სპორტი
ახალგაზრდული ოლიმპიადის პირველი ქართველი მოჭიდავე ოქროსმედალოსანი [ვიდეო]
PLAYER_GET_VIDEOFLASH
სენაკელი გიორგი ჩხიკვაძე ახალგაზრდული ოლიმპიური თამაშების პირველი ოქროს მედალოსანია საქართველოდან. ახალგაზრდა მოჭიდავემ პირადი, ოჯახის, მწვრთნელის და მთლიანად ქვეყნის ოცნება აისრულა, მშობლიურ ქალაქში დაბრუნებული კი უკვე მომავალ წარმატებებზე ფიქრობს. დიდ გამარჯვებამდე ბევრი მარცხი იყო, გულისტკენაც, თუმცა შეცდომებზე ისწავლა, წინააღმდეგობებმა კი მოგების სურვილი გაუძლიერა.

17 წლის ახალგაზრდა ამბობს, რომ არგენტინაში, ბუენოს აირესში გამართული შეჯიბრი ცხოვრების ბოლომდე დაამახსოვრდება, როგორც ერთ-ერთი ბედნიერი წუთები მის კარიერაში. გამარჯვებულის - რეაქცია, საქართველოს დროშა და ეროვნული ჰიმნი - ემოციები ჯერაც არ განელებია. თუმცა დღეს ბევრად თავშეკავებულია, და თავდაჯერებულიც.

გიორგი დღესაც სენაკის სასპორტო სკოლის დარბაზში ვარჯიშობს და ემზადება შეჯიბრებებისთვის, სადაც მშობლების სურვილით თერთმეტი წლის წინ მიიყვანეს. მოგვიანებით მიხვდა, რომ ჭიდაობა მისთვის მხოლოდ გართობა, ან ცხოვრების ჯანსაღი წესი არ იყო, არამედ ცხოვრების მთავარი საქმე.

„11 წელია ვვარჯიშობ. თავდაუზოგავად ვშრომობდი იმისთვის, რომ მიმეღწია ამ შედეგისთვის და გავმხდარიყავი ჩემპიონი. ბევრი შეკრება გავიარე. დღემდე არ მქონია საქართველოს ჰიმნი აჟღერებული. ეს მოხდა ოლიმპიადაზე. არაერთ საერთაშორისო ტურნირზე ვყოფილვარ. ბევრი მარცხი მინახავს, მაგრამ ამ მარცხით ბევრი ვისწავლე. უფრო მეტი მოვინდომე“, - უთხრა მოჭიდავემ „ლაივპრესს“.

დიდ გამარჯვებამდე მან მან ჯერ სომეხ მოწინააღმდეგეს სძლია, სწორედ მას, ვისთანაც რამდენიმე თვის წინ გამართულ ევროპის ჩემპიონატზე ფინალურ დაპირისპირებაში დამარცხა, შემდეგ ალჟირელ და ყირგიზ მეტოქეებს მოუგო. ამბობს, რომ დარბაზში შეკრებილი ქართველებისგან დიდ მხარდაჭერას გრძნობდა, მათმა იქ ყოფნან და ეროვნულმა დროშამ არგენტინის დედაქალაქში კი, მოტივაცია გაუორკეცა.

სენაკში დაბრუნებულ გიორგი ჩხიკვაძეს სკოლაში საზეიმო დახვედრა მოუწყვეს. ახალგაზრდა სპორსტმენის თქმით, ბევრი დრო გაკვეთილებზე სასიარულოდ არც ჰქონია, თუმცა სათანადო ხელშეწყობას პედაგოგების მხრიდან მუდმივად გრძნობდა.

ახალგაზრდა სპორტსმენთან ერთად, პირველი ოქროა ეს გამარჯვება მისი პირადი მწვრთნელისთვისაც. ვალერიან მურღულიას თქმით, ამის გამო მოჭიდავის წარმატებას განსაკუთრებული ემოციით შეხვდა. ამბობს, რომ არგენტინაში გამართული ახალგაზრდული ოლიმპიადა რიგით მესამეა, თუმცა ამ ხნის მანძილზე ვერცერთმა ქართველმა პირველი ადგილის მოპოვება ვერ შეძლო. სწორედ ამიტომ, ფიქრობს - გიორგიმ ისტორია დაწერა, რომლის პირველი გმირიც თავად არის - პირველი ახალგაზრდული ოლიმპიური ჩემპიონი საქართველოსი სენაკიდან.

„სენაკის სპორტული სკოლა ყოველთვის გამოირჩეოდა ტიტულებით, მაგრამ არ იყო ოქრო. ჩემს კარიერაშიც, რაც მე დავიწყე მწვრთნელობა, არ იყო ოქრო, არ იყო ჰიმნი და არ ყოფილა დროშა. მე ასმაგად მადლობელი ვარ გიორგის ამის გამო. ეს ოცნება იყო ოლიმპიური კომიტეტის, მთელი საქართველოსი, რომ გვქონოდა ოქრო. აგვეფრიალებინა საქართველოს დროშა და ჰიმნი აგვეჟღერებინა. ეს ყველაფერი საბედნიეროდ მოხდა“, - გვითხრა ვალერიან მურღულიამ.

გიორგის წარმატებაში მთავარი დამსახურება დედას მიუძღვის. ელზა ჯიჯელავა ამბობს, რომ შვილმა მთელი ცხოვრების ოცნება აუსრულა. მისი თქმით, ქმარი ყოფილი მოჭიდავეა, რომელმაც რიგი მიზეზების გამო ვერ შეძლო სპორტს გაჰყოლოდა, ამიტომაც დიდი სურვილი ჰქონდა, ერთ-ერთი შვილი მაინც კარგი მოჭიდავე დამდგარიყო. გიორგის გამარჯვებაზე საუბრისას ემოციებს და ცრემლს ვერც დღეს ვერ იკავებს. ამბობს, რომ ვარჯიშის პარარელურად, მის შეკრებებსაც ესწრება და შვილის წარმატებულ სპორტსმენად ჩამოყალიბებაშიც თავიდანვე აქტიურად იყო ჩართული.

„ერთი დღეც კი არ ყოფილა ისეთი, რომ გიორგი დამეტოვებინა. მქონია ისეთი მომენტებიც, როცა მიმიტოვებია ოჯახი, სამი შვილი, გავყოლილვარ გიორგის შეკრებებზე. მხარში ვედექი ყოველთვის. ძნელია სიტყვებით გადმოვცე, რას ნიშნავს ეს სპორტი ჩემთვის, ერთი ცხოვრებაა. ყოველთვის ვეუბნებოდი, დე, მე მინდა დროშა, რომ შენი ქვეყნის ჰიმნი ააჟღერო. ეს ჩემმა შვილმა შეძლო. მე უბედნიერესი დედა და ქალი ვარ“, - აღნიშნა ელზა ჯიჯელავამ.

გიორგი ჩხიკვაძე უკვე სამი წელია ჭაბუკთა ნაკრებში ირიცხება. ახალგაზრდა სპორტსმენი საქართველოს ორგზის ჩემპიონი და ამდენგზისვე ევროპის პრიზორია. აპირებს ჭიდაობა ცხოვრების მთავარ პროფესიად აქციოს და ქვეყანა კიდევ არაერთხელ ასახელოს.
| Print |  E-mail
FaceBook Twitter Google
სხვა მასალები ამ კატეგორიიდან






ზუგდიდელმა მოჭადრაკემ ზვიად ფაციამ პოლონეთის საერთაშორისო
22:05 / 04.01.2019
ზუგდიდელმა მოჭადრაკემ ზვიად ფაციამ პოლონეთის საერთაშორისო






სამეგრელო-ზემო სვანეთს წელს 16 ევროპის და მსოფლიო ჩემპიონი ჰყავს
13:26 / 29.12.2018
სამეგრელო-ზემო სვანეთს წელს 16 ევროპის და მსოფლიო ჩემპიონი ჰყავს






საქართველოს ეროვნულმა ოლიმპიურმა კომიტეტმა წლის აღმოჩენად ხობელი
სპორტსმენი ნუგზარ წურწუმია დაასახელა.
12:38 / 23.12.2018
საქართველოს ეროვნულმა ოლიმპიურმა კომიტეტმა წლის აღმოჩენად ხობელი სპორტსმენი ნუგზარ წურწუმია დაასახელა.






ნუგზარ წურწუმია, საქართველო, ოქროს მედლის მფლობელი, - ასე
წარადგინეს
16:01 / 24.11.2018
ნუგზარ წურწუმია, საქართველო, ოქროს მედლის მფლობელი, - ასე წარადგინეს
ლაივპრესის სტუდია
ნიკოსეული სასახლის რეკონსტრუქცია დასრულდა, თუმცა ცალკეული სამუშაოები
ვიდეორეპორტაჟი
ცოცხალი ისტორიები
დემეტრე ლიპარტია - აგრარულ მეცნიერებათა დოქტორი
გრიგოლ დაგარგულია - აგვისტოს ომის რეზერვისტი
დიანა ქაჯაია - აბიტურიენტი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ  ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე. The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.