ვიდეო
ნიკო დადიანის განახლებული სასახლე [ვიდეო/ფოტო]
FaceBook Twitter
E-mail Print
ნიკოსეული სასახლის რეკონსტრუქცია დასრულდა. აქ მხოლოდ მცირე სახის სამუშაოებია დარჩენილი. მათ შორის სველი წერტილები ბოლომდეა გასამართი, ასევე კანალიზაციაც. სასახლე თანამედროვე სტანდარტების დაცვით პირვანდელ სახეს მაქსიმალურად მიუახლოვდა. კლიმატკონტროლი სამუზეუმო ექსპონატებისთვის, განათება, ვიდეოკონტროლი აღდგენილ შენობაში უზრუნველყოფილია. დაიგო ახალი იატაკი, გადაიხურა, გამოიცვალა ჭერი, დამონტაჟდა გათბობის სისტემა.

პირველი სართული ორი ფრთისგან შედგება. ერთ მხარეს დადიანების ბიბლიოთეკის ფონდის ნაწილი განთავსდება, სადაც დამთვალიერებელი ნახავს სამეგრელოს მთავრების მიერ გამოწერილ წიგნებს ევროპიდან, სხვადასხვაენოვან გაზეთებს, მათ შორის ფრანგულენოვანს, მიმოწერებს. სასახლის მეორე ფრთაში მოეწყობა არქეოლოგიის და ეთნოგრაფიის კუთხე, სადაც უძველესი ნიმუშები გამოიფინება.

მთავარი, დიდი საგამოფენო დარბაზი მეორე სართულზე მდებარეობს.

„ჩვენი სურვილი და მიზანია დამთვალიერებელმა ნახოს ყველაფერი, რაც შენახული გვაქვს საცავში და ისიამოვნონ იმ სიძველეებით და უნიკალური ნივთებით, რომელიც დადიანებს ჰქონდათ. აქ იქნება როგორც გამოყენებითი ხელოვნების ნიმუშები, ასევე სახვითი ხელოვნების ნიმუშები. ფერწერული ტილოები, გრაფიკა. შეიძლება გრავიურაც გამოვფინოთ, ფაიფურიც“, - უთხრა დადიანების ისტორიულ-არქიტექტურული მუზეუმის დირექტორმა ლილი ბერაიამ „ლაივპრესს“.

მისივე თქმით, დამთვალიერებლისთვის ბევრი უცნობი ნივთიც გამოიფინება. ამბობს, რომ გამოფენამდე წინასწარ გააკეთეს მონახაზი, თუ რას გამოფენენ. ზოგიერთ ექსპონატს რესტავრაცია უტარდება. მათ შორის არის ხუთი გობელინი.

სასახლის გახსნა ეკატერინე ჭავჭავაძის დაბადების დღეს, 19 მარტს სურთ დაამთხვიონ.

ნიკოს სასახლეს, რომელიც მე-19 საუკუნის 80-იან წლებში აშენდა, ამ მასშტაბის სარეკონსტრუქციო სამუშაოები დღემდე არ ჩატარებია. აღდგენა 2015 წლის აგვისტოში დაიწყო. სამუშაოებისთვის 3 მილიონ ლარამდე დაიხარჯა, რომელიც ფონდმა „ქართუმ“ გაიღო. სამუშაოების დამკვეთი საქართველოს კულტურული მემკვიდრობის დაცვის ეროვნული სააგენტოა.

სასახლის რეკონსტრუქციასა და დადიანების ევროპულ წარსულზე მუზეუმის დირექტორმა გადაცემაში „პირისპირ ლაივპრესთან“ ისაუბრა.

Print E-mail
Twitter
სხვა მასალები
შინაგან საქმეთა მინისტრი უარყოფს ინფორმაციას, რომ უპრეცედენტოდ
მოიმატა საქართველოში რუსეთის
12:53 / 09.03.2022
შინაგან საქმეთა მინისტრი უარყოფს ინფორმაციას, რომ უპრეცედენტოდ მოიმატა საქართველოში რუსეთის
დილაადრიან, როცა ჯერ კიდევ ბნელა და მხოლოდ მამლების
08:57 / 03.11.2021
დილაადრიან, როცა ჯერ კიდევ ბნელა და მხოლოდ მამლების
თამაშში ყველაზე მეტად მე მიმართლებს და ვიგებ კიდევაც,
16:54 / 18.10.2021
თამაშში ყველაზე მეტად მე მიმართლებს და ვიგებ კიდევაც,
კორონავირუსი

საბჭოთა რეპრესიები

ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.