ვიდეო
National Geographic-ი ჩხოროწყუში წარმოებული ყველით და ღვინით დაინტერესდა [ვიდეო/ფოტო]
FaceBook Twitter
E-mail Print
ჩხოროწყუს სოფელ მუხურში მიხეილ ცირდავას ოჯახს უძველესი რეცეპტით დამზადებული მეგრული ყველისა და ღვინის დასაგემოვნებლად აშშ-ის ეროვნული გეოგრაფიული საზოგადოების ოფიციალური გამოცემა National Geographic-ის ჟურნალისტი, დევიდ ფარლი ესტუმრა.

ახალგაზრდა მეღვინემ სტუმრებისთვის სახლედახელოდ გაწყობილი სუფრისთვის განსხვავებული ყველი წარადგინა - მეგრული სულგუნი ნადუღის გულსართით და პიტნიანი როლები.

„მნიშვნელოვანია, რომ ისეთ ცნობილ ჟურნალისტს, როგორიც არის დევიდ ფარლი, ვუამბეთ ჩვენი მივიწყებული ტრადიციების და კულტურის შესახებ. ამ გასტრონომიული პროდუქტის დემონსტრირება კიდევ ერთხელ ხაზს გაუსვამს ჩვენს მაღალ კულტურას“, - გვითხრა მიხეილ ცირდავამ.

ის უკვე რამდენიმე წელია იშვიათი მეგრული ჯიშების, „კოლოშის“ და "ჭვიტილურის“ ღვინოს აყენებს, პარალელურად კი უძველესი მეგრული რეცეპტით გუდის ყველის მომზადების ტრადიცია აღადგინა.

„როცა დავიწყე ღვინის წარმოება, უამრავი ადამინი გავიცანი და მათ შორის იყო ერთ-ერთი ანა მიქაძე, რომელიც საქართველოში ყველის დედად არის აღიარებული და მასთან ერთდ შევიმუშავეთ კონცეფცია, რომ ღვინო და ყველი ერთმანეთისთვის დაგვეახლოვებინა. მგონია რომ ჩვენ ეს ძალიან კარგად გამოგვდის“, - გვითხრა მეწარმემ.

საქართველოში უკვე ცნობილი ყველის მწარმოებელი ანა მიქაძე-ჩიკვაიძე მიიჩნევს, რომ მეგრული ყველი იძლევა კულინარისთვის ამოუწურავი ფანტაზიის შესაძლებლობებს.

„დანარჩენ მსოფლიოშიც ასეა, არის რძე, არის კვეთი და არის შემდეგ მისი დაბერების ტექნოლოგია. გებჟალია, თაფლში დავარგებული ყველი, ქერქში დავარგებული რბილი ყველი. სულ ცოტა ხნის წინ არავინ იცოდა მეგრული გუდის ყველის შესახებ და ეს აქ, ამ ოჯახმა აღადგინა. კარგია, რომ დაბერებული ყველების თემა ბრუნდება სამეგრელოში“, - თქვა ანა მიქაძე-ჩიკვაიძემ.

მეგრული ყველის დასაგემოვნებლად უცხოელი ჟურნალისტი მუხურში ნინო ტურაშვილთან და ტურიზმის ეროვნული ადმინისტრაციის სხვა წარმომადგენლებთან ერთად იმყოფებოდა.

„ტურიზმის ეროვნულ ადმინისტრაციას ხშირად ჩამოჰყავს საქართველოში ცნობილი ჟურნალისტები, ბლოგერები, რომ მათ სხვა კუთხით დაანახოს საქართველო, რომ მათ გავაცნოთ არა მხოლოდ ისტორია, არამედ კულინარიაც, რათა შემდეგ, როცა ისინი დაბრუნდებიან, დაწერონ, რაც ხელს შეუწყობს ჩვენს ქვეყანაში ტურიზმის განვითარებას. ამჯერად ჩამოსულია National Geographic -ის ჟურნალისტი, რომელიც წერს ბი ბი სის, ნიუ იორკ თაიმსითვის. ასევე ის არის მწერალი და წერს სამზარეულოზე. ამჯერად რაჭაში იმყოფებოდა, შემდეგ კი მიშა ცირდავას სახლში მეგრული გუდის ყველის დასაგემოვნებლად მოვიდა და ამას ბონუსად არაჩვეულებრივი ღვინოც მოჰყვა“, - გვითხრა ტურიზმის ეროვნული ადმინისტრაციის წარმომადგენელმა ნინო ტურაშვილმა.

დევიდ ფარლი საქართველოში უკვე მეორედ იმყოფება. გასულ წელს, მან საქართველოში მოგზაურობის შემდეგ ხაჭაპურის შესახებ დაწერა.

„იმიტომაც ვბრუნდები აქ. სულ მინდა, რომ ჩამოვიდე, რადგან აქ ვხვდები ძალიან საინტერესო, სტუმართმოყვარე ხალხს, რომლებთანაც ვზივარ, ვსადილობ, ვსაუბრობ, რაც ჩემი აზრით საქართველოში ყველაზე მნიშვნელოვანია“, - გვითხრა ჟურნალისტმა.

მან გამოთქვა ასევე სურვილი, რომ ყველის მწარმოებლებთან ერთად თავადაც მიიღოს მონაწილეობა საქართველოს კუთხეებში მივიწყებული ყველის სხვადასხვა სახეობის აღდგენაში.

Print E-mail
Twitter
სხვა მასალები
საღამოს ექვსი საათია. ბავშვები საკლასო ოთახში შეკრებილან და
საახალწლო სათამაშოებს ამზადებენ. ზოგი თექას
11:05 / 30.12.2022
საღამოს ექვსი საათია. ბავშვები საკლასო ოთახში შეკრებილან და საახალწლო სათამაშოებს ამზადებენ. ზოგი თექას
მიუსაფარ ძაღლებს ზუგდიდის ქუჩებში თითქმის ყოველ ნაბიჯზე ნახავთ.
პარკებსა და სკვერებში, კვების ობიექტებთან,
18:51 / 26.12.2022
მიუსაფარ ძაღლებს ზუგდიდის ქუჩებში თითქმის ყოველ ნაბიჯზე ნახავთ. პარკებსა და სკვერებში, კვების ობიექტებთან,
ძუკუ დელფინია და კოღონა გაბისკირია, პირველი მეგრულენოვანი
ანიმაციური სერიალის პერსონაჟები არიან. მათზე
12:25 / 20.12.2022
ძუკუ დელფინია და კოღონა გაბისკირია, პირველი მეგრულენოვანი ანიმაციური სერიალის პერსონაჟები არიან. მათზე
ჩვენ არ გვაქვს სხვა პლანეტა, - ამბობენ ჩხოროწყუელი მოსწავლეები
და გარემოს გადასარჩენად ერთიანდებიან.
12:46 / 14.12.2022
ჩვენ არ გვაქვს სხვა პლანეტა, - ამბობენ ჩხოროწყუელი მოსწავლეები და გარემოს გადასარჩენად ერთიანდებიან.
კორონავირუსი

საბჭოთა რეპრესიები

ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.