ბიბისის რუსულმა რედაქციამ ჩიჩილაკზე, როგორც
ქართულ საახალწლო აქსესუარზე ვიდეო
გამოაქვეყნა სახელწოდებით:
ჩიჩილაკი-სადღესასწაულო ნაძვის ხე, ტყისთვის ზიანის გარეშე.
გამოცემა წერს, რომ საქართველოში ახალი წლის დღესასწაულისთვის
ჩიჩილაკის დამზადების ტრადიცია საუკუნეებს და ათასწლეულებს ითვლის.
ადგილობრივ მცხოვრებლებს კი სჯერათ - მას ოჯახში წარმატება და
სიმდიდრე მოაქვს.
„ამასთან, ჩიჩილაკისთვის არ არის აუცილებელი ცოცხალი ხეების მოჭრა,
საკმარისია თხილის გამომშრალი ჯოხი“, - წერს ბიბისი. მისი გმირი,
ჩიჩილაკის ოსტატი გია დათაშვილი დარწმუნებულია, რომ საახალწლო
აქსესუარი გურიაში ჯერ კიდევ წარმართულ პერიოდში შეიქმნა.
„მანამდე იყო გურულების ღმერთი აგუნა. ის იყო ხვავის და ბარაქის
ღმერთი. ჩიჩილაკს რომ ოჯახში მიიტანდი, ეს იმას ნიშნავდა, რომ შენ
ჩუქნი ოჯახს სიუხვეს, ბარაქას და ხვავს“, - ამბობს ჩიჩილაკის
ოსტატი.