იტალიის მთავრობა ევროპაში დევნილების მიღების მარეგულირებელი „დუბლინის შეთანხმების“ შეწყვეტის წინადადებით გამოდის.

„თუ არ გადაწყდება მიგრანტებისა და ლტოვილების პრობლემა, რომლებიც ევროპაში ჩამოდიან და შენგენის ქვეყნებში უვიზოდ მიმოსვლის შესაძლებლობით სარგებლობენ, საფრთხის ქვეშ აღმოვჩნდებით“, - განაცხადა იტალიის მთავრობის ახალმა ხელმძღვანელმა ჯუზეპე კონტემ.

ბიბისის ცნობით, 28-29 ივლის ბრიუსელში, საემიგრაციო საკითხებთან დაკავშირებით ევროკავშირის წევრი ქვეყნების ლიდერების შეხვედრა დასრულდა. როგორც ლიდერებმა განაცხადეს, დისკუსიის ფარგლებში მათ სწორი გზა აირჩიეს. შეხვედრაში სულ 16 ქვეყნის ლიდერი მონაწილეობდა.

აფრიკის ქვეყნებიდან და ახლო აღმოსავლეთიდან ევროპაში ჩამსვლელი ლტოლვილების ტალღა 2015-2016 წლებიდან გრძელდება. ამასთან მიგრაციის საკითხი კვლავ გადაუჭრელია.

იტალია არის მთავარი ქვეყანა, რომლის გავლითაც ჩრდილოეთ აფრიკიდან ლტოლვილების უმრავლესობა ევროპაში ჩადის. კვირას გამართულ შეხვედრაზე ჯუზეპე კონტემ მოუწოდა ევროკავშირის ქვეყნებს მიგრაციის პრობლემების ერთად გადაჭრა.

2018 წელს, იტალიაში ჩავიდა 14, 330 მიგრანტი, საბერძნეთში 11, 763 და ესპანეთში კი 9, 315. გასულ კვირაში იტალიის ხელისუფლებამ არ დაუშვა გემი, რომლის ბორტზე 630 მიგრანტი იმყოფებოდა, რომელიც საბოლოოდ ესპანეთმა მიიღო.

გერმანიის კანცლერმა ანგელა მერკელმა კვირას გამართულ შეხვედრას კონსულტაცია უწოდა: „ყველა პასუხისმგებელია ყველაფრისთვის. ჩვენ გვინდა ქვეყნები მზად იყვნენ, ითანამშრომლონ, ერთად შეიმუშავა სამოქმედო გეგმა“, - განაცხადა ანგელა მერკელმა.

ევროკავშირში მიგრანტებთან დაკავშირებული ვითარება მას შემდეგ გამწვავდა, რაც გამოკითხვებმა აჩვენა, რომ მოსახლეობის დიდი ნაწილი ამ საკითხს შემაშფოთებლად მიიჩნევს. ეს საკითხი მწვავედ დგას გერმანიაშიც. რამდენიმე დღის წინ გერმანიის შინაგან საქმეთა მინისტრმა მერკელს ულტიმატუმი წაუყენა და არალეგალური მიგრაციის საკითხის მოსაგვარებლად ორკვირიანი ვადა მისცა.