საზოგადოება
ენგურის ხიდი სტუდენტებისთვის და მოსწავლეებისთვის გაიხსნა
FaceBook Twitter
E-mail Print
ოკუპირებული აფხაზეთის დე ფაქტო ხელისუფლება ახალგაზრდებს, რომლებიც დანარჩენ საქართველოში იღებენ განათლებას, საოკუპაციო ხაზის კვეთის უფლებას აძლევს.

სტუდენტებს და მოსაწავლეებს სოხუმი 6 თვის წინ ჩაკეტილ ენგურის ხიდზე სპეციალური სიის მიხედვით ატარებს. სიაში შესულია იმ ახალგაზრდების ვინაობა ვინც საქართველოს უმაღლეს სასწავლებლებში და სკოლებში სწავლობენ.

როგორც ოკუპირებულ გალის რაიონში მცხოვრები სტუდენტები „ლაივპრესთან“ სატელეფონო საუბარში ყვებიან, ეტაპობრივად შეუძლიათ ენგურის ხიდის გავლით ზუგდიდში ჩასვლა, სადაც სავალდებულო კარანტინის გავლა მოუწევთ.

მათი ინფორმაციით, კარანტინის გამო შესაძლოა სასწავლო პროცესს 15 სექტემბრიდანვე ვერ შეუერთდნენ, თუმცა უკვე იციან, რომ საგანმანათლებლო დაწესებულებებში პრობლემები არ შეექმნებათ.

„დღეს სკოლის მოსწავლეები გაუშვეს. ოთხშაბათს სტუდენტებს გაუშვებენ. ვიცით, რომ აქვთ უკვე წინასწარ შედგენილი სია და ატარებენ მხოლოდ მათ ვინც ამ სიაშია. როდემდე გაგრძელდება ასე, არ ვიცი. სკოლის დაბალი კლასის მოსწავლეებთან ერთად ერთ მშობელსაც უშვებენ. სტუდენტებს კი არ აქვთ მშობელთან ერთად გადასვლის უფლება. როგორც კი ენგურის ხიდს გადავალთ, ავტობუსებით წაგვიყვანენ კარანტინში“, - ამბობს სტუდენტი, რომელსაც ვინაობის გამხელა უსაფრთხოების დაცვის მიზნით არ სურს. ის ერთ-ერთია იმ მოზარდებს შორის, რომელმაც უმაღლეს სასწავლებელში უგამოცდოდ ჩააბარა.

ენგურის ხიდი. აფხაზეთიდან გადმოსული ბავშვები მიჰყავთ კარანტინში

ასეთი გამონაკლისი ოკუპირებულ ტერიტორიებზე მცხოვრებთათვის ცენტრალურმა ხელისუფლებამ დაუშვა. გარდა ამისა ისინი უზრუნველყოფილი არიან საგანმანათლებლო დაწესებულებაში გადასახადითაც.

ასევე პირველკურსელია „ლაივპრესის“ კიდევ ერთი რესპონდენტი, რომელიც გალის რაიონში ცხოვრობს. ის დანარჩენ საქართველოში წამოსვლას ოთხშაბათს გეგმავს. უკვე 6 თვეა რაც საოკუპაცო ხაზის მეორე მხარეს დარჩენილი მეგობრები და ნათესავები არ უნახავს. სასწავლო პროცესში ჩართვის პარალელურად მათი მონახულების შესაძლებლობაც ახარებს. ისიც, როგორც ოკუპირებულ ტერიტორიაზე მცხოვრები, გასაუბრებაზე ანონიმურობის დაცვის პირობით დაგვთანხმდა.

„15-დან 20 რიცხვამდე უნდა დაიდოს ჩვენი უნივერსიტეტების სია, თუ რომელ უნივერსიტეტში ვართ ჩარიცხული და შემდეგ უკვე გაგვანაწილებენ და სადღაც უკვე ოქტომრის დასაწყისში დაიწყება ჩვენთვის, აფხაზეთის ბავშვებისთვის სწავლა“, - განაცხადა ოკუპირებულ რეგიონში მცხოვრებმა სტუდენტმა.

ორსანტია-ოტობაიის ე.წ. საზღვარი. ფოტო: "ლაივპრესი"

პანდემიის გამო აფხაზეთის დანარჩენ საქართველოსთან დამაკავშირებელი ენგურის ხიდი უკვე 6 თვეა ჩაკეტილია. ამ ხნის მანძილზე ხიდი რამდენიმე დღით და მხოლოდ ცალმხრივად, ოთხჯერ გაიხსნა და დაიხურა. სოხუმის განცხადებით, პანდემიისას „საქართველოში სამკურნალოდ წასულ მოქალაქეებს სამშობლოში დაბრუნების“ შესაძლებლობა მისცა. გალელებმა არ იციან როდის გაიხსნება ხიდი და როდის მიეცემათ დანარჩენ საქართველოსთან იძულებით გაწყვეტილი კავშირის აღდგენა. არც ახალგაზრდებისთვისაა ცნობილი როდის შეძლებენ უკან, საკუთარ სახლებში დაბრუნებას ან როდის მოახერხებენ მათი მშობლები საოკუპაციო ხაზის კვეთას.

ოკუპირებული რეგიონის მცხოვრებლების ყოფა კიდევ უფრო რთული გახდა პანდემიის გამო დაწესებული შეზღუდვების ფონზე. ისინი ჩაკეტილი ხიდის გვერდის ავლით, შემოვლითი გზებით სიცოცხლის ფასად ცდილობენ დანარჩენ საქართველოში მოხვედრას, სადაც სავალდებულო კარანტინის თავის არიდების მიზნით უკვე საქართველოს პოლიციასაც ემალებიან.
Print E-mail
Twitter
სხვა მასალები
ერნა პეპანიანი 21 წლისაა და წალკაში, სოფელ დაშბაშში საოჯახო ბიზნესს
მართავს.
18:32 / 04.11.2022
ერნა პეპანიანი 21 წლისაა და წალკაში, სოფელ დაშბაშში საოჯახო ბიზნესს მართავს.
თეა ადიკაშვილსა და დარეჯან ცირამუას თბილისიდან 28
კილომეტრში,
02:06 / 02.09.2022

თეა ადიკაშვილსა და დარეჯან ცირამუას თბილისიდან 28 კილომეტრში,

გიგა დოღონაძეს ქუთაისის ცენტრალურ არქივში შევხვდით.
17:45 / 25.06.2022
გიგა დოღონაძეს ქუთაისის ცენტრალურ არქივში შევხვდით.
22:08 / 15.04.2022
"როცა საზოგადოებას ნაკლები ინფორმაცია აქვს, დეზინფორმაციას მარტივად იჯერებს.
კორონავირუსი

საბჭოთა რეპრესიები

ვიდეო
პატარა “სანტები” თანატოლების დასახმარებლად [ვიდეო]
საღამოს ექვსი საათია. ბავშვები საკლასო ოთახში შეკრებილან და საახალწლო სათამაშოებს ამზადებენ. ზოგი თექას
ისევ მშივრები, ისევ ქუჩაში - მოქალაქეთა აქტივიზმით გადარჩენილი სიცოცხლეები [ვიდეო]
მიუსაფარ ძაღლებს ზუგდიდის ქუჩებში თითქმის ყოველ ნაბიჯზე ნახავთ. პარკებსა და სკვერებში, კვების ობიექტებთან,
პირველი მეგრულენოვანი ანიმაცია - ხობელი ანიმატორის სტუდია დიდი გეგმებით [ვიდეო]
ძუკუ დელფინია და კოღონა გაბისკირია, პირველი მეგრულენოვანი ანიმაციური სერიალის პერსონაჟები არიან. მათზე
სკოლის ნათხოვარ შენობაში დაწყებული ჩხოროწყუელი მოსწავლეების ბრძოლა უკეთესი გარემოსთვის [ვიდეო]
ჩვენ არ გვაქვს სხვა პლანეტა, - ამბობენ ჩხოროწყუელი მოსწავლეები და გარემოს გადასარჩენად ერთიანდებიან.
მდინარე ჯუმისგან მიტაცებული მიწები და სამანქანე გზა - დარჩელელები აქციებით იმუქრებიან [ვიდეო]
ზუგდიდის სოფელ დარჩელში, კიროვის უბანში, ძლიერი წვიმების დროს მდინარე ჯუმი დიდდება, კალაპოტიდან
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.