სტუდია
„შინ ევროპისკენ“ კამპანიის ფარგლებში, ზუგდიდში გამართული შეხვედრა ინციდენტით დასრულდა
FaceBook Twitter
E-mail Print
"შინ ევროპისკენ" კამპანიის ფარგლებში, ზუგდიდში, მოქალაქეებთან გამართული შეხვედრა ინციდენტით დასრულდა. დაპირისპირება მაშინ მოხდა, როცა დადიანების ისტორიულ-არქიტექტურული მუზეუმის ეზოში შეკრებილ მოქალაქეებთან და მოძრაობის წარმომადგენლებთან, მმართველი პარტიის მხარდამჭერები მივიდნენ. მათ მიმართეს შეკრებილებს, რომ სინამდვილეში ამ კამპანიას "ნაციონალური მოძრაობა" მართავს. რეპლიკას მოჰყვა სიტყვიერი დაპირისპირება და შეხლა-შემოხლა.

მოძრაობის წევრის, "საერთაშორისო გამჭვირვალობა-საქართველოს" ზუგდიდის ოფისის ხელმძღვანელ არჩილ თოდუას განცხადებით, "ქართულ ოცნებასთან" კავშირში მყოფმა პირებმა, დღის განმავლობაში რამდენჯერმე სცადეს შეხვედრების ჩაშლა. 

არჩილ თოდუას განმარტებით, ეს ქმედებები მათ შორის დანაშაულის ნიშნებსაც შეიცავს. თუმცა, მანვე აღნიშნა, რომ ყველაფრის მიუხედავად, ზუგდიდში მოქალაქეებთან საუბრებმა მაინც კარგად ჩაიარა. ადგილობრივების უმრავლესობამ პოზიტიური დამოკიდებულება გამოხატა ევროკავშირის და საქართველოს ევროპული არჩევანის მიმართ.

თავის მხრივ, მოძრაობის კიდევ ერთი წარმომადგენელი, "საერთაშორისო გამჭვირვალობა საქართველოს" რეგიონული ოფისების მენეჯერი, ზვიად ქორიძე აცხადებს, რომ მსგავსი ტიპის შეხვედრების ჩაშლა წარმოუდგენელია და თავისმოტყუებაა, თუ ვინმე ფიქრობს, რომ ეს შესაძლებელია. მისივე თქმით, ეს არის საუბრები, მოქალაქეებს კი ვერ შეუზღუდავენ აზრის თავისუფლად გამოთქმის საშუალებას.

"ეს იცით რას ნიშნავს? მოქალაქეს ეუბნები, რომ მე შენ არ მოგცემ საშუალებას, თავისუფლად გამოთქვა აზრი. ეს არის პრობლემური, რომ იმ პოლიტიკურმა ძალამ, იმ მმართველობამ, რომელსაც უნდა და რესურსებს ხარჯავს ამაზე, ფულს ხარჯავს, რომ ასეთი ტიპის შეხვედრები ჩაშალოს, უნდა იფიქროს ერთ რაღაცაზე - არ შეიძლება მიმართო რაიმე რესურსი, მითუმეტეს ადმინისტრაციული რესურსი, რომ მოქალაქეებს თავისუფალი ნება და აზრის თავისუფალდ გამოთქმის საშუალება შეუზღუდო", - განმარტა ზვიად ქორიძემ.

მოძრაობა "შინ ევროპისკენ" ფარგლებში უკვე მეორე დღეა ზუგდიდში მოქალაქეებთან შეხვედრებს მართავს. მოქალაქეებს ესაუბრებიან "საერთაშორისო გამჭვირვალობა-საქართველოს" წარმომადგენლები, მასწავლებელი ლადო აფხაზავა და ფორმულა კრეატივის" დამფუძნებელი ირაკლი საღინაძე და მსახიობი ლაურა რეხვიაშვილი.

საუბრების თემაა ევროკავშირში საქართველოს წევრობის მნიშვნელობა და ამ მიზნით რეფორმების 12 პუნქტის შესრულების აუცილებლობა, კანდიდატის სტატუსის მისაღებად.

მოძრაობამ დღეს განცხადებაც გაავრცელა, სადაც ნათქვამია, რომ მმართველი პარტიის მხარდამჭერები და საჯარო მოხელეები, დედაქალაქსა და რეგიონებში მიმდინარე შეხვედრებში ხელს უშლიან.

შეხვედრების დასრულების შემდეგ, 3 ივლისს, თბილისში აქცია გაიმართება, სადაც პრემიერ-მინისტრ ირაკლი ღარიბაშვილის გადადგომას და ეროვნული თანხმობის მთავრობის ჩამოყალიბებას მოითხოვენ.

"შინ ევროპისკენ" განმარტებით, მათ არ ჯერათ, რომ მთავრობა კანდიდატის სტატუსის მისაღებად რეკომდენდაციებს წლის ბოლომდე შეასრულებს. სწორედ ამიტომ ითხოვენ, ეს მისია იკისროს "ეროვნული თანხმობის მთავრობამ - ევროკავშირისთვის".

მოძრაობამ სამართალდამცველებს მშვიდობიანი შეკრების უზრუნველყოფის და პროვოკაციების ადგილზევე აღკვეთისკენ მოუწოდა.

ბრალდებების საპასუხოდ, პარლამენტის თავმჯდომარე შალვა პაპუაშვილი აცხადებს, რომ ერთადერთი, ვინც ცდილობს პოლარიზაციის პიკისკენ წაიყვანოს სიტუაცია, ოპოზიციაა. ამიტომ, მათ არ უნდა გაუკვირდეთ, თუ მოქალაქეები უპირისპირდებიან.
Print E-mail
Twitter
სხვა მასალები
პრემიერ-მინისტრი ირაკლი ღარიბაშვილი განცხადებას ავრცელებს
11:03 / 12.07.2022
პრემიერ-მინისტრი ირაკლი ღარიბაშვილი განცხადებას ავრცელებს " შიდა თუ გარე პოლიტიკური ოპონენტების
უკრაინელი სამხედროების განცხადებით, საომარი მოქმედებების დროს
დაიღუპნენ რუსი სამხედროები
12:47 / 01.04.2022
უკრაინელი სამხედროების განცხადებით, საომარი მოქმედებების დროს დაიღუპნენ რუსი სამხედროები
წალენჯიხის საკრებულოში დღეს მეექვსედ შეიკრიბნენ თავმჯდომარის
ასარჩევად.
12:27 / 20.01.2022
წალენჯიხის საკრებულოში დღეს მეექვსედ შეიკრიბნენ თავმჯდომარის ასარჩევად.
კორონავირუსის გავრცელების გამო ზუგდიდის სკოლებში კლასების ნაწილი
23:33 / 22.10.2021
კორონავირუსის გავრცელების გამო ზუგდიდის სკოლებში კლასების ნაწილი
კორონავირუსი

ვიდეო
განახლებული ზუგდიდის ბოტანიკური ბაღი ძველი პრობლემებით [ვიდეო]
ზუგდიდში, ეკატერინე ჭავჭავაძის მიერ გაშენებული ბოტანიკური ბაღი, რომლის რეკონსტრუქციაც 2019 წლის ბოლოს დასრულდა,
ქალები აფხაზეთიდან - ხელსაქმით შეცვლილი ცხოვრება [ვიდეო]
წალენჯიხის სოფელ წყოუშში, ერთი პატარა სახლის ნაქირავებ ოთახში, აფხაზეთიდან
180-მდე ადამიანი არ შემოვუშვით, მათში ალბათ „დოჟდის“ ჟურნალისტიც მოჰყვა - შს მინისტრი
შინაგან საქმეთა მინისტრი უარყოფს ინფორმაციას, რომ უპრეცედენტოდ მოიმატა საქართველოში რუსეთის
ქალთა გაძლიერებისთვის მებრძოლი ფერმერი სოფელ კახათიდან [ვიდეო]
დილაადრიან, როცა ჯერ კიდევ ბნელა და მხოლოდ მამლების
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.