ვიდეო
ზუგდიდში ექვთიმე თაყაიშვილზე გადაღებული ფილმის პრემიერა გაიმართა [ვიდეო]
FaceBook Twitter
E-mail Print
ზუგდიდში ექვთიმე თაყაიშვილზე ისტორიულ-ბიოგრაფიული ფილმი უჩვენეს. მასში მოთხრობილია ადამიანის თავდადების და ბრძოლის შესახებ, რომელმაც ქვეყანას ეროვნული საგანძური შემოუნახა, მიუხედავად ბევრი საცდურის, პირადი გაჭირვების და საკუთარი სიცოცხლის საფრთხეში ჩაგდებისა. ერთი პირის ამბის გარდა, ვისი მეხსიერებაც საქართველოს ისტორიას გადაება, რეჟისორი ნიკოლოზ ხომასურიძე გვიყვება ექვთიმეს და მისი ცოლის, ნინო პოლტოროცკაიას სიყვარულზეც, ფილმის გმირის თანამებრძოლზე, რომელმაც ქმრის მისია გაინაწილა და ყველაზე მძიმე წუთებშიც არ მოშორებია გვერდიდან. ავტორის თქმით, პირადად მისთვის ექვთიმე ყველაზე გამორჩელი ქართველია, რომელმაც მოახერხა და ყველანაირ ცდუნებაზე მაღლა დადგა.

„ფილმი დამუხტულია ეროვნული სულისკვეთებით, რომელიც დღეს ასე აკლია ჩვენს საზოგადოებას. ქართველ ხალხთან ერთად შევქმენით ფილმი. 7 ათასმა მოქალაქემ მიიღო მონაწილეობა მის შექმნაში და რამდენიმე კომპანიამ. ერთად გამოვხატეთ პატივისცემა ექვთიმე თაყაიშვილის მიმართ. ხალხმა დაუბრუნა თავისი სიყვარული ექვთიმეს“, - უთხრა „ლაივპრესს“ რეჟისორმა ნიკოლოზ ხომასურიძემ.

ფილმის გადაღებები ორ-წელიწად ნახევრის განმავლობაში მიმდინარეობდა, როგორც საქართველოს სხვადასხვა კუთხეში, ასევე მის ფარგლებს გარეთ. მათ შორის თბილისში, გმირის მშობლიურ სოფელ ლიხაურში, ბათუმში, ყვარელში, პარიზსა და ლევილში.

ნამუშევარი, როგორც რეჟისორი ამბობს, ქვეყანას მოივლის, ისევე, როგორც თავის დროზე ეს ექვთიმე თაყაიშვილმა გააკეთა.

ფილმის ზუგდიდში ჩვენებას მთავარი როლის შემსრულებელი რეზო ჩხიკვიშვილი საზღვარგარეთ ყოფნის მიზეზით არ დასწრებია. პრემიერაზე რეჟისორს თან ახლდა გიორგი მეგრელიშვილი, ვინც ჟან პიერს განასახიერებს.

„ადამიანი, რომელსაც ერთი სული აქვს გაძარცვოს ექვთიმე თაყაიშვილი. ეს არის გამტარი კინოფილმი, სადაც მოთხრობილია, თუ რამდენად მნიშვენლოვანია იბრძოლო ეროვნული განძის შესანარჩუნებალდ. ყველას ჩვენი ჯვარი და განძი გვაქვს სატარებელი ცხოვრებაში“, - აღნიშნა მსახიობმა.

ფილმის ბიუჯეტმა 340 ათას დოლარამდე შეადგინა. მისი ნახევარი რეჟისორმა დაფარა, დანარჩენი კი მოსახლეობასთან ერთად რამდენიმე კერძო კომპანიამ.

ნამუშევარი 14 აპრილს ჯვარში უჩვენეს. ხვალ პრემიერა თერჯოლაში, შემდეგ ლეჩხუმსა და სამტრედიაში, აბაშაში და ახალციხეში გაიმართება. უკვე 26 აპრილს ფილმს ჰოლანდიაში საქართველოს საელჩოში წარადგენენ.

„მაისიდან ვიწყებთ საერთაშორისო ფესტივალებში მონაწილეობას“, - გვითხრა რეჟისორმა.

ფილმის პრემიერა ზუგდიდში მერიის ორგანიზებით შედგა.

საბჭოთა წითელი არმიის საქართველოში შემოჭრის შემდეგ, 1921 წელს, მთავრობამ გადაწყვიტა შეეკრიბათ სახაზინო ქონება, სამუზეუმო განძი და გაქცეულიყვნენ საფრანგეთში ემიგრაციაში. მათ ყველა ნივთის შეკრება დაავალეს ისტორიკოსს, არქეოლოგს და საზოგადო მოღვაწე ექვთიმე თაყაიშვილს და მის მცველად დანიშნეს, რომელმაც ეროვნული საგანძურის შენარჩუნება შეძლო. ნივთები ამერიკული თვითმფრინავებით მეორე მსოფლიო ომის შემდეგ საქართველოში დააბრუნეს. განძს ექვთიმეც გამოყვა.

2002 ქართულმა ეკლესიამ ექვთიმე თაყაიშვილი წმინდანად შერაცხა.

Print E-mail
Twitter
სხვა მასალები
ზუგდიდის სოფელ დარჩელში, კიროვის უბანში, ძლიერი წვიმების დროს
მდინარე ჯუმი დიდდება, კალაპოტიდან
15:01 / 23.11.2022
ზუგდიდის სოფელ დარჩელში, კიროვის უბანში, ძლიერი წვიმების დროს მდინარე ჯუმი დიდდება, კალაპოტიდან
ზუგდიდში ახალგაზრდები მუდმივად უჩივიან შემეცნებით-გასართობი
სივრცეების სიმწირეს, სადაც იდეების
14:47 / 15.11.2022
ზუგდიდში ახალგაზრდები მუდმივად უჩივიან შემეცნებით-გასართობი სივრცეების სიმწირეს, სადაც იდეების
უმუშევრობა საქართველოსთვის ერთ-ერთი მთავარი გამოწვევაა.
ადამიანები ასაკის და სქესის განურჩევლად სამსახურს ეძებენ,
10:07 / 08.11.2022
უმუშევრობა საქართველოსთვის ერთ-ერთი მთავარი გამოწვევაა. ადამიანები ასაკის და სქესის განურჩევლად სამსახურს ეძებენ,
ახალგაზრდებს, რომლებიც სოფლად ცხოვრობენ, გაცილებით მეტი
საჭიროებები აქვთ. იმისთვის, რომ განვითარდნენ და გარემო
10:50 / 25.10.2022
ახალგაზრდებს, რომლებიც სოფლად ცხოვრობენ, გაცილებით მეტი საჭიროებები აქვთ. იმისთვის, რომ განვითარდნენ და გარემო
კორონავირუსი

საბჭოთა რეპრესიები

ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.