სამეგრელოში კორონავირუსის 7 ახალი შემთხვევა დადასტურდა
სამეგრელო-ზემო სვანეთში, კორონავირუსზე გამოიკვლიეს 776 პირის
ნიმუში. აქედან 7 დადებითია.
სახელმწიფო რწმუნებულის მოვალეობის შემსრულებლის, მალხაზ თორიას
განცხადებით, 7 შემთხვევის განაწილება ასეთია:
"3 ხობის მცხოვრებია, რომლებიც ადრე გამოვლენილი ავტობუსის მძღოლის
კონტაქტები არიან, 2 ფოთში მომუშავე ხობის მუნიციპალიტეტის
მცხოვრებია. ისინიც ადრე გამოვლენილი შემთხვევების კონტაქტები არიან,
2 კი წალენჯიხის, სოფელ ლიის მცხოვრებლები არიან. მიმდინარეობს ღრმა
ეპიდემიოლოგიური კვლევა".
მისივე ცნობით, რუხის კლინიკაში ამჟამად 67 პაციენტი მკურნალობს,
ფოთში 37. რეგიონში კოვიდინფიცირებულთა რიცხვი 113-ია. 167 პირი
საკარანტინო ზონებში იმყოფება. თვითზოლაციაში კი 1000 -ზე მეტი
ადამიანი.
საქართველოში კორონავირუსის დადასტურებული შემთხვევების რიცხვი 1
ოქტომბრის მონაცემებით, 6640-მდე გაიზარდა. გამოჯანმრთელდა 3419, 39
კი გარდაიცვალა.