სპორტი
მორაგბე ზუგდიდელი გოგონები საშინაო შეხვედრებს ვერ მართავენ
FaceBook Twitter
E-mail Print
სამი წლის წინ ზუგდიდში შექმნილ რაგბის გოგონათა კლუბს ამ დრომდე საშინაო შეხვედრები არცერთხელ არ გაუმართავს. მიზეზი გაუმართავი ინფრასტრუქტურაა. ისინი მხოლოდ გასვლით თამაშებს ატარებენ ტურნირის ფარგლებში. საშხაპეების, გასახდელების დეფიციტი, წვიმის დროს მოედანზე წყალი - ეს ის პრობლემებია, რაც სპორტსმენებს აფერხებთ, მოწინააღმდეგეები შინ მიიღონ. კლუბს დაფინანსება არ აქვს. ერთადერთი, რაგბის ფედერაცია გასვლითი მატჩების დროს ტრანსპორტირების და კვების ხარჯებს უნაზღაურებს.

შარშან, ივნისის თვეში პრემიერ-მინისტრთან ბოტანიკურ ბაღში გამართულ შეხვედრაზე მორაგბე გოგონებმა მამუკა ბახტაძეს კლუბში არსებული საჭიროებების შესახებ მიაწოდეს ინფორმაცია. უთხრეს ისიც, რომ რეგიონის მასშტაბით გუნდებს ვერ მასპინძლობდენ. მაშინ მთავრობის მეთაურისგან მიიღეს დაპირება, თხოვნას ყურად იღებდნენ და სპორტსმენებისთვის კარგი პირობების შექმნას უზრუნველყოფდნენ. თუმცა ამ დრომდე არაფერი შეცვლილა.

რაგბისტ გოგონათა მწვრთნელმა ვახტანგ კორკელიამ "ლაივპრესს" უთხრა, რომ ერთადერთი, ზუგდიდის მერიამ 5 ათასი ლარი გამოუყო სამი საშხაპეს მოსაწყობად. ამ თანხით ფორმების შეძენაც იგეგმება.

გოგონები ონარიის სტადიონზე ვარჯიშობენ, ისევე როგორც ბიჭები, თუმცა ამბობს, რომ მათთვის აქ თამაში შედარებით მარტივია და არც სხვა გამოსავალი აქვთ, საქართველოს ჩემპიონატის ფარგლებში საშინაო მატჩების გამართვა უწევთ.

"მაგრამ ეს არ ნიშნავს, რომ შეგვიძლია უკვე ვითამაშოთ და გოგონების გუნდები მივიღოთ. უბრალოდ, მათ იმის საშუალება ექნებათ, რომ ვარჯიშის შემდეგ დაიბანონ, მეტი არაფერი. აქ წვიმიან ამინდში საშინელებაა", - განმარტა მან.

ვახტანგ კორკელიას თქმით, გოგო მორაგბეები ჩემპიონატის მსგავს, შვიდქალა ტურნირში მონაწილეობენ, რომელიც ზუგდიდში არა, მაგრამ სხვა ქალაქებში ტარდება. ამბობს, რომ ეროვნული ნაკრების გარდა, თითქმის ყველა გუნდს უგებენ, რაც სპორტსმენთა პერსპექტიულობაზეც მეტყველებს.

მწვრთნელი ამბობს, რომ გოგონებს სურთ რაგბს მეტი პოპულარიზაცია გაუწიონ მშობლიურ მუნიციპალიტეტში, თუმცა ამ ყველაფერს საჭირო ინფრასტრუქტურის არქონა აფერხებს.

"ქვეყნის მასშტაბით მოქმედი გოგონათა ათი გუნდი რომ ჩამოვა, მინიმუმ ოთხი გასახდელი უნდა იყოს. დაიბანონ. სამ საშხაპეს ვაკეთებთ და 40-50 გოგო რომ იქნება, რამდენი ხანი მოუწევთ ლოდინი? გასახდელი დღეს ორია. სანამ დავიწყებდით მუშაობას, აქ ფეხბურთის სტადიონი იყო და იმდროინდელია. ეს გასახდელი 11 კაცზეა გათვლილი", - გვითხრა ვახტანგ კორკელიამ.

ზუგდიდელი მორაგბეებიდან სამი ეროვნული ნაკრების წევრია, ორი კი თვრამეტწლამდელთა შორის. სულ ადგილობრივ გუნდს რვა მორაგბე გოგო ჰყავს.

ზუგდიდის მერიაში გვითხრეს, რომ ისინი ცოტა ხნის წინ გუნდს 5 ათასი ლარით დაეხმარნენ:

"წარმატებულები არიან და მომავალშიც მუნიციპალიტეტი ხელს შეუწყობს შესაძლებლობის ფარგლებში. სხვა კონკრეტული ინფორმაცია არ გვაქვს. ამ ეტაპზე სხვას კონკრეტულს ვერაფერს გეტყვით".

მათივე თქმით, მოედნის საფარის მოწესრგებაც იგეგმება, თუმცა როდის, ვადებს მერიაში ჯერ ვერ აკონკრეტებენ.

განათლების, მეცნიერების, კულტურის და სპორტის სამინისტროში "ლაივპრესს" უთხრეს, ყველაფერზე, რაზეც მორაგბე გოგონები და მათი მწვრთნელი საუბრობენ, მუნიციპალიტეტის მოსაგვარებელია. მათი თქმით, 5 ათასი ლარი, რაც გამოუყვეს გუნდს, საშხაპეების მოწყობას ყოფნის, შემდგომი ეტაპი კი მოედნის საფარის მოწესრიგება იქნება.

"რაც შეეხება ეკიპირების ნაწილს, აქ სამინისტროც მიიღებს მონაწილეობას. გადავცემთ ფორმას და ბურთებს, სავარჯიშო გადასაცმელებს. ეს უახლოესი კვირების ამბავია", - განმარტეს სამინისტროში.

რაგბის კლუბ "ზუგდიდს" საფუძველი 2013 წელს ჩამოყალიბდა. მას საფუძველი დარჩელის სკოლიდან ჩაეყარა, სადაც ამ სპორტის სახეობაში მოსწავლეებს ავარჯიშებენ. გოგონათა გუნდი უფრო მოგვიანებით შეიქმნა. დარჩელელ მოსწავლეებს "ლაივპრესი" 2016 წელს ესტუმრა.
Print E-mail
Twitter
სხვა მასალები
19:03 / 18.09.2019
"ზუგდიდმა" სტუმრად გამართა შეხვედრა თბილისის "შევარდენი 1906-თან" და
თურქეთის ქალაქ ენეზში გამართულ საერთაშორისო ტურნირზე წალენჯიხელმა
მოჭადრაკემ
10:28 / 16.09.2019
თურქეთის ქალაქ ენეზში გამართულ საერთაშორისო ტურნირზე წალენჯიხელმა მოჭადრაკემ
ხობელმა ბერძნულ-რომაული სტილით მოჭიდავე ნუგზარ წურწუმიამ მსოფლიო
17:17 / 15.09.2019
ხობელმა ბერძნულ-რომაული სტილით მოჭიდავე ნუგზარ წურწუმიამ მსოფლიო
ფინურ ქალაქ ვანტააში მიმდინარე ევროპის ჩემპიონატზე ძიუდოში
ახალგაზრდებს შორის,
09:56 / 14.09.2019
ფინურ ქალაქ ვანტააში მიმდინარე ევროპის ჩემპიონატზე ძიუდოში ახალგაზრდებს შორის,
ვიდეო
თხილი ხარისხით ფასდება [ვიდეო]
სამეგრელოში თხილის მოსავლის აღება აქტიურად მიმდინარეობს.
27 წლის თვითნასწავლი ოსტატი ურთიდან [ვიდეო]
ზუგდიდის მუნიციპალიტეტის სოფელ ურთაში
კოსმოსში გაფრენაზე მეოცნებე პლანეტების მოყვარული 9 წლის ბიჭი [ვიდეო]
კოსმოსი, პლანეტები, გალაქტიკა, უჩვეულო ღრუბელი
ვლაქერნობა ზუგდიდში [ვიდეო]
ვლაქერნობის დღესასწაულის აღნიშვნა ზუგდიდში ტრადიციულად
ფოტო
სპორტული მოედნები ზუგდიდში [ფოტო]
ზუგდიდის ცენტრალურ უბნებში სპორტული მოედნების ნაწილი დაზიანებულია,
ფოტოამბავი ოკუპირებული გალიდან
როგორ გამოიყურება ოკუპირებული ქალაქ გალის ცენტრი დღეს,
სახიფათო ორმოები საჯიჯაო-ნარაზენის გზაზე [ფოტო]
ზუგდიდის სოფელ ნარაზენის და ხობის მუნიციპალიტეტის
მესტიელი გიდი ტურისტებს ქორულდის ტბებზე ეპატიჟება [ფოტო]
სოციალურ ქსელში დაწყებული კამპანიის „გაატარე ზაფხული
იდლიანი - სოფელი სვანეთში [ფოტო]
იდლიანი 150-კომლიანი თემია მესტიის მუნიციპალიტეტში.
მზარეულის მაგიდა
მარტივად და სწრაფად მოსამზადებელი ჭვიშტარი [ვიდეო]
ჭვიშტარს მეგრულ სამზარეულოში განსაკუთრებული ადგილი უჭირავს.
პასკები იასამნებით მხატვრისგან [ვიდეო]
მაგიდაზე ფუნჯებით სავსე ქილა დგას. მხატვარი მარიკა კორკელია
ფუჩხოლია [ვიდეო]
ფუჩხოლია მეგრული სიტყვაა და ქართულად ნიშნავს - დაფშვნილს,
როგორ მოვამზადოთ წელვადი ელარჯი [ვიდეო]
ერთ-ერთი ყველაზე პოპულარული მეგრული კერძის მოსამზადებლად
გებჟალია ნადუღით [ვიდეო/ფოტო]
ზუგდიდის სოფელ ახალსოფელში მცხოვრები ბელა კვარაცხელიას
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.