საზოგადოება
„ფოლკლორის სახლი“, სადაც სიჩუმეში მუსიკა ისმის [ვიდეო]
FaceBook Twitter
E-mail Print
ზუგდიდში, თამარ მეფის ქუჩაზე თუ ერთხელ მაინც გაივლით, მარტივად შეამჩნევთ და დაგამახსოვრდებათ განსაკუთრებული არქიტექტურის ნაგებობა - ხუთსართულიანი, აგურის კოშკი. ეს "ფოლკლორის სახლია", შეიძლება ითქვას ეთნოგრაფიული მუზეუმიც და ჰოსტელიც. სახლს ზუგდიდში ხშირად მოიხსენიებენ კოლხურ კოშკადაც. აქ ერთი კაცი ცხოვრობს - ბესიკ ჭითანავა, რომელსაც რამდენიმე პროფესია წარმატებით აქვს მორგებული.

ფოლკლორისტმა, ლოტბარმა, ხალხური რეწვის ოსტატმა, მებაღე-დეკორატორმა, მზარეულმა და ძველი ნივთების კოლექციონერმა ბავშვობის ოცნების სახლის მშენებლობა 2008 წლიდან დაიწყო. პანდემიამ ხელი შეუშალა და სამუშაოების ბოლომდე დასრულება ვერ შეძლო. მიუხედავად ამისა, გარემონტებული 2 სართული საკმარისი აღმოჩნდა იმისთვის, რომ უცხოელ სტუმრებს თავი კომფორტულად ეგრძნოთ. "ფოლკლორის სახლს" უკვე ჰყავს ერთგული ვიზიტორები სხვადასხვა ქვეყნიდან.

"ფოლკლორის სახლი ჩემ მიერ არის აშენებული. ინტერიერი, ექსტერიერი, დიზაინი, ფაქტიურად ყველაფერი მე მეკუთვნის. მეხმარებოდნენ მეგობრები, თანამშრომლები, ნათესავები. ფაქტიურად სიმღერ-სიმღერით შენდებოდა ეს სახლი. ერთი სტუმარი დადის, უკვე სამჯერ იყო აქ და მითხრა, რა უნდა მოხდეს ისეთი, მე საქართველოში ჩამოვიდე და აქ არ მოვიდეო, ისე უყვარს აქაურობა. აქ ხომ არც ლაქი და არც საღებავი არ დომინირებს, მხოლოდ აგურია. ის ამბობს, აქო სიჩუმეშიც მუსიკა იგრძნობაო", - გვითხრა მასპინძელმა.

მეორე წელია პანდემიამ ბესიკ ჭითანავას სახლში სტუმრიანობა შეამცირა, თუმცა არ წუწუნებს. პირიქით ცუდ ხასიათზე მყოფიც სიმღერას საკუთარი თავის და სხვების გასამხნევებლად იწყებს. ძირითადად ძველ მეგრულ ლექსებზე შექმნილ მის დაწერილ მუსიკას უკრავს და მღერის. ინსტრუმენტი ასარჩევად აქვს.

პანდემიის პასიურ პერიოდში ხალხური რეწვის ოსტატმა საყვარელი ხელსაქმე გაიხსენა და აქტიურად დაიწყო ქარგვა. ფოლკლორის სახლის კედლებს მის მიერ მოქარგული ხატები და პეიზაჟები ამშვენებს. სამომავლოდ ბესიკ ჭითანავა ნამუშევრების საზღვარგარეთ გატანას და გამოფენის მოწყობას გეგმავს, რადგან თვლის რომ უცხოეთში მისი ნამუშევრები უკეთ იყიდება.

ამბობს, რომ ნელ-ნელა სიტუაცია უმჯობესდება და უკვე სტუმრების მიღებას სიფრთხილით, რეგულაციების დაცვით, მაგრამ მაინც ახერხებს.

წელს განსაკუთრებით გაახარა საქართველოში ამერიკის შეერთებული შტატების ელჩის კელი დეგნანის ვიზიტმა. ის "ფოლკლორის სახლს", მეორედ სტუმრობდა.

სახლი განსხვავებული მხოლოდ არქიტექტურით არ არის. მასპინძელი სტუმრებს ასევე განსაკუთრებულად უმასპინძლდება. უძველეს მეგრულ კერძებს ვიზიტორების თვალწინ, წინაპრების მეთოდით ამზადებს. მაგალითად, გებჟალიასთვის საჭირო პიტნიან შიგთავსს თუ სხვა სუნელებს უძველეს კოლხურ ქვაზე - ხაკეზე ნაყავს.

"ეს [ხაკე] არის კოლხური კულტურის დასაბამი. ფაქტიურად ქვის ხანიდან იწყებათქო ვამბობ კოლხური სამზარეულო", - გვიხსნის ბესიკ ჭითანავა.

ის თავად უყვება სტუმრებსაც კოლხური კულტურისა და ტრადიციების შესახება. "ფოლკლორის სახლში" განთავსებულ თითოეულ ნივთს საკუთარი ისტორია აქვს. უმრავლესობა სამეგრელოს სოფლებშია მოპოვებული. მათ შეგროვებაში კოლექციონერს მეგობრები ეხმარებიან.

საინტერესო ნივთები ბესიკ ჭითანავასთვის საჩუქრად უცხოეთიდანაც ჩამოაქვთ. თავადაც ყიდულობს საზღვარგარეთ ყოფინსას. მეორე სართულის მისაღებ ოთახს საფრანგეთიდან ჩამოტანილი უძველესი კარადა ამშვენებს.

"ეს კარადა მაჩუქა ჩრდილოეთ საფრანგეთში, ფრანგმა ქალმა. მითხრა, რომ ბებიამისის მზითევი იყო. თავად ეს ქალი 92 წლის კი იქნებოდა და წარმოიდგინეთ რამდენი წლის არის ეს კარადა", - ყვება ბესიკ ჭითანავა.

მიუხედავად პანდემიით გამოწვეული სირთულეებისა "ფოლკლორის სახლი" ცდილობს სიახლეებიც დანერგოს. ვიზიტორებს ხალხური სიმღერისა და ადგილობრივი სამზარეულოს მასტერკლასებთან ერთად ბესიკ ჭითანავა ახლა უკვე ქარგვის გაკვეთილებსაც სთავაზობს.

გარდა ამისა, წინ დიდი გეგმები აქვს. "ფოლკლორის სახლიდან" შემოსულ თანხებს ისევ მის განვითარება-მშენებლობას ახმარს. კოშკის ზედა სართულების რემონტის პარალელურად ეზოში მარანს აშენებს სადაც ვაზის კოლხური ჯიშებისგან დამზადებული ღვინის დაყენება სურს.

Print E-mail
Twitter
სხვა მასალები
საქართველოში პური ისევ გაძვირდა. ფასმა საშუალოდ 10 თეთრით მოიმატა,
12:03 / 23.10.2021
საქართველოში პური ისევ გაძვირდა. ფასმა საშუალოდ 10 თეთრით მოიმატა,
კორონავირუსის მოსალოდნელი მეხუთე ტალღის და მოახლოებული ზამთრის
ფონზე,
14:11 / 09.10.2021
კორონავირუსის მოსალოდნელი მეხუთე ტალღის და მოახლოებული ზამთრის ფონზე,
2 ოქტომბერს ზუგდიდი, სხვა მუნიციპალიტეტების მსგავსად,
ახალ მერს და საკრებულოს აირჩევს.
14:25 / 01.10.2021
2 ოქტომბერს ზუგდიდი, სხვა მუნიციპალიტეტების მსგავსად, ახალ მერს და საკრებულოს აირჩევს.
კორონავირუსი

საბჭოთა რეპრესიები

ვიდეო
ქალთა გაძლიერებისთვის მებრძოლი ფერმერი სოფელ კახათიდან [ვიდეო]
დილაადრიან, როცა ჯერ კიდევ ბნელა და მხოლოდ მამლების
„ჩემი მორდუ“ -  როგორ მუშაობს რეგიონში პირველი ხანდაზმულთა ცენტრი [ვიდეო]
თამაშში ყველაზე მეტად მე მიმართლებს და ვიგებ კიდევაც,
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.