„პიტერ შედი“ არის რუსული და ერთადერთი თეატრი მსოფლიოში, სადაც აბსოლუტურად ყველა მსახიობი შეზღუდული შესაძლებლობის მქონე პირია. მიუხედავად იმისა, რომ მან უკვე მოიპოვა პოპულარობა ევროპაში, მშობლიურ პეტერბურგში საკუთარი შენობა არ გააჩნიათ და არც ხელისუფლება ჩქარობს მათ დახმარებას.

როგორც ბიბისი წერს, „პიტერ შედი“ შეკედლებულია ახალგაზრდობის განვითარების ცენტრის „ფორპოსტის“ შენობაში, სადაც თეატრს მხოლოდ ერთი პატარა ოთახი აქვს და რეპეტიციაც შეზღუდულ დროშია შესაძლებელი.

როგორ მოხდა ამ საოცარი შემოქმედებითი პროექტის შექმნა? ამ თემაზე ფოტოგრაფი და დოკუმენტური ფილმების კინორეჟისორი დიმიტრი ერმაკოვი ესაუბრა მის დამფუძნებელს და რეჟისორს, ირინა როგალევას.

„ევროპაში ჩვენ პირველად 2011 წელს ვიყავით. სრულიად შემთხვევით მივიღეთ მოწვევა. ჩვენ ყოველი წლის მაისში ფესტივალს შეზღუდული შესაძლებლობის მქონე ბავშვებისთვის. ფესტივალს ესწრებოდნენ გერმანიიდან ჩამოსული კოლეგები. გერმანიაში ამ თეატრის შექმნა საწყის ეტაპზეა, ჩვენ კი ეს 20 წლის წინ გავიარეთ. გერმანელებმა მიგვიწვიეს მთელი ჩვენი გუნდი, რათა ვასწავლოთ მათ, თუ როგორ უნდა იმუშაონ შეზღუდული შესაძლებლობების მქონე ბავშვებთან. პროექტი 2018 წლის 1 ივლისს იწყება და ეს ძალიან სასიამოვნოა. უცნაურია, გერმანელები ამაში ფულს იხდიან, რუსები კი არა“, - ამბობს ირინა როგალევა.

მისივე სიტყვებით, ასეთი თეატრის დაარსების იდეა 20 წლის წინ გაუჩნდა. „90-იან წლებში ჩავერთე ჰიდროცეფალიურ პაციენტთა ასოციაციაში. ეს იმას ნიშნვას, რომ ეს ბავშვები მთელი ცხოვრება ეტლში უნდა იყვნენ და ვფიქრობდი, გარდა მედიცინისა საჭიროა მათი გარკვეული სოციალური რეაბილიტაცია. სცენაზე მათ შეუძლიათ სხვადასხვა ეპიზოდში ითამაშონ. ისინი ყველანი განსხვავებულები არიან, სხვადასხვა დარღვევებით, მაგრამ ძალიან საიტერესო და ნიჭიერები. აღმოჩნდა, რომ ლონდონშიც არსებობს ასეთი თეატრი Chickenshed. მათ ადრე პრინცესა დიანამ გადასცა ერთ-ერთი სასახლე საჩუქრად, ჩვენ კი ისევ საკუთარი ჭერის ძიებაში ვართ. ახლა გადავწყვიტე წერილი მივწერო პუტინს, რადგან სხვა ალტერნატივა უკვე ამოვწურე“.

ირინა როგალევას თქმით, „პიტერ შედი“ არის მისთვის მთელი ცხოვრება და ბედნიერება. „მე ვამაყობ იმით, რაც შევქმენი. თეატრით ჩვენ ყველამ ერთად დავუმტკიცეთ საზოგდოებას, რომ შეზღუდული შესაძლებლობა დაბრკოლება არ არის.