სპორტი
„საპროექტო შეცდომა“ - რა „გაეპარა“ ზუგდიდის სტადიონის დამპროექტებელს [ვიდეო/ფოტო]
FaceBook Twitter
E-mail Print
მოედნის საფარის დაგება თითქმის დასრულებულია. მინდვრის რამდენიმე მონაკვეთი წყლით გაჟღენთილი დაგვხვდა. აგვიხსნეს, რომ ეს ბალახის მორწყვას უკავშირდება და არა სადრენაჟო სისტემების გაუმართაობას. ქალაქის მერიის მშენებლობის ზედამხედველობის სამსახურის უფროსი დამაჯერებლად აცხადებს, რომ სისტემა ნებისმიერი სტადიონისას გაუწევს კონკურენციას და შესაძლოა აჯობოს კიდეც.

„გაიჟღერა იმანაც, თითქოს ჭაობში ვდგავართ. ჭაობი არ არსებობს აქ. თავსხმა წვიმები რომ იყო, ამან გაიარა უკვე გამოცდა. ერთი წყალი არ დარჩენილა მოედანზე“, - გვარწმუნებს თამაზ ბულია.

რაც შეეხება ბალახს, - ამბობს, რომ ახლად დაგებულია და უნდა გაიზარდოს. მის მოვლაზე, მორწყვა იქნება ეს, გაკრეჭვა თუ სათამაშოდ გამზადება, სპეციალისტი იზრუნებს.

უეფას მესამე კატეგორიის სტანდარტის შესაბამისი ზუგდიდის საფეხბურთო სტადიონის მშენებლობის პროცესიდან, რაც ასევე თვალში მოგხვდებათ, ბეტონის კედელია. ის სათამაშო მოედანს ოთხივე მხრიდან გასდევს. სწორედ ეს საკითხი გახდა ხელისუფლების ოპონენტების კრიტიკის საგანი.

მათი მტკიცებით, ბეტონის კედელი საფრთხეს წარმოადგენს ფეხბურთელის ჯანმრთელობისთვის. ამ მოსაზრებას არ ეთანხმებიან ქალაქის მერიაში. ამბობენ, რომ კედელი სტანდარტების დაცვით, დამტკიცებული პროექტის მიხედვით ამოიყვანეს. ჯერ მოედანი დახაზული არ არის, თუმცა გვერდითა და კარს უკანა ხაზებიდან ბეტონამდე 5 მეტრი და 10 სანტიმეტრია დაშორება.

„მაგრამ ისინი ამბობენ, აქ უნდა იყოსო 6 მეტრი. დაბრკოლება იქმნებაო. გათვალისწინებული უნდა ყოფილიყო მაშინ ადრე, სანამ გაკეთდებოდა. შეიძლება ბეტონის კედელი სარეკლამო ბანერად იქნეს გამოყენებული. ალბათ არქიტექტორს ჰქონდა ჩაფიქრებული ან რბილი მასალებით შეფუთვა მისი და სარეკლამო ბანერად გამოყენება, რომელიც სამ მეტრში უნდა ყოფილიყო. თუ არ გამოდგებოდა, დასკვნა არ უნდა მიეცათ მაშინ. რაც პროექტში არის ჩადებული, ის არის გაკეთებული“, - უთხრა თამაზ ბულიამ „ლაივპრესს“ და შენიშნა, რომ თითოეულ კონსტრუქციაზე მიმდინარეობს კონტროლი, მათი ამოცანა კი მშენებლებთან ერთად, პროექტში გაწერილი სამუშაოების კეთილსინდისიერად შესრულებაა.

სტადიონი დაახლოებით 7 ათას 300 მაყურებელზეა გათვლილი. თუმცა მათგან სამოცს ორი სხვადასხვა ტრიბუნიდან, თამაშებისთვის თვალის მიდევნება შესაძლოა ფეხზე მდგომთ მოუწიოს. ეს იმიტომ, რომ ბოლო რიგების სკამებს გვერდიდან ბეტონის კედელი ეფარება, რის გამოც მოედნის კუთხეებში ფეხბურთელთა გადაადგილების დანახვა შეუძლებელი იქნება. თამაზ ბულია დეტალს „საპროექტო შეცდომას“ უწოდებს, რომელიც დამპროექტებლებს „გაეპარათ“.

„ეშველება მაგასაც. ფეხზე დგომით ყველა ნახავს და მერე მოუვლის ადმინისტრაცია ალბათ. ან იაფად გაყიდის ბილეთებს. იაფი ბილეთის მსურველიც იქნება ვინმე“, - ნახევრადხუმრობით აღნიშნა თამაზ ბულიამ.

მერიის ქალაქმშენებლობის სამსახურის უფროსის, მამუკა ლოგუას განმარტებით, მეორე ეტაპის სამუშაოები სტადიონს მისცემს იმ სახეს, იმ ფორმას, რაც არის გათვალისწინებული პროექტით.

„2018 წელს ჩვენ გვექნება რეგიონში საუკეთესო სპორტული ბაზა. ეს არა მარტო სანახაობრივი კუთხით, არამედ მატერიალური თვალსაზრისითაც ძალიან მომგებიანი პროექტია. შესაძლებლობას იძლევა ჩატარდეს კონცერტები, სპორტული ღონისძიებები, რაც საშუალებას მისცემს ადგილობრივ ბიუჯეტს გარკვეული სარგებელი ნახოს“, - გვითხრა მამუკა ლოგუამ.

რა ინფრასტრუქტურა ექნება ზუგდიდის საფეხბურთო სტადიონს, ამის შესახებ ინფორმაცია პროექტშია დაცული:

გუნდების მოსამზადებელი სივრცე, სასაწყობო სივრცე, დაცვის ოთახი, სველი წერტილები გუნდებთან ერთად მაყურებლებისთვის, მათ შორის შეზღუდული შესაძლებლობის პირებისთვის, ტექნიკური ოთახი ინვენტარის შესანახად, მასაჟისტის ოთახი, გასახდელები და თეორიის ოთახი, მსაჯთა ოთახები, პირველადი დახმარების, დოპინგ კონტროლის ოთახი, სავარჯიშო დარბაზი, საზოგადოებრივი კვების ობიექტი, სატელევიზო კონტროლის ოთახი, სამუშაო სივრცე მედიისთვის, მედია ტრანსლირების ოთახი, პრესკონფერენციის დარბაზი, პრესის ადგილები სტადიონზე, vip მისაღები, vip შესასვლელი, vip ადგილები, ძირითადი კამერის განლაგების ადგილი, სატელევიზიო მართვის ოთახი, vip ლოჟა, vip რესტორანი, vip კაფე-ბარი, vip მოსასვენებელი სივრცე, ცენტრალური სტადიონი, სათადარიგო სტადიონი, სალაროები, საბოლიერო, სარბენი ბილიკი, ავტოსადგომები, - ეს ნაწილია სტადიონის ინფრასტრუქტურის.

მამუკა ლოგუას თქმით, პროექტის საერთო ღირებულება 20 მილიონი ლარია. მისივე სიტყვებით, პირველი ეტაპის სამუშაოები, რისთვისაც 7 მილიონ 800 ათასამდე ლარი დაიხარჯა, სავარაუდოდ ოქტომბრის ბოლოსთვის უნდა დასრულდეს.

პროექტის დამკვეთი ქალაქ ზუგდიდის მერიაა. დამპროექტებელი ორგანიზაცია შპს „თბილქალაქპროექტი“. სამშენებლო სამუშაოებს კომპანია „დაგი“ აწარმოებს.

Print E-mail
Twitter
სხვა მასალები
ძალოსანი ნათია გადელია რამდენიმე დღეა რაც საუდის არაბეთიდან
ზუგდიდში,
09:33 / 22.10.2021
ძალოსანი ნათია გადელია რამდენიმე დღეა რაც საუდის არაბეთიდან ზუგდიდში,
ინა ქალდანი პირველი ქართველი ქალი ძიუდოისტია, ვინც საქართველოს
ოლიმპიური და პარაოლიმპიური თამაშების ფინალში გავიდა.
12:28 / 29.08.2021
ინა ქალდანი პირველი ქართველი ქალი ძიუდოისტია, ვინც საქართველოს ოლიმპიური და პარაოლიმპიური თამაშების ფინალში გავიდა.
ზუგდიდის ქალთა საფეხბურთო გუნდი
11:46 / 04.08.2021
ზუგდიდის ქალთა საფეხბურთო გუნდი "ფენიქსი" საქართველოს
მორაგბე ხვიჩა ჯგერენაიამ
სპორტული კარიერა ხობიდან დაიწყო, თითქმის
არარსებული
19:31 / 29.07.2021
ორაგბე ხვიჩა ჯგერენაიამ სპორტული კარიერა ხობიდან დაიწყო, თითქმის არარსებული
კორონავირუსი

საბჭოთა რეპრესიები

ვიდეო
პატარა “სანტები” თანატოლების დასახმარებლად [ვიდეო]
საღამოს ექვსი საათია. ბავშვები საკლასო ოთახში შეკრებილან და საახალწლო სათამაშოებს ამზადებენ. ზოგი თექას
ისევ მშივრები, ისევ ქუჩაში - მოქალაქეთა აქტივიზმით გადარჩენილი სიცოცხლეები [ვიდეო]
მიუსაფარ ძაღლებს ზუგდიდის ქუჩებში თითქმის ყოველ ნაბიჯზე ნახავთ. პარკებსა და სკვერებში, კვების ობიექტებთან,
პირველი მეგრულენოვანი ანიმაცია - ხობელი ანიმატორის სტუდია დიდი გეგმებით [ვიდეო]
ძუკუ დელფინია და კოღონა გაბისკირია, პირველი მეგრულენოვანი ანიმაციური სერიალის პერსონაჟები არიან. მათზე
სკოლის ნათხოვარ შენობაში დაწყებული ჩხოროწყუელი მოსწავლეების ბრძოლა უკეთესი გარემოსთვის [ვიდეო]
ჩვენ არ გვაქვს სხვა პლანეტა, - ამბობენ ჩხოროწყუელი მოსწავლეები და გარემოს გადასარჩენად ერთიანდებიან.
მდინარე ჯუმისგან მიტაცებული მიწები და სამანქანე გზა - დარჩელელები აქციებით იმუქრებიან [ვიდეო]
ზუგდიდის სოფელ დარჩელში, კიროვის უბანში, ძლიერი წვიმების დროს მდინარე ჯუმი დიდდება, კალაპოტიდან
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.