3 თვეზე ნაკლები რჩება პარლამენტის არჩევნებამდე. სამზადისი სულ უფრო აქტიურ ფაზაში შედის. დიდი ინტერესია 2020 წლის არჩევნების მიმართ, არა მარტო იმიტომ, რომ ამომრჩეველს ახალი პარლამენტარების არჩევა პანდემიის პირობებში მოუწევს, არამედ ეს არის პირველი არჩევნები, საარჩევნო კანონმდებლობის რეფორმის შემდეგ.

რომელი რეკომენდაციები გაითვალისწინა მმართველმა გუნდმა და რა საკითხებია ჯერ კიდევ პრობლემური?, არის თუ არა ეს ძირეული რეფორმა და რას შეცვლის რეალურად?, - ამ საკითხებზე ვისაუბრეთ სტუმრებთან - ორგანიზაცია „სამართლიანი არჩევნები და დემოკრატიის საერთაშორისო საზოგადოების“ (ISFED) აღმასრულებელ დირექტორ ელენე ნიჟარაძესთან და ახალგაზრდა იურისტთა ასოციაციის ზუგდიდის ოფისის ხელმძღვანელ ჯემალ ჭკადუასთან ერთად.