათხოვარ შენობაში დაწყებული ჩხოროწყუელი მოსწავლეების ბრძოლა უკეთესი გარემოსთვის [ვიდეო]
ჩვენ არ გვაქვს სხვა პლანეტა, - ამბობენ ჩხოროწყუელი მოსწავლეები და გარემოს გადასარჩენად ერთიანდებიან.
მდინარე ჯუმისგან მიტაცებული მიწები და სამანქანე გზა - დარჩელელები აქციებით იმუქრებიან [ვიდეო]
ზუგდიდის სოფელ დარჩელში, კიროვის უბანში, ძლიერი წვიმების დროს მდინარე ჯუმი დიდდება, კალაპოტიდან
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.