სპორტი
წლის მსოფლიო და ევროპის ჩემპიონები სამეგრელოდან [ფოტო]
FaceBook Twitter
E-mail Print
სამეგრელო-ზემო სვანეთს წელს 16 ევროპის და მსოფლიო ჩემპიონი ჰყავს სპორტის სხვადასხვა სახეობაში. ზოგიერთისთვის ეს პირველი საერთაშორისო აღიარება იყო, რამდენიმესთვის კი არახალი წარმატება, რომლის გემოც ყოველ ჯერზე თავდაპირველი ემოციების ტოლფასია. კიდევ ერთხელ გადავავლოთ თვალი გამარჯვებულ სპორტსმენებს.

ნუგზარ წურწუმია 21 წლის ხობელი მოჭიდავეა, რომლისთვისაც ეს წელი წარმატებული აღმოჩნდა. მან საანგარიშო პერიოდში ჯამში ოთხი მედალი მოიპოვა მსოფლიო და ევროპის ჩემპიონატებზე, როგორც საკუთარ ასაკობრივ კატეგორიაში, ისე უფროსებს შორის. ახალგაზრდა სპორტსმენი ნოემბრის თვეში, ბუქარესტში გამართულ შეჯიბრზე მსოფლიო ჩემპიონი გახდა. ფინალში რუსი ვიტალი კაბალოევი დაამარცხა. უფრო ადრე, ივნისში კი ევროპის ჩემპიონის ტიტულიც მოიპოვა.

ნუგზარ წურწუმიას მიზანი ოლიმპიური მედალია, რომლისთვისაც თავდაუზოგავ შრომას გეგმავს. ამ ყველაფერზე მან „ლაივპრესთან“ ისაუბრა.

ხობის მუნიციპალიტეტი და საქართველო კიდევ ორმა სპორტსმენმა ასახელა მიმდინარე წელს. მკლავჭიდში ევროპის ჩემპიონი გახდა 21 წლამდელთა ასაკობრივ კატეგორიაში დათუნა ჯიშკარიანი. სპორტის ამავე სახეობაში მსოფლიო ჩემპიონია გულად ბუკია 18 წლამდელთა შორის.

წარმატებული აღმოჩნდა 2018 წელი სენაკელი მოჭიდავის, გიორგი ჩხიკვაძისთვისაც. ის გახდა ახალგაზრდული ოლიმპიური თამაშების პირველი ოქროს მედალოსანი საქართველოდან. ჩვიდმეტი წლის სპორტსმენმა არგენტინაში, ბუენოს აირეში გამართულ შეჯიბრზე, ფინალში ყირგიზი ელმირბეკ სადიროვი დაამარცხა. მოჭიდავემ „ლაივპრესს“ უთხრა, რომ სპორტს ცხოვრების მთავარ პროფესიად გაიხდის და ეცდება კიდევ ბევრჯერ ასახელოს ქვეყანა.

სენაკელი ქართლოს ოჩიგავა პირველი ქართველია, რომელმაც სპორტის სახეობა გრეპლინგში ოქროს მედალი მოიპოვა. ის მილანში გამართული მსოფლიო ჩემპიონატის გამარჯვებული გახდა.

ზუგდიდის სოფელ რიყეს ჰყავს ევროპის ჩემპიონი ძმები. პოლონეთში მიმდინარე 23 წლამდელთა შორის შეჯიბრში გოგა ჩხეიძემ ატაცში 139 კგ დაძლია და ვერცხლის მედალი მოიპოვა, აკვრაში 174 კილოგრამი დაძლია, ხოლო ორჭიდის ჯამში თავი 313 კილოგრამს მოუყარა და ორივე დისციპლინაში ოქროს მედლები დაიმსახურა.

ევროპის ჩემპიონი გახდა მისი ძმა, ირაკლი ჩხეიძეც. ქართველმა სპორტსმენმა ატაცში (163, 167, 170) სამივე ცდა გამოიყენა და ოქროს მედალს დაეუფლა. მან ასევე წარმატებით იასპარეზა აკვრაში, სადაც 202, 209, 216 დაძლია და პირველი ადგილი მოიპოვა. ორჭიდის ჯამში ძალოსანმა 386 კილოგრამი დააგროვა, რისთვისაც სამი ოქროს მედალი დაისაკუთრა.

ევროპის ჩემპიონი გახდა მათი ბიძაშვილი გიორგი ჩხეიძეც ძალოსნობაში.

ზუგდიდელი კარატისტი ილია გაბრავა ჯერ მხოლოდ შვიდი წლისაა, თუმცა უკვე რამდენიმე საერთაშორისო ჯილდოს მფლობელია. წელს ის თურქეთის ქალაქ სტამბოლში გამართულ მსოფლიო ჩემპიონატზე შოტოკან კარატეში ოქროს მედალს დაეუფლა. ასევე, ილია გახდა ევროპის ჩემპიონიც ქალაქ ვარნაში მიმდინარე შეჯიბრზე.

ილია გაბრავას მსგავსად, მსოფლიო ჩემპიონი გახდა ზუგდიდელი საბა მანიაც თურქეთში გამართულ შეჯიბრზე. საერთაშორისო ღონისძიებიდან ოქროს მედლებით დაბრუნდნენ ასევე შემდეგი სპორტსმენები - უტა ფონიავა და ირაკლი ჭურღულიაც.

კიდევ ერთი სპორტსმენი, რომლისთვისაც ეს წელი წარმატებული აღმოჩნდა, დავით სამუშიაა. ის მსოფლიო ჩემპიონი გახდა. მკლავჭიდელმა ფინალურ შეხვედრაში სომხეთის წარმომადგენელი ვრეზ სედრაკიანი დაამარცხა.

რუმინეთის დედაქალაქ ბუქარესტში გამართულ მსოფლიო ჩემპიონატზე სამბოში ზუგდიდელმა ბესარიონ ბერულავამ პირველი ადგილი დაიკავა. 82 კილოგრამ წონით კატეგორიაში მოასპარეზე სპორტსმენმა მსოფლიოს ჩემპიონი სერგეი კირიუხინი დაამარცხა და ოქროს მედალსაც დაეუფლა.

მოსწავლეთა შორის ევროპის ჩემპიონი გახდა 14 წლის ფოთელი საბა ტყებუჩავა. მოკრივემ ბულგარეთში გამართულ შეჯიბრზე უკრაინელ მეტოქეს სძლია და ოქროს მედალსაც დაეუფლა.

ამავე ჩემპიონატზე 65 კილოგრამ წონით კატეგორიაში ოქროს მედალი მოიპოვა ირაკლი ჯანელიძემაც.

საქართველოს ეროვნულმა ოლიმპიურმა კომიტეტმა წლის ბოლოსთვის სხვადასხვა ნომინაციაში საერთაშორისოდ აღიარებულ სპორტსმენებს შორის გამარჯვებულები გამოავლინა. მათ შორის არის ხობელი ნუგზარ წურწუმია, რომელიც წლის აღმოჩენად დასახელდა და ჯილდოდ „ოლიმპიური იმედი“ გადასცეს.

ამავე კომიტეტის გადაწყვეტილებით, წლის საუკეთესო ახალგაზრდა სპორტსმენი გახდა 17 წლის სენაკელი მოჭიდავე გიორგი ჩხიკვაძეც.

ახალგაზრდების თქმით, გამარჯვებებმა სტიმულთან ერთად თავდაჯერება გაუორკეცეს უფრო მეტი წარმატებისკენ. პირობას დებენ, ბოლომდე დაიხარჯებიან, საერთაშორისო შეჯიბრებებზე საქართველოს ეროვნული ჰიმნი კიდევ ბევრჯერ რომ ააჟღერონ.
Print E-mail
Twitter
სხვა მასალები
ძალოსანი ნათია გადელია რამდენიმე დღეა რაც საუდის არაბეთიდან
ზუგდიდში,
09:33 / 22.10.2021
ძალოსანი ნათია გადელია რამდენიმე დღეა რაც საუდის არაბეთიდან ზუგდიდში,
ინა ქალდანი პირველი ქართველი ქალი ძიუდოისტია, ვინც საქართველოს
ოლიმპიური და პარაოლიმპიური თამაშების ფინალში გავიდა.
12:28 / 29.08.2021
ინა ქალდანი პირველი ქართველი ქალი ძიუდოისტია, ვინც საქართველოს ოლიმპიური და პარაოლიმპიური თამაშების ფინალში გავიდა.
ზუგდიდის ქალთა საფეხბურთო გუნდი
11:46 / 04.08.2021
ზუგდიდის ქალთა საფეხბურთო გუნდი "ფენიქსი" საქართველოს
მორაგბე ხვიჩა ჯგერენაიამ
სპორტული კარიერა ხობიდან დაიწყო, თითქმის
არარსებული
19:31 / 29.07.2021
ორაგბე ხვიჩა ჯგერენაიამ სპორტული კარიერა ხობიდან დაიწყო, თითქმის არარსებული
კორონავირუსი

საბჭოთა რეპრესიები

ვიდეო
პატარა “სანტები” თანატოლების დასახმარებლად [ვიდეო]
საღამოს ექვსი საათია. ბავშვები საკლასო ოთახში შეკრებილან და საახალწლო სათამაშოებს ამზადებენ. ზოგი თექას
ისევ მშივრები, ისევ ქუჩაში - მოქალაქეთა აქტივიზმით გადარჩენილი სიცოცხლეები [ვიდეო]
მიუსაფარ ძაღლებს ზუგდიდის ქუჩებში თითქმის ყოველ ნაბიჯზე ნახავთ. პარკებსა და სკვერებში, კვების ობიექტებთან,
პირველი მეგრულენოვანი ანიმაცია - ხობელი ანიმატორის სტუდია დიდი გეგმებით [ვიდეო]
ძუკუ დელფინია და კოღონა გაბისკირია, პირველი მეგრულენოვანი ანიმაციური სერიალის პერსონაჟები არიან. მათზე
სკოლის ნათხოვარ შენობაში დაწყებული ჩხოროწყუელი მოსწავლეების ბრძოლა უკეთესი გარემოსთვის [ვიდეო]
ჩვენ არ გვაქვს სხვა პლანეტა, - ამბობენ ჩხოროწყუელი მოსწავლეები და გარემოს გადასარჩენად ერთიანდებიან.
მდინარე ჯუმისგან მიტაცებული მიწები და სამანქანე გზა - დარჩელელები აქციებით იმუქრებიან [ვიდეო]
ზუგდიდის სოფელ დარჩელში, კიროვის უბანში, ძლიერი წვიმების დროს მდინარე ჯუმი დიდდება, კალაპოტიდან
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.