ვიდეო
ნათია და გიგი - სტიგმის დაძლევის ისტორია [ვიდეო]
FaceBook Twitter
E-mail Print
- მის ქელი, ძალიან ლამაზი ხარ, - ეუბნება 14 წლის გიგი დედას და ეხუტება. გიგი აუტისტური სპექტრის აშლილობის მქონე მოზარდია, „მის ქელი“ კი გამოგონილი პერსონაჟი, რომელიც მისთვის ყველაზე ლამაზ ქალს ნიშნავს.

ნათია და გიგი სტუმრებს სახელოსნოში იღებენ. აქ გიგის უამრავი ფერწერული ტილო, აპლიკაცია და სხვადასხვა ნაკეთობაა გამოფენილი.

გიგის, როგორც მხატვარს უკვე იცნობენ საქართველოში. მისი წარმატებით ნათია ბედნიერია, თუმცა გზა ბედნიერებამდე ძალიან რთული იყო.

ურთულესი მაინც გიგის დიაგნოზის აღიარება აღმოჩნდა.

„გიგი პირველი შვილია. იცით, როგორ ველოდებოდი მის პირველ ბგერას, პირველ დაძახებას, მაგრამ გადიოდა წლები და არ ისმოდა „დედა“. 4 წლის იყო, როცა ექიმებმა აუტისტური სპექტრის აშლილობის დიაგნოზი დაუსვეს. ძალიან გამიჭირდა ამის აღიარება. მე თვითონ ვიყავი სტიგმის მატარებელი. მასთან ერთად ტრანსპორტში თუ საზოგადოებრივ თავშეყრის ადგილებში ყოველი გასვლა, დიდ შიშთან, მღელვარებასთან იყო დაკავშირებული. ვგრძნობდი, რომ გიგის სხვანაირად უყურებდნენ. ამიტომაც მერჩივნა მარტონი ვყოფილიყავით“.

თავიდან იყო შიში, დეპრესია, უიმედობა და ყველაზე მტკივნეული მომენტი - გიგის სკოლაში მიყვანა.

„მახსოვს თითოეული ნაბიჯი, როგორ მივედით სკოლამდე. როგორ ვუთხარი მასწავლებელს, რომ გიგი აუტისტური სპექტრის აშლილობის მქონე მოსწავლე იყო, მაგრამ სათნო ადამიანი შემხვდა. მერე რაო, მითხრა და დამამშვიდა. მე იმ წუთს ვიყავი ბედნიერი, რომ ვიღაცამ მიიღო ჩემი შვილი. მოკლედ, ძალიან რთული პერიოდი გავიარეთ, მაგრამ გიგის განსაკუთრებული უნარები, მისი ხელოვნებისადმი სიყვარული მაძლევდა იმედს, რომ ამ ბავშვს ბევრი რამის გაკეთება შეუძლია“.

გიგი სამი წლიდან ხატავდა, ძერწავდა. შემდეგ სამხატვრო სკოლაში მიიყვანეს. პირველი გამოფენაც მალევე მოაწყო. დედამაც დაინახა, რომ გიგისთვის გამოფენები და სხვა საჯარო აქტივობა ერთგვარი თერაპია იყო.

თვითონაც აუტისტური სპექტრის აშლილობის მქონე ბავშვთა ცენტრში დაიწყო მუშაობა და ახლა გიგის მადლიერია, რომ მისი ცხოვრება განსხვავებული გახადა:

„კიდევ ბევრი წელი დაგვჭირდება სტერეოტიპების დასაძლევად, მაგრამ ვფიქრობ, უკეთესობისკენ მიდის ყველაფერი. პირველ რიგში უნდა ვაღიაროთ ჩვენი შვილები და მივიღოთ ისეთები, როგორებიც არიან. ახლა ბედნიერი ვარ, რადგან გიგიმ თავი მაპოვნინა, ჩემი ცხოვრებაც უფრო საინტერესო გახადა. ზუსტად ვიცი, რომ გიგი ბევრ რამეს მიაღწევს“.

გიგის და-ძმაც ჰყავს. ნათია ამბობს, რომ სიყვარულს თანაბრად ანაწილებს, თუმცა ყველაზე ლამაზ კაბას „მის ქელის“ გიგი ჰპირდება.

Print E-mail
Twitter
სხვა მასალები
საღამოს ექვსი საათია. ბავშვები საკლასო ოთახში შეკრებილან და
საახალწლო სათამაშოებს ამზადებენ. ზოგი თექას
11:05 / 30.12.2022
საღამოს ექვსი საათია. ბავშვები საკლასო ოთახში შეკრებილან და საახალწლო სათამაშოებს ამზადებენ. ზოგი თექას
მიუსაფარ ძაღლებს ზუგდიდის ქუჩებში თითქმის ყოველ ნაბიჯზე ნახავთ.
პარკებსა და სკვერებში, კვების ობიექტებთან,
18:51 / 26.12.2022
მიუსაფარ ძაღლებს ზუგდიდის ქუჩებში თითქმის ყოველ ნაბიჯზე ნახავთ. პარკებსა და სკვერებში, კვების ობიექტებთან,
ძუკუ დელფინია და კოღონა გაბისკირია, პირველი მეგრულენოვანი
ანიმაციური სერიალის პერსონაჟები არიან. მათზე
12:25 / 20.12.2022
ძუკუ დელფინია და კოღონა გაბისკირია, პირველი მეგრულენოვანი ანიმაციური სერიალის პერსონაჟები არიან. მათზე
ჩვენ არ გვაქვს სხვა პლანეტა, - ამბობენ ჩხოროწყუელი მოსწავლეები
და გარემოს გადასარჩენად ერთიანდებიან.
12:46 / 14.12.2022
ჩვენ არ გვაქვს სხვა პლანეტა, - ამბობენ ჩხოროწყუელი მოსწავლეები და გარემოს გადასარჩენად ერთიანდებიან.
კორონავირუსი

საბჭოთა რეპრესიები

ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.