სპორტი
არაფრიდან შევქმენით ყველაფერი - ზუგდიდელი მორაგბე ქალები ეროვნულ ნაკრებში [ვიდეო]
FaceBook Twitter
E-mail Print
მოზარდებს, რომლებიც ზუგდიდში რაგბის თამაშს გადაწყვეტენ, ქალაქთან ახლოს მდებარე ონარიის დასახლებაში სტადიონი, გასახდელი და საშხაპე დახვდებათ. ამაში თითქოს უჩვეულო და განსაკუთრებული არაფერია, მაგრამ დაახლოებით 1 წლის წინ რაგბის კლუბ "ზუგდიდის" სპორტსმენებს ვარჯიში სოფელ დარჩელში, სკოლის პატარა სტადიონზე უწევდათ. მათ არც გასახდელი და არც საშხაპე არ ჰქონდათ.

მას შემდეგ ბევრი რამ შეიცვალა. რაგბის კლუბისთვის შესაბამისი ინფრასტრუქტურის მოწყობას რამდენიმე წლიანი ისტორია აქვს, სადაც მთავარი მოქმედი პირები სპორტსმენები არიან, განსაკუთრებით კი ქალთა ნაკრები.

რაგბის პირველი კლუბი "ზუგდიდი" 2014 წელს, სოფელ დარჩელის სკოლაში სპორტის მასწავლებელმა ვახტანგ კორკელიამ რაგბისტ სანდრო ესაკიას ინიციატივით და მხარდაჭერით დააფუძნა. მას შემდეგ შესაბამისი ინფრასტრუქტურის უქონლობა სპორტსმენებს პრობელემებს უქმნიდა. ისინი მწვრთნელთან ერთად ყველა შესაძლებლობას იყენებდნენ როგორც ადგილობრივი ასევე ცენტრალური ხელისუფლებისთვის ხმის მისაწვდენად. პრობლემა განსაკუთრებით მწვავედ დაისვა მაშინ, როცა 2016 წელს რაგბის კლუბს მორაგბე ქალთა გუნდი დაემატა. გოგონებისთვის განსაკუთრებით მიუღებელი აღმოჩნდა საშხაპეს და საპირფარეშოს არქონა.

მათ თამაშით დაამტკიცეს, რომ ადგილობრივი ხელისუფლებისგან მეტი ყურადღების და ხელშეწყობის ღირსი არიან. მოითხოვეს კიდევაც და მათ გამოუყვეს მოედანი სადაც საშხაპე, გასახდელი და საპირფარეშოა.

"ჩვენ ყველაფერი ნულიდან დავიწყეთ, მაგრამ შრომას ყოველთვის აქვს შედეგი", - გვეუბნება 19 წლის მარიამ ბერანძე, კლუბ "ზუგდიდის" და უკვე საქართველოს ეროვნული ნაკრების წევრი.

მარიამი საქართველოს 18 წლამდელ მორაგბეთა გუნდის კაპიტანიც იყო. ყველაფერი კი სოფელ დარჩელის მოედანზე თამაშით დაიწყო. რაგბზე ფიზკულტურის მასწავლებლის რჩევით სპორტის მოყვარულმა მშობლებმა მიიყვანეს, თუმცა მანამდე ის ძალოსნობით იყო დაკავებული და ამ მიმართულებითაც წარმატებები ჰქონდა. რაგბი მას შემდეგ მარიამის მთავარ საქმიანობად იქცა. ეროვნული ნაკრების წევრი საკუთარ ქალაქში რამდენიმე დღით იმყოფება. მისი დილა 7 საათზე ბოტანიკურ ბაში ვარჯიშით იწება, უკვე შემდეგ კი კვირაში 2-3-ჯერ სტადიონზე ვარჯიშობს. ახლა მოედანზე მისვლა უკვე აღარ ეზარება, რადგან ვარჯიშის შემდეგ შხაპის მიღებას და სუფთა ტანსაცმლით სახლში დაბრუნებას შეძლებს.

თვლის, რომ ამ მიმართულებით პირობების კიდევ უფრო გაუმჯობესება სპორტის ამ სახეობაში მეტი მოზარდების მოზიდვის წინაპირობა იქნება:

"როცა მშობლები ხედავენ, რომ ბავშვს არ აქვს არანაირი პირობა. სად ვარჯიშობენო, სკოლის ეზოშიო, მშობელიც არ გამოუშვებს ბავშვს ჩემი აზრით. ხოლო როცა უკვე რაღაც გაქვს და შეგიძლია...გოგონებს რომ უკვე წარმატებულს ხედავენ, სხვებასც უნდათ, რომ მოვიდნენ ჩვენთან. იმედია კიდევ ბევრი დაგვემატება და ბევრი ზუგდიდელი სპროტსმენი გვეყოლება ქალთა რაგბში".

მარიამთან ერთად ეროვნულ ნაკრებში კიდევ 2 ზუგდიდელი გოგო, ლიკა პერტაია და ლიკა ხუფენია თამაშობენ.

მწვრთნელ ვახტანგ კორკელიას აქვს მოლოდინი, რომ კიდევ 3 გოგო მისი კლუბიდან მალე გახდება ეროვნული ნაკრების წევრი. კლუბში სულ 7 სხვადასხვა ასაკობრივი ჯგუფია. აქედან ერთი არის ქალთა, სადაც 10 სპორტსმენი ირიცხება. მათი უმრავლესობა ახლა ქალაქში არ იმყოფება და გოგონებს ვარჯიში ბიჭებთან ერთად უწევთ. რამდენიმე დღით ზუგდიდშია ეროვნული ნაკრების წევრი ლიკა ხუფენია, მაგრამ ფეხზე ტრავმის გამო დროებით დიდი დატვირთვით ვერ ვარჯიშობს. ფეხებზე და ხელებზე სილურჯეები, დაჭიმული მყესი, მოტეხილობები, ეს ყველაფერი არ აშინებს. ამბობს, რომ რაგბში ეს ჩვეულებრივია.

დარწმუნებულია, რომ მალე ეროვნულ ნაკრებში კიდევ რამდენიმე გოგო მოხვდება ზუგდიდიდან. სპორტსმენები ფიქრობენ, რომ მათ შორის აუცილებლად იქნება 17 წლის ნინო გუგუჩია, რომელიც მოედანზე ბიჭებთან ვარჯიშს ამჯობინებს, რათა საკუთარ ძალებში კიდევ უფრო დარწმუნდეს.

მისთვის თანაგუნდელების წარმატება დამატებით მოტივაციაა. თვლის რომ თუ ძალიან გიყვარს სპორტი, ცუდ სავარჯიშო პირობებს გადამწყვეტი მნიშვნელობა არ აქვს და როცა შენი არ სჯერათ, გაქვს მეტი სტიმული დაანახო მათ შესაძლებლობები.

"არაფრიდან შევქმენით ყველაფერი. თვიდან იყო გამოწვევები და არ გვქონდა ისეთი პირობები, რომ ნორმალურად გვევარჯიშა და არ იყო ხელშეწყობა. თუმცა მივმართეთ სხვადასხვა ადამიანებს, ადგილობრივ ხელისუფლებას, უფრო უმაღლეს დონეზეც ვიყავით გასულიები და მივმართეთ ყველას. მინდა ავღნიშნო, რომ ყველაფერს აქვს აზრი - თითოეულ სიტყვას, თითოეულ მოქმედებას, რადგან ჩვენი სიტყვები უშედეგოდ არ დარჩა და რეაგირების გარეშე არ დატოვეს. მოვახერხეთ ის, რომ გვაქვს წინსვლა და ვუმჯობესდებით", - გვითხრა ნინო გუგუჩიამ.

მწვრთნელი ვახტანგ კორკელია ამბობს, რომ რაგბის გოგონათა ნაკრები 2016 წელს საცდელად შექმნა. ის არ მოელოდა ასეთ დაინტერესებას და წარმატებას.

თვლის, რომ მერიის მხრიდან რაგბისტებისთვის პირობების შექმნა, მოზარდების წარმატებულ თამაშსაც უკავშირდება.

"შედეგი ყველას აინტერესებს... ეს რამდენიმე წლის პრობლემა იყო, რომელიც გადაიჭრა. ჩვენ დავდეთ შედეგი ბიჭებთან მიმართებაშიც, გოგოები ხომ ფანტასტიკური არიან. ისინი საქართველოს სახელით უამრავ ქვეყანაში წარსდგენენ. ეს გოგონები ჩენს კუთხეს და მთელ საქართველოს ასახელებენ. ასეთ ბიჭებს და გოგონებს ხელი უნდა შევუწყოთ და მეტი უნდა დავეხმაროთ", - ამბობს მწვრთნელი.

ზუგდიდის მუნიციპალიტეტის მერიაში "ლაივპრესს" უთხრეს, რომ კლუბს ფინანსურად შეძლებისდაგვარად ეხმარებიან. წლის განმავლობაში ფესტივალებში მონაწილეობისთვის 3000 ლარი ერიცხებათ. ცალკე ფინანსდება ტრანსპორტირების ხარჯები.

თავის მხრივ კლუბი მიღწეულზე გაჩერებას არ აპირებს. 7 გუნდს მალე ახალი, კაცთა ლიგა დაემატება, სადაც 18 წლის ზევით ნებისმიერ მსურველს ვარჯიშის შესაძლებლობა მიეცემა.

Print E-mail
Twitter
სხვა მასალები
ძალოსანი ნათია გადელია რამდენიმე დღეა რაც საუდის არაბეთიდან
ზუგდიდში,
09:33 / 22.10.2021
ძალოსანი ნათია გადელია რამდენიმე დღეა რაც საუდის არაბეთიდან ზუგდიდში,
ინა ქალდანი პირველი ქართველი ქალი ძიუდოისტია, ვინც საქართველოს
ოლიმპიური და პარაოლიმპიური თამაშების ფინალში გავიდა.
12:28 / 29.08.2021
ინა ქალდანი პირველი ქართველი ქალი ძიუდოისტია, ვინც საქართველოს ოლიმპიური და პარაოლიმპიური თამაშების ფინალში გავიდა.
ზუგდიდის ქალთა საფეხბურთო გუნდი
11:46 / 04.08.2021
ზუგდიდის ქალთა საფეხბურთო გუნდი "ფენიქსი" საქართველოს
მორაგბე ხვიჩა ჯგერენაიამ
სპორტული კარიერა ხობიდან დაიწყო, თითქმის
არარსებული
19:31 / 29.07.2021
ორაგბე ხვიჩა ჯგერენაიამ სპორტული კარიერა ხობიდან დაიწყო, თითქმის არარსებული
კორონავირუსი

საბჭოთა რეპრესიები

ვიდეო
180-მდე ადამიანი არ შემოვუშვით, მათში ალბათ „დოჟდის“ ჟურნალისტიც მოჰყვა - შს მინისტრი
შინაგან საქმეთა მინისტრი უარყოფს ინფორმაციას, რომ უპრეცედენტოდ მოიმატა საქართველოში რუსეთის
ქალთა გაძლიერებისთვის მებრძოლი ფერმერი სოფელ კახათიდან [ვიდეო]
დილაადრიან, როცა ჯერ კიდევ ბნელა და მხოლოდ მამლების
„ჩემი მორდუ“ -  როგორ მუშაობს რეგიონში პირველი ხანდაზმულთა ცენტრი [ვიდეო]
თამაშში ყველაზე მეტად მე მიმართლებს და ვიგებ კიდევაც,
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.