თბილისის საერთაშორისო ტურნირიდან - "თბილისის თასი", ზუგდიდელი კარატისტები 11 მედლით დაბრუნდნენ.

კერძოდ, სხვადასხვა ასაკობრივ და წონით კატეგორიაში ჩემპიონები გახდნენ ძმები ლუკა და უტა ფონიავები და გიგი ალანია.

მეორე ადგილი საბა მანიამ და ლევან დადეშქელიანმა დაიკავეს. ბრინჯაოს მედლის მფლობელი გახდა ბუბა ქირია.

სპორტსმენებს გელა ანთია წვრთნის.

ამას გარდა, პირველი ადგილი დაიკავა 8-9 წლის ასაკობრივ კატეგორიაში მოასპარეზე ილია გაბრავამ.

ოქრო მოიპოვეს იგივე ასაკის სპორტსმენებს შორის შეჯიბრზე სალომე ქაქუთიამ და ალეკო ფიფიამ.

10-11 წლის კარატისტებს შორის პირველი ადგილის მფლობელი გახდა ნიკო კონჯარია, საბა ქაქუთიამ კი ბრინჯაო მოიპოვა.

სპორტსმენების მწვრთნელია ცეზარ ჯანჯღავა.

ამას გარდა, საქართველოს კარატეს ეროვნულმა ფედერაციამ ორივე მწვრთნელი, გელა ანთია და ცეზარ ჯანჯღავა, 2019 წლის საუკეთესო მწვრთნელებად დაასახელა და შესაბამისი სერთიფიკატებიც გადასცა.