ვიდეო
რუსეთი ოკუპანტია - ქვითარზე დაწერილი პროტესტი სტალინის ქუჩიდან [ვიდეო]
FaceBook Twitter
E-mail Print
რუსეთი ოკუპანტია, - ამ წარწერით მიიღებთ ხობში, სტალინის ქუჩაზე მდებარე ერთ-ერთ მაღაზიაში გადახდის ქვითარს. წარწერა, რომელიც ქართულთან ერთად ინგლისურადაცაა დატანილი, ობიექტის მესაკუთრეთა გზავნილია საზოგადოებისთვის, რათა კიდევ ერთხელ შეახსენონ მათ რუსული ოკუპაციის შესახებ.

მაღაზიის მფლობელი როლანდ სერგია „ლაივპრესთან“ საუბარში აცხადებს, რომ სავაჭრო ობიექტი „მაფერი“ ოჯახმა ორი წლის წინ გახსნა. ქვითარზე მსგავსი წარწერის დატანის გადაწყვეტილებაც მაშინვე მიიღეს. მიუხედავად ამისა, აქციის შესახებ საზოგადოების დიდმა ნაწილმა მხოლოდ რამდენიმე დღის წინ შეიტყო. ეს მას შემდეგ, რაც გადახდის ქვითარი სოციალურ ქსელში როლანდ სერგიას მეგობარმა გამოაქვეყნა.

„აუცილებელი და მნიშვნელოვანია, ყველაფერს თავისი სახელი დავარქვათ. ამ შემთხვევაში მტერს - მტერი, ოკუპაციას - ოკუპაცია და ა.შ. შესაბამისად, მიმაჩნია, რომ ჩვენ ერთი აგური დავდეთ იმ დიდ საქმეში, რასაც ერთიანობა და მთლიანობა ჰქვია“, - თქვა 29 წლის როლანდ სერგიამ, რომელიც აგვისტოს ომში, როგორც რეზერვისტი, მონაწილეობას იღებდა.

მისი სიტყვებით, ის დაბომბვის ეპიცენტრშიც იმყოფებოდა და საკუთარ თავზე აქვს განცდილი „რუსული ოკუპაციის“ საფრთხე.

მაღაზიის მფლობელი ამბობს, რომ ტექნიკური თვალსაზრისით ქვითარზე მსგავსი წარწერის დატანა მარტივია და ნებისმიერ მსურველს შეუძლია ჩაერთოს ამ აქციაში.

„ძალიან მარტივია ამის გაკეთება. სადაც სალარო აპარატებს არეგისტრირებენ, იქ რომ მიხვალთ, ეტყვით და დააწერენ“, - განაცხადა მაღაზიის მფლობელმა.

„ლაივპრესი“ აქციასთან დაკავშირებით მოქალაქეებს ხობში გაესაუბრა. გამოკითხულთა დიდი ნაწილი ამბობს, რომ ქვითარზე წარწერას საერთოდ არ აკვირდებიან და აქციის შესახებ არაფერი იცოდნენ. რესპონდენტთა დიდი ნაწილი გზავნილის შინაარს იზიარებს და აქციას მიესალმება.

როლანდ სერგია იმედოვნებს, რომ აქციით მეწარმეებიც დაინტერესდებიან და ჩაერთვებიან რუსული ოკუპაციის წინააღმდეგ პროტესტის გამოხატვაში.

Print E-mail
Twitter
სხვა მასალები
საღამოს ექვსი საათია. ბავშვები საკლასო ოთახში შეკრებილან და
საახალწლო სათამაშოებს ამზადებენ. ზოგი თექას
11:05 / 30.12.2022
საღამოს ექვსი საათია. ბავშვები საკლასო ოთახში შეკრებილან და საახალწლო სათამაშოებს ამზადებენ. ზოგი თექას
მიუსაფარ ძაღლებს ზუგდიდის ქუჩებში თითქმის ყოველ ნაბიჯზე ნახავთ.
პარკებსა და სკვერებში, კვების ობიექტებთან,
18:51 / 26.12.2022
მიუსაფარ ძაღლებს ზუგდიდის ქუჩებში თითქმის ყოველ ნაბიჯზე ნახავთ. პარკებსა და სკვერებში, კვების ობიექტებთან,
ძუკუ დელფინია და კოღონა გაბისკირია, პირველი მეგრულენოვანი
ანიმაციური სერიალის პერსონაჟები არიან. მათზე
12:25 / 20.12.2022
ძუკუ დელფინია და კოღონა გაბისკირია, პირველი მეგრულენოვანი ანიმაციური სერიალის პერსონაჟები არიან. მათზე
ჩვენ არ გვაქვს სხვა პლანეტა, - ამბობენ ჩხოროწყუელი მოსწავლეები
და გარემოს გადასარჩენად ერთიანდებიან.
12:46 / 14.12.2022
ჩვენ არ გვაქვს სხვა პლანეტა, - ამბობენ ჩხოროწყუელი მოსწავლეები და გარემოს გადასარჩენად ერთიანდებიან.
კორონავირუსი

საბჭოთა რეპრესიები

ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.