სპორტი
მსოფლიო რბოლამდე ალექსანდრე გეგეჭკორი თბილისიდან ზუგდიდში ველოსიპედით ჩამოვიდა [ვიდეო]
FaceBook Twitter
E-mail Print
39 წლის ალექსანდრე გეგეჭკორი თბილისიდან ზუგდიდის მუნიციპალიტეტის მშობლიურ სოფელ ურთაში ველოსიპედით ჩავიდა. მან შემოვლითი გზებით იარა რათა 400 კილომეტრი გაევლო. მანძილი 25 საათში დაფარა.

ალექსანდრე გეგეჭკორი პირველი ქართველია, რომელიც მსოფლიოში ცნობილ ველორბოლაში, პარიზი-ბრესტი-პარიზი მიიღებს მონაწილეობას. სწორედ ამ შეჯიბრისთვის ემზადება მოყვარული სპორტსმენი და უწევს ველორბოლის ორგანიზატორების მითითებით საკვალიფიკაციო ეტაპების გავლა. 400 კილომეტრი მას 27 საათში უნდა დაეფარა, თუმცა დავალების შესრულებას 2 საათით ნაკლები დრო მოანდომა.

მორიგი საკვალიფიკაციო ეტაპი 600 კილომეტრის გავლაა. ალექსანდრე გეგეჭკორი ამისთვის მზად არის და დარწმუნებულია, რომ აგვისტოში, საფრანგეთში მსოფლიოს სხვადასხვა ქვეყნიდან ჩასული 7 ათასი ველომრბოლელის გვერდით იასპარეზებს.

თბილისიდან ველოსიპედით ჩამოსულ ალექსანდრე გეგეჭკორს ზუგდიდის სოფელ კორცხელში შევხვდით. მან სტარტი დედაქალაქში 28 მაისს, 9:00 საათზე აიღო და კორცხელში მეორე დღეს 8 საათზე იმყოფებოდა. როგორც თავად ამბობს, ძირითადად სულ მოძრაობაში იყო და მხოლოდ რამდენჯერმე შეისვენა 20 წუთით.

მოყვარული სპორტსმენის კვების რაციონი მოგზაურობისას განსხვავებულია. მან 25 საათის განმავლობაში 7 ლიტრი წყალი დალია და ძირითადად მსუყე შოკოლადით იკვებებოდა. ამბობს, რომ ძლიერი ფიზიკური დატვირთვის დროს ცომეული და სხვა რთულად მოსანელებელი საკვები მიზანშეწონილი არ არის. ტკბილეულთან ერთად მიირთმევს ბანანს და ვაშლს.

ალექსანდრე გეგეჭკორის თქმით, ველოსიპედით მოგზაურობას განსაკუთრებული ხიბლი აქვს:

„ძალიან დიდი ემოციაა. ყოველ ჯერზე ახალ რაღაცეებს ხედავ. ყველაზე სასიხარულო კი ის არის, თუ როგორ ხვდება ამ ყველაფერს ხალხი. ყველას დიდი სიხარული აქვს და ყველა ცდილობს მაქსიმალური ყურადღება გამოიჩინოს. ხან ხილს მთავაზობენ და ხან რას. მაგრამ ყველას უცხოელი ვგონივარ და როცა იგებენ, რომ ქართველი ვარ შემდეგ ემოცია ორჯერ უფრო მეტია“, - ამბობს აექსანდრე გეგეჭკორი.

პროფესიით იურისტი და ეკონომისტი, ველოსიპედით 5 წლის წინ, ექიმის რჩევით დაინტერესდა. ცოტახანში კი სპორტის ამ სახეობამ გაიტაცა. ალექსანდრე გეგეჭკორი თბილისიდან მშობლიურ სოფელ ურთაში მანამდე ველოსიპედით 4-ჯერ ჩავიდა.

სწორედ საქართველოს კუთხეებში ველოსიპედით წარმატებული მოგზაურობის შემდეგ გაუჩნდა იდეა, საერთაშორისო ტურნირების შესახებ ინფორმაცია მოეძიებინა. ასე მიაკვლია მან საფრანგეთის ცნობილი რბოლის ორგანიზატორებს და მარათონის მონაწილეთა სიაშიც მოხვდა. ალექსანდრე გეგეჭკორმა რამდენიმე საკვალიფიკაციო გამოცდა წარმატებით გაიარა, რისთვისაც საფრანგეთმა მედალიც გამოუგზავნა.

წელს პარიზი-ბრესტის ველორბოლაში მონაწილეობის სურვილი 100 ათასმა მოყვარულმა გამოთქვა, თუმცა მხოლოდ 7 ათასი შეირჩა.

საკვალიფიკაციო გამოცდები ელექტრონულად ტარდება და საფრანგეთიდან აკონტროლებენ ორგანიზატორები. ტელეფონის პროგრამაში ველომრბოლელი უთითებს მანძილს და გასვლის დროს. ფიქსირდება ასევე შესვენების პერიოდი. პარიზი-ბრესტი-პარიზი მსოფლიოში ცნობილი მარათონია, რომელიც 1891 წლიდან ტარდება. მის მონაწილეებს მოუწევთ პარიზიდან ქალაქ ბრესტამდე ჩასვლა და ისევ უკან დაბრუნება.

წელს მარათონი 18-22 აგვისტოს გაიმართება. გამარჯვებულად ითვლება ყველა ის მონაწილე, რომელიც 1200 კილომეტრს 85-90 საათში დაფარავს.

Print E-mail
Twitter
სხვა მასალები
განათლების, მეცნიერების, კულტურისა და სპორტის სამინისტრომ 2019 წლის
21:19 / 18.01.2020
განათლების, მეცნიერების, კულტურისა და სპორტის სამინისტრომ 2019 წლის
საფეხბურთო კლუბი
12:49 / 09.01.2020
საფეხბურთო კლუბი "დინამო" ზუგდიდი ოთხმა ფეხბურთელმა დატოვა. კლუბის ადმინისტრაციის
სამეგრელო-ზემო სვანეთის მუნიციპალიტეტებისთვისი სპორტული მიღწევებით
2019 წელი საინტერესო და დასამახსოვრებელი
15:13 / 31.12.2019
სამეგრელო-ზემო სვანეთის მუნიციპალიტეტებისთვისი სპორტული მიღწევებით 2019 წელი საინტერესო და დასამახსოვრებელი
თბილისის საერთაშორისო ტურნირიდან -
00:11 / 30.12.2019
თბილისის საერთაშორისო ტურნირიდან - "თბილისის თასი", ზუგდიდელი
ვიდეო
ენგურის ხიდი, სოხუმში მიმდინარე საპროტესტო აქციების პარალელურად [ვიდეო]
ოკუპირებული გალის მცხოვრებლებს სოხუმში მიმდინარე საპროტესტო
ღორის ხორცის საშობაო ბაზრობა ზუგდიდში [ვიდეო]
ზუგდიდის ცენტრალურ სუპერმარკეტში საშობაოდ
„ოდოია“ აფხაზებს შობა-ახალ წელს ულოცავს [ვიდეო]
ანსამბლი „ოდოია“ აფხაზებს შობა-ახალ წელს მათი ძველებური,
ზუგდიდის ბოტანიკურმა ბაღმა პირველი დამთვალიერებლები მიიღო [ვიდეო]
ზუგდიდის ბოტანიკური ბაღი დღეიდან ყველასთვის ღიაა.
საახალწლო ქოხები მუყაოსგან [ვიდეო]
ზუგდიდელმა ხელოვანმა ირინა მიქავამ საახალწლო სამზადისი უკვე
ფოტო
სამეგრელო-ზემო სვანეთის ნაძვის ხეები [ფოტო]
სამეგრელო-ზემო სვანეთის ყველა მუნიციპალიტეტში
ჩირის ფარდები მარტვილის სოფლებში [ფოტო]
მარტვილში ხურმა სამეურნეო კულტურაა.
გაფერადებული სვანეთი
სვანეთი წელიწადის ყველა დროს ლამაზია.
სპორტული მოედნები ზუგდიდში [ფოტო]
ზუგდიდის ცენტრალურ უბნებში სპორტული მოედნების ნაწილი
ფოტოამბავი ოკუპირებული გალიდან
როგორ გამოიყურება ოკუპირებული ქალაქ გალის ცენტრი დღეს,
მზარეულის მაგიდა
ესპანური სასმელი საახალწლოდ [ვიდეო]
ესპანური სანგრია, რომელიც სასიამოვნო გემოვნური თვისებებით
მეგრული ჯანჯუხა ტრადიციული რეცეპტით [ვიდეო]
მეგობრები, 80 წლის ეთერ ფაჟავა და თამარ შარია მეგრულ
გოგრის მაფინები გვანცასგან
ყველამ ვიცით, რომ გოგრა გემრიელთან ერთად სასარგებლო
გოგრის კრემ-სუპი გვანცასგან
გოგრის კრემ-სუპი მარტივად მოსამზადებელი, გემრიელი
მარტივად და სწრაფად მოსამზადებელი ჭვიშტარი [ვიდეო]
ჭვიშტარს მეგრულ სამზარეულოში განსაკუთრებული ადგილი უჭირავს.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.