საზოგადოება
აფხაზური აჯიკის ბიზნესი წიწაკის ფარდის მიღმა [ფოტო]
FaceBook Twitter
E-mail Print
სახლის აივანი წიწაკის ფარდით, თბილისში ტურისტებისთვის ერთ-ერთი მიმზიდველი ადგილია.

სახლში, რომელიც დიდ დიღომში მდებარეობს, 53 წლის ხათუნა თაკალანძე ცხოვრობს. დისახლისს უკვე ათი წელია რაც სახლში აფხაზური აჯიკის საწარმო აქვს.

მეწარმე ამბობს, რომ მისი პროდუქციის განსაკუთრებულობა სწორედ ამ წიწაკებშია.

ხათუნა გალიდანაა. დევნილობის შემდეგ თბილისში ოჯახთან ერთად ცხოვრობს. პირველი აჯიკა საცდელად, 10 წლის წინ მეგობრებისთვის მოამზადა. მათი შექების შემდეგ გადაწყვიტა, რომ ეს საქმე ოჯახურ ბიზნესად ექცია.

"ცხოვრება რომ გაჭირდა, დამატებითი შემოსავლის ძიება დავიწყე. ბევრი ვიფიქრე. თავიდან ცოტა გავაკეთე, მეგობრებს დავურიგე საჩუქრად და ძალიან დიდი მოწონება დავიმსახურე. შემდეგ აფხაზეთში წავიღე, ასაკოვან ქალებს, საუკეთესო კულინარებს გავასინჯე. აფხაზეთში ხომ აჯიკის დიდი კულტია. მათაც რომ მოეწონათ, შემდეგ გადავწყვიტე აჯიკის ბიზნესი დამეწყო. პირველი პროდუქცია ადგილობრივ ხილ-ბოსტნის მაღაზიებში გავყიდე. ახლა კი გუდვილში, აგროჰაბის ქსელში, ნიკორაში და თითქმის ყველა დიდ ქსელში იყიდება", - გვიყვება მეწარმე.

ბიზნესში მთელი ოჯახია ჩართული. კვირის განმავლობაში 100-დან 200 კილოგრამამდე აჯიკას ამზადებენ.

მართალია პანდემიამ გაყიდვები შეანელა, მაგრამ მეწარმე ამჟამად პროდუქციის რეალიზაციას ონლაინგაყიდვით ახერხებს.

კარანტინის პერიოდში წიწაკის სანერგეც მოაწყო:

"როცა შენი პროდქუცია ასეთ დიდ ქსელებში იყიდება, ეს წარმატებასთან ერთად დიდი პასუხისმგებლობაცაა. ამიტომ გადავწყვიტე ჩემი წიწაკა მქონოდა. ბიძაშვილმა მუხიანში შემომთავაზა ნაკვეთი, სადაც დავრგე 2500 ძირი წიწაკა. პირველად ავიღე ხელში თოხი, მაგრამ ეს საქმეც ნაყოფიერი აღმოჩნდა. არაჩვეულებრივად ნოყიერი მიწა გამოდგა და ჩემი წიწაკით დამზადებული აჯიკაც განსაკუთრებულად გემრიელი".

აჯიკის მომზადებამდე წიწაკას გამოშრობა სჭირდება, ამიტომაც აივანზე ჰფენს ხოლმე:

"ახლაც 500-მდე აცმა მაქვს გამოფენილი. დიდი აივანი მაქვს, მაგრამ ჩემსაზე ყველა არ ეტევა და შემდეგ მეზობლების აივანიც ავითვისე. გამვლელებს ძალიან მოსწონთ, შემოდიან და ფოტოებს იღებენ. პანდემიამდე ბევრი ტურისტი მსტუმრობდა. ტურისტებს რომ ძალიან მოსწონდათ ჩემი პროდუქცია, შემდეგ გადავწყვიტე ლამაზი შეფუთვაც გამეკეთებინა. მეზობლებს ინტერნეტით ვასწავლე კალათების დაწვნა და კალათებში შეფუთულ აჯიკას ვთავაზობდი ტურისტებს".

ონლაინგაყიდვების პარალელურად, ხათუნას ამჟამად, მიწაზე ქართული ნიორი და სხვადასხვა მწვანილი მოჰყავს, რომელიც აჯიკის მომზადებას სჭირდება. აქვს თავისი ვებ-გვერდი, სადაც მომხმარებელს სხვადასხვა სახის აჯიკას სთავაზობს.

მეწარმე დარწმუნებულია, რომ პანდემიის დასრულებისთანავე, მისი ბიზნესი სრული დატვირთვით ამუშავდება:

"ძალიან ბევრი შრომა ჩავდე ამ ყველაფერში, მაგრამ ბედნიერი ვარ, რომ 10 წლის წინ საცდელად მომზადებული ჩემი აფხაზური აჯიკა, განთქმული და წარმატებული გამოდგა".
Print E-mail
Twitter
სხვა მასალები
ერნა პეპანიანი 21 წლისაა და წალკაში, სოფელ დაშბაშში საოჯახო ბიზნესს
მართავს.
18:32 / 04.11.2022
ერნა პეპანიანი 21 წლისაა და წალკაში, სოფელ დაშბაშში საოჯახო ბიზნესს მართავს.
თეა ადიკაშვილსა და დარეჯან ცირამუას თბილისიდან 28
კილომეტრში,
02:06 / 02.09.2022

თეა ადიკაშვილსა და დარეჯან ცირამუას თბილისიდან 28 კილომეტრში,

გიგა დოღონაძეს ქუთაისის ცენტრალურ არქივში შევხვდით.
17:45 / 25.06.2022
გიგა დოღონაძეს ქუთაისის ცენტრალურ არქივში შევხვდით.
22:08 / 15.04.2022
"როცა საზოგადოებას ნაკლები ინფორმაცია აქვს, დეზინფორმაციას მარტივად იჯერებს.
კორონავირუსი

საბჭოთა რეპრესიები

ვიდეო
მდინარე ჯუმისგან მიტაცებული მიწები და სამანქანე გზა - დარჩელელები აქციებით იმუქრებიან [ვიდეო]
ზუგდიდის სოფელ დარჩელში, კიროვის უბანში, ძლიერი წვიმების დროს მდინარე ჯუმი დიდდება, კალაპოტიდან
რობოტი „თამადა“ და კედლის სათბური - ზუგდიდელი ახალგაზრდების გამოგონება ბაზარზე გასავლელად ემზადება [ვიდეო]
ზუგდიდში ახალგაზრდები მუდმივად უჩივიან შემეცნებით-გასართობი სივრცეების სიმწირეს, სადაც იდეების
როგორ დავსაქმდე - ზუგდიდში სამუშაოს მაძიებლებისთვის ონლაინ პლატფორმა შეიქმნა  [ვიდეო]
უმუშევრობა საქართველოსთვის ერთ-ერთი მთავარი გამოწვევაა. ადამიანები ასაკის და სქესის განურჩევლად სამსახურს ეძებენ,
საოკუპაციო ხაზთან მცხოვრები მოზარდები ცვლილებებისთვის [ვიდეო]
ახალგაზრდებს, რომლებიც სოფლად ცხოვრობენ, გაცილებით მეტი საჭიროებები აქვთ. იმისთვის, რომ განვითარდნენ და გარემო
80 წლის კეკე მასწავლებელი სოფელ ხაბუმედან [ვიდეო]
მერი (კეკე) გულუა უკვე 60 წელია ჩხოროწყუს სოფელ ხაბუმეს სკოლაში ასწავლის. რამდენიმე წლის წინ სახელმწიფოს
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.