ახალი კორონავირუსით გამოწვეული შეზღუდვების ფონზე ტურისტული ბიზნესი მესამე თვეა გაჩერებულია. უმუშევარი დარჩა ასობით ადამიანი - ტურისტულ ობიექტებზე დასაქმებულები თუ გიდები.

მთავრობამ 7 მაისს წარადგინა ტურიზმის ამოქმედების ანტიკრიზისული გეგმა, რომელიც საკმაოდ ვრცელია. ამ გეგმის თანახმად 15 ივნისიდან საქართველოში ადგილობრივი ტურიზმი გაიხსნება, ხოლო პირველი ივლისიდან ქვეყანა საერთაშორისო ტურისტებს მიიღებს. გადაცემაში „დისკუსია ლაივპრესში“ ტურისტულ ბიზნესში ჩართულ პირებთან ერთად ვისაუბრეთ სახელმწიფოს გეგმაზე, რამდენად არის ის მორგებული მოქალაქეებზე და იმ ზარალზე რაც ამ სფეროს მიადგა. გიდები და ტურიტული ობიექტების მფლობელები საუბრობენ იმაზეც თუ როგორ წარმოუდგენიათ 15 ივნისიდან ტურისტების მიღება.