კონგოელ ექიმს და „ისლამური სახელმწიფოს“ ყოფილ ტყვეს ნობელის პრემია გადაეცა
Share
გამოვლიდნენ მშვიდობის დარგში 2018 წლის ნობელის პრემიის ლაურეატები.
წელს ჯილდო გადაეცა კონგოს დემოკრატიული რესპუბლიკის ექიმ-გინეკოლოგს,
დენის მუკვეგეს და ერაყელ იეზიდ აქტივისტს, ნადია მურადს.
ექიმ მუკვეგეს, რომელიც ნობელის პრემიაზე რამდენჯერმე იყო
ნომინირებული, კონგოში რამდენიმე საავადმყოფო აქვს გახსნილი, სადაც
სექსუალური ძალადობის მსხვერპლ ქალებს მკურნალობის კურსს
უტარებენ.
ნადია მურადი კი ადამიანთა უფლებებს ერაყის მასშტაბით იცავს. ის თავად
იყო ძალადობის მსხვერპლი, როდესაც 2014 წელს ტერორისტულმა დაჯგუფება
„ისლამურმა სახელმწიფომ“ გაიტაცა. იმავე წელს, 21 წლის ნადია მურადმა
მოახერხა გაქცევა და გერმანიაში მოხვედრა. იქ, ის, ადამიანთა
უფლებების განსაკუთრებული დამცველი და გაეროს კეთილი ნების ელჩი
გახდა. მურადი იყო ერთ-ერთი პირველი, ვინც მსოფლიოს ამცნო იეზიდთა
ტანჯვის შესახებ, „ისლამური სახელმწიფოს“ მხრიდან ქალების და
გოგონების დამონების და „ტრეფიკინგის“ შესახებ.
წელს ნობელის პრემიაზე ნომინირებული იყო 329 კანდიდატი, მათ შორის 112
საჯარო და საერთაშორისო ორგანიზაცია.
2018 წელს პრემიის ოდენობა 9 მილიონი შვედური კრონია (1 მილიონი აშშ
დოლარი).
ნობელის პრემიის დაჯილდოების ცერემონიალი ოსლოში გაიმართება, ნობელის
გარდაცვალების დღეს, 10 დეკემბერს. ნობელის პრემია მეცნიერების
სფეროში მსოფლიოში ყველაზე პრესტიჟულია.