კოლხური ვაზის უიშვიათესი ჯიშების სანერგე ჩხოროწყუში [ვიდეო]
ჩხოროწყუს სოფელ ლესიჭინეში საცდელ-სანერგე მეურნეობაში
ქართული ვაზის 22 იშვიათი სახეობის ჯიშია გაშენებული, მათ შორის
გადაშენების პირას მყოფი კოლხური ვაზის რვა სახეობა.
ჩხოროწყუს მუნიციპალიტეტის საკრებულოს აპარატის თანამშრომელმა ამერან ჯოლოხავამ გვითხრა, რომ სანერგე მეურნეობა შარშან, სამეცნიერო კვლევითი ცენტრის დახმარებით მოეწყო.
„სანერგეს გაკეთების იდეა 2013 წლიდან გაგვიჩნდა. შეირჩა ოჩხამურის უბანი, რომელიც ამჟამად კვლევითი ცენტრის დროებით საკუთრებაშია. ვაზისა და ხეხილის ნერგები ჯიღაურას მეურნეობიდან ჩამოიტანეს. ამ ნაკვეთზე სულ მეგრული ვაზის 430 ძირი ხარობს“, - გვითხრა მან.
კოლხური ვაზის ჯიშებიდან მეურნეობაში - ჩე, ჩეჭიფეში, ჩეკოლოში, ჩექობალი, ჭვიტილური, ოჯალეში ხარობს.
კვლევითი ცენტრის თანამშრომელმა ჯონი ხორავამ გვითხრა, რომ სანერგე მეურნეობაში დათესილ სიმინდზე ცდები ჩაატარეს. ყანაში ჩხოროწყუს სოფელ ნაფიჩხოვოში მოპოვებული აგრომინერალური ნედლეული - ტკილი შეიტანეს, რის შედეგადაც ყანა უფრო მოსავლიანი აღმოჩნდა.
ჩხოროწყუს მუნიციპალიტეტის საკრებულოს აპარატის თანამშრომელმა ამერან ჯოლოხავამ გვითხრა, რომ სანერგე მეურნეობა შარშან, სამეცნიერო კვლევითი ცენტრის დახმარებით მოეწყო.
„სანერგეს გაკეთების იდეა 2013 წლიდან გაგვიჩნდა. შეირჩა ოჩხამურის უბანი, რომელიც ამჟამად კვლევითი ცენტრის დროებით საკუთრებაშია. ვაზისა და ხეხილის ნერგები ჯიღაურას მეურნეობიდან ჩამოიტანეს. ამ ნაკვეთზე სულ მეგრული ვაზის 430 ძირი ხარობს“, - გვითხრა მან.
კოლხური ვაზის ჯიშებიდან მეურნეობაში - ჩე, ჩეჭიფეში, ჩეკოლოში, ჩექობალი, ჭვიტილური, ოჯალეში ხარობს.
კვლევითი ცენტრის თანამშრომელმა ჯონი ხორავამ გვითხრა, რომ სანერგე მეურნეობაში დათესილ სიმინდზე ცდები ჩაატარეს. ყანაში ჩხოროწყუს სოფელ ნაფიჩხოვოში მოპოვებული აგრომინერალური ნედლეული - ტკილი შეიტანეს, რის შედეგადაც ყანა უფრო მოსავლიანი აღმოჩნდა.