მსოფლიოში ცნობილ ბრიტანელ მზარეულ ჯეიმი ოლივერს საქართველოში ეპატიჟებიან. ფეისბუკის ქართველი მომხმარებლები მზარეულის შეკითხვას - მსოფილოს რომელ ქვეყანაში ურჩევდნენ წასვლას, გამოეხმაურნენ.

ცნობილ მზარეულს და ბლოგერს ქართველები კომენტარის გრაფაში უწერენ, რომ საქართველოში მოგზაურობა ქართული კერძების და ღვინის დასაგემოვნებლად, ასევე ბუნების სანახავად ღირს.

მომხმარებლები ჯეიმი ოლივერს ჩაქაფულის, ხაჭაპურის, მწვადის, ხინკლის და ღომის გასინჯვას ურჩევენ, თან ნაწერებს ფოტოებსაც ურთავენ. საკვების ფოტოების პარალელურად ქვეყნის სხვადასხვა კუთხის ფოტოებიცაა განთავსებული, მათ შორის ზუგდიდის.

ჯეიმი ოლივერი ცნობილი ბრიტანელი მზარეული და ტელევარსკვლავია. მსოფლიოში განთქმული მზარეულის, პოპულარული კულინარიული გადაცემა მსოფლიოს 100-ზე მეტ ქვეყანაში გადის. ჯეიმი ოლივერის კულინარიული წიგნები კი ყველა ქვეყანაში ბესტსელერია.