საზოგადოება
პატარა ფერმა საოკუპაციო ხაზთან [ვიდეო]
FaceBook Twitter
E-mail Print
ყეფით და კუდის ქიცინით შემოგვხვდა ცუგო. ასე ძაღლს ჰქვია. სხვა სახელი არ აქვს. ეჭვის თვალით შეგვათვალიერა. ჩვენს დაყვავებას გაუჯიუტდა. თითქოს ვერ ამოიკითხა, სამტროდ მოვედით, თუ სამოყვროდ. გაუგებრობას წერტილი პატრონებმა დაუსვეს. აწრიალებულ ცხოველს ადამიანურ ენაზე აუხსნეს, რომ დღეს მისი სტუმრები ვართ და დაშოშმინდა.

ასე მოვიპოვეთ ძაღლის ნდობა და ოჯახში ფეხის შედგმის ლეგიტიმაცია.

იქვე, შორიახლოს ძროხების ზმუილი შემოგვესმა. დიასახლისი ვედროებით ხელში ბოსლისკენ მიეშურება. ეს კატაა, აი, შავი კი ლამაზო. ამას ირემა ქვია, ეს ბოჩოლაა, ფუჯი, სულ პატარას კატია დავარქვით - ასე გავიცანით ერთმანეთი.

ცოტა ეშინიათ ჩვენი, უნდობლად უყურებენ კამერებს, მაგრამ პატრონის ძლიერ ხელს ემორჩილებიან. მოწველის მოლოდინში მშვიდად ჩამომდგარან. კატია დედის რძით იტკბარუნებს პირს.

ეს ოკუპირებული აფხაზეთის მოსაზღვრე სოფელი რიყეა. ჩვენ ლარისა ხარჩილავას და მამუკა ჯიქიას ოჯახში ვიმყოფებით.

დღეს აქ 10 სული პირუტყვი ჰყავთ. ხუთი დიდი ძროხა, რომელთაგან ორმა ხბო ოქტომბერში უნდა მოიგოს, სამი კი მეწველი. თითო ათ ლიტრს იწველის. საკუთარი სამყოფიც აქვთ და გასაყიდადაც ჰყოფნით.

რიგითი სასაქონლო მეურნეობა ზუსტად ხუთი წლის წინ მცირე ბიზნესად აქცია. ერთ დღესაც დაფიქრდა, რატომაც არაო და ამ ქმარიც შეიამხანაგა.

დილაობით 12-13 ლიტრს ვწველი, საღამოს კი 18 ლიტრს, - ამბობს ფერმერი ქალი. საშუალოდ დღეში 30 ლიტრა რძე აქვს. კიდევ მეტი ექნება, როცა შემოდგომაზე ხბოები გაჩნდება. მისი ნახელავი, ყველი იქნება ეს, მაწონი თუ ხაჭო, სოფელში ყველას მოსწონს. კლიენტთა უმრავლესობაც ადგილობრივი მაცხოვრებელია. ერთი შეკვეთა ჩვენი თანდასწრებით მიიღო. ოთხი კილო ყველი უნდაო ახლობელს. გუშინდელი რძით, ახლადჩახარშული სულუგუნი უკვე მზად აქვს.

"სულუგუნი თუ უნდათ, სულუგუნს ვუკეთებ. თუ ჭყინტი, ჭყინტს. ერთს 13 ლარად ვყიდი, მეორეს 9-10 ლარად. ბაზარშიც მყავს კლიენტები. იქაც ხელზე ვყიდი. მაღაზიებშიც დამაქვს", - ამბობს ლარისა ხარჩილავა. რძის ნაწარმი შვილის და ახლობლებისთვისაც რჩება.

ადრე ცხრა მეწველი ძროხა ჰყავდა. სამი მგლებმა შეუჭამა. სოფელს შემოჩვეული გარეული ცხოველები სხვა ოჯახებსაც უგლეჯდნენ პირუტყვს, ეკარგებოდათ, თუმცა ბოლო პერიოდია მსგავსი არავისგან სმენია.

რიყეს და აფხაზეთს შორის წყალგამყოფი მდინარე ენგურია. სწორედ მისი სანაპიროს მიმდებარედ ბალახობენ ფერმერი ქალის ძროხები. ოკუპირებულ ტერიტორიაზე პირუტყვი არ გადადისო, ამბობს სიუჟეტის გმირი. ისინი დამოკიდებლად ჩადიან მდინარის პირას და უკან, სახლშიც უდანაკარგოდ ბრუნდებიან, წარსულში მგლების შემთხვევას თუ არ ჩავთვლით.

ლარისა ხარჩილავა ბიზნესის გაფართოებაზე ფიქრობს. ამისთვის ჯერ ახალი, გამართული საძროხე სჭირდება საქონლის დასაბინავებლად, მერე კი თანხა, კიდევ რამდენიმე სული პირუტყვის შესაძენად.

"მინდა დავასაქმო ახლობლები, მეზობლები და მივყვეთ ამ საქმეს. ცოტა დახმარება გვჭირდება მთავრობისგან, საქმეს რომ ბიძგი მისცენ და მყარად იდგე. ჩემი და მეუღლის გადაწყვეტილება იყო ამ საქმისთვის ხელის მოკიდება. მეუღლე ჩემი საყრდენია. ორივე ერთმანთს ვეხმარებით. ქალი არ არის სუსტი. მამაკაცი მამაკაცია და თავის საქმეშია ძლიერი. ქალი თავის საქმეში. ქალი არ უნდა დანებდეს, ხელი არ უნდა ჩაიქნიოს", - გვითხრა ფერმერმა.

ბოსელში საქმეები უკვე მოილია. პირუტყვის "ნახელავს" კი ქმარი მიხედავს, აქაურობას დაასუფთავებს.

ახლა საქათმეში დამწყვდეული ქათმები და წიწილები ელოდებიან. ასე 30-მდე. შემოკავებულ ეზოში გაუშვებს და დააპურებს. გაზაფხულზე კი კვერცხებსაც გაყიდის.

500 კილომდე თხილი დაბინავებულია. მალე ყურძენს დაკრეფენ და ღვინოც დაყენდება.

ყველაფერი უნდა გააკეთოს ქალმა იმისთვის, რომ ფეხზე მყარად იდგესო, - ამბობს ფერმერი.

დამღლელი ყოველდღიურობის მიუხედავად, დროს დასვენებისთვისაც მონახავს - მეზობლებთან ფინჯან ყავაზე შეკრება და მუსაიფი თავშესაქცევად.

ცუგო ახლა უკვე შეფარული ღრენით და კუდის ქიცინით გვაცილებს.

სოფლის ბოლოს აფხაზეთის მთები მოსჩანს...

"მოცემული კონტენტი საქართველოში აშშ-ის საელჩოს დაფინანსებით IREX-ის მიერ განხორციელებული "საქართველოს მედია პარტნირობის პროგრამის" (GMPP) მხარდაჭერით შეიქმნა. გამოთქმული მოსაზრებები შესაძლოა არ გამოხატავდეს დონორის პოზიციას".

Print E-mail
Twitter
სხვა მასალები
22:08 / 15.04.2022
"როცა საზოგადოებას ნაკლები ინფორმაცია აქვს, დეზინფორმაციას მარტივად იჯერებს.
საარჩევნო სუბიექტთა პროგრამა თუ დაპირებები, რომლებსაც ისინი
სხვადასხვა ტრიბუნიდან გასცემენ, საორიენტაციო დოკუმენტი და ხედვაა,
11:43 / 04.01.2022
საარჩევნო სუბიექტთა პროგრამა თუ დაპირებები, რომლებსაც ისინი სხვადასხვა ტრიბუნიდან გასცემენ, საორიენტაციო დოკუმენტი და ხედვაა,
მოხუცები, რომლებიც ოჯახისა და ნათესავების გარეშე რჩებიან, ხშირად
არჩევანის წინაშე დგანან - მარტო გაუმკლავდნენ პრობლემებს,
11:31 / 09.12.2021
მოხუცები, რომლებიც ოჯახისა და ნათესავების გარეშე რჩებიან, ხშირად არჩევანის წინაშე დგანან - მარტო გაუმკლავდნენ პრობლემებს,
საქართველოში პური ისევ გაძვირდა. ფასმა საშუალოდ 10 თეთრით მოიმატა,
12:03 / 23.10.2021
საქართველოში პური ისევ გაძვირდა. ფასმა საშუალოდ 10 თეთრით მოიმატა,
კორონავირუსი

საბჭოთა რეპრესიები

ვიდეო
180-მდე ადამიანი არ შემოვუშვით, მათში ალბათ „დოჟდის“ ჟურნალისტიც მოჰყვა - შს მინისტრი
შინაგან საქმეთა მინისტრი უარყოფს ინფორმაციას, რომ უპრეცედენტოდ მოიმატა საქართველოში რუსეთის
ქალთა გაძლიერებისთვის მებრძოლი ფერმერი სოფელ კახათიდან [ვიდეო]
დილაადრიან, როცა ჯერ კიდევ ბნელა და მხოლოდ მამლების
„ჩემი მორდუ“ -  როგორ მუშაობს რეგიონში პირველი ხანდაზმულთა ცენტრი [ვიდეო]
თამაშში ყველაზე მეტად მე მიმართლებს და ვიგებ კიდევაც,
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.