მარწყვი წელიწადის ოთხივე დროს [Video]
ხილ-კენკროვან კულტურათა განვითარების ასოციაციამ ზუგდიდში მარწყვის
პირველი სასათბურე მეურნეობა 2012 წელს
გახსნა. ამჟამად, ასოციაციას ზუგდიდის ათ სოფელში მოჰყავს კენკროვანი
კულტურა სასათბურე და ღია გრუნტის პირობებში. როგორც ორგანიზაციის
თავმჯდომარე ნანა ფიფიამ „ლაივპრესს“ უთხრა, მოსავალი მხოლოდ
ადგილობრივ ბაზარს აკმაყოფილებს. ამბობს, რომ არის მოთხოვნილება
თბილისში, ასევე ევროპაში გატანაზე, მაგრამ ამ ეტაპზე პროდუქტის
მოცულობა ამის საშუალებას არ იძლევა.
ზუგდიდში, თაბუკაშვილის ქუჩაზე გაშენებულ სასათბურე მეურნეობაში ესპანური მარწყვის ჯიში „სან ანდრეასი“ მოჰყავთ, რომელიც მოსავალს მთელი წლის განმავლობაში იძლევა. ღია გრუნტზე ე.წ. გულის ფორმის მარწყვის ჯიშები - „ფორტუნა“ და „ფესტივალი“ ხარობს და მოსავალს მარტის თვეში ელოდებიან.
თავიდან არავის ეგონა რომ გატაცება სერიოზულ ბიზნეს-საქმიანობაში გადაიზრდებოდა, გვითხრა ნანა ფიფიამ, რომელიც ასოციაციას ეკატერინე მიქენაიასთან ერთად მართავს. ამბობს, რომ მძიმე ფიზიკურმა შრომამ გაამართლა და ახლა ასოციაციაში, რომელსაც 21 ფერმერი აერთიანებს, 50 ადამიანია დასაქმებული. ნანა ფიფიას თქმით, მათი შემდეგი მიზანი პროდუქტის ევროპის ბაზარზე გატანაა.
ზუგდიდში, თაბუკაშვილის ქუჩაზე გაშენებულ სასათბურე მეურნეობაში ესპანური მარწყვის ჯიში „სან ანდრეასი“ მოჰყავთ, რომელიც მოსავალს მთელი წლის განმავლობაში იძლევა. ღია გრუნტზე ე.წ. გულის ფორმის მარწყვის ჯიშები - „ფორტუნა“ და „ფესტივალი“ ხარობს და მოსავალს მარტის თვეში ელოდებიან.
თავიდან არავის ეგონა რომ გატაცება სერიოზულ ბიზნეს-საქმიანობაში გადაიზრდებოდა, გვითხრა ნანა ფიფიამ, რომელიც ასოციაციას ეკატერინე მიქენაიასთან ერთად მართავს. ამბობს, რომ მძიმე ფიზიკურმა შრომამ გაამართლა და ახლა ასოციაციაში, რომელსაც 21 ფერმერი აერთიანებს, 50 ადამიანია დასაქმებული. ნანა ფიფიას თქმით, მათი შემდეგი მიზანი პროდუქტის ევროპის ბაზარზე გატანაა.