ვიდეო
ზუგდიდელი ახალგაზრდების ანიმაციას საერთაშორისო ფესტივალზე გაიტანენ [ვიდეო]
FaceBook Twitter
E-mail Print
ზუგდიდში მეხუთე წელია ახალგაზრდები ანიმაციის ხელოვნებას ეუფლებიან, ეცნობიან და სწავლობენ, თუ როგორ გააცოცხლონ ნახატებით პერსონაჟები და საყვარელი გმირებით მოკლემეტრაჟიანი პროდუქტი შექმნან. ანიმაციის სკოლას, რომელიც ერთ პატარა, კამერულ ოთახს წარმოადგენს, დღეს ცხრა მოსწავლე ჰყავს. მათ ორი ანიმაციური ვიდეორგოლი უკვე მოამზადეს. ახლა კი ფილმზე მუშაობენ. ამ ყველაფერში მათ რეჟისორი, სცენარისტი და "ანიმაციის განვითარების ფონდის" თანამშრომელი არჩილ კუხიანიძე ეხმარება. ის თვეში ერთხელ, ორი დღით თბილისიდან საგანგებოდ ჩამოდის. ამას გარდა, ბავშვებთან კომუნიკაციას ონლაინაც ინარჩუნებს და კვირაში ორ-ორი საათით სკაიპ გაკვეთილებს ატარებს, იმისთვის, რომ ახალგაზრდები დისტანციურად მუშაობას შეაჩვიოს.

ფონდი, რომელსაც არჩილი წარმოადგენს, თბილისში 2008 წელს დაფუძნდა. მისი მიზანი ქვეყნის მასშტაბით ანიმაციის განვითარებაა. ამიტომაც, სკოლები სხვა მუნიციპალიტეტებშიც აამოქმედეს. ერთი წელია ზუგდიდში სკოლა-სტუდია მოსწავლე-ახალგაზრდობის სასახლის ბაზაზე არსებობს. მანამდე სამხატვრო სკოლის შენობაში მუშაობდნენ.

პედაგოგის თქმით, ანიმაციის შექმნა იდეით იწყება, რომელზეც ისტორიას გამოიგონებენ. მზადდება სცენარი. ის შეიძლება მოგვითხობდეს მეგობრობაზე, სიკეთესა თუ სიყვარულზე, პერსონაჟების დახმარებით. შემდეგი კომპონენტი ფონებია, კადრირება, სადაც ნახატებით დგება მოვლენათა განვითარების ჯაჭვი.

"შემდეგ კონკრეტულ ანიმაციას აცოცხლებენ. მერე ვსწავლობთ მონტაჟს, როგორ შევიტანოთ დახატული ანიმაციები კომპიუტერში. დავამონტაჟოთ, დავფეროთ, მუსიკა დავადოთ, ხმაურები დავადოთ. ახალგარდები ძალიან მონდომებულები და ნიჭიერები არიან და ბევრად უფრო კარგად ხედავენ ანიმაციის მუღამს, ვიდრე ზოგჯერ დიდები, იმიტომ, რომ ჩემი სუბიექტური აზრია, ანიმაცია რომ აკეთო, ცოტა ბავშვი უნდა იყო", - უთხრა არჩილ კუხიანიძემ "ლაივპრესს".


დღეს მოსწავლეებთან ერთად მოკლემეტრაჟიან ანიმაციურ ფილმზე მუშაობენ. მისი ხანგრძლივობა მაქსიმუმ ოთხი წუთია. პროდუქტს საერთაშორისო ფესტივალ "თოფუზის" კონკურსზე გაიტანენ, რომელიც ბათუმში შემოდგომაზე გაიმართება. ღონისძიებაზე მსოფლიოს სხვადასხვა ქვეყნიდან ანიმატორებს, რეჟისორებს, მხატვრებს და კომპოზიტორებს ელოდებიან. მათთან შეხვედრის და იდეების გაზიარების შესაძლებლობა კი ამ დროს პატარა ანიმატორებსაც ექნებათ.

ზუგდიდის ანიმაციის სკოლის მოსწავლეები კონკურსისთვის უკვე ემზადებიან. მუშაობენ ფილმზე, რომელიც სიკეთეს გვასწავლის. ამბობენ, რომ ეს პროცესი საინტერესოა და ძალიან მოსწონთ.


"რამდენიმე თვეა, რაც აქ დავდივარ. თავიდანვე მომეწონა სიტუაცია, მასწავლებელიც. მეხმარება ჩემი თავის პოვნაში. პროფესიად რომ ავირჩიო, კმაყოფილი ვიქნები. ვაპირებთ ანიმაცია გავაკეთოთ ერთ კაცზე, რომელიც ძალიან კეთილია და ყველას ეხმარება. საპასუოდ მასაც დაეხმარებიან. სიკეთეა მთავარი იდეა", - გვითხრა 16 წლის ქეთევან შონიამ, რომელიც ანიმაციის სკოლაში მხოლოდ რამდენიმე თვის წინ მოვიდა.

არჩილ კუხიანის თქმით, ანიმაციის ხელოვნების განვითარებას საქართველოში დიდი პერსპექტივა აქვს, თუმცა ამ მიმართულებით პრობლემები დღემდე არსებობს. მაგალითად, თუ მსოფლიოში ანიმაციური ფილმწარმოება დიდი ხანია ბიზნესად იქცა, ჩვენთან შესაბამისი ბაზარი დღემდე არ არსებობს, სადაც შეგიძლია პროდუქცია გაყიდო. ამიტომაც, ცდილობენ უცხოეთზე გავიდნენ, მოიძიონ პარტნიორები, რომლებთან ერთადაც აწარმოებენ პროდუქციას, შემდგომ კი კინოთეატრებში უჩვენებენ და მათ პოპულარიზაციაზე იზრუნებენ.

"ქართული ანიმაციური კინოს განვითარების გზა გადის უცხოეთზე. ამავდროულად, ამ ახალგაზრდების გაზრდაზე. თუ ჩვენ არ გვეყოლება ანიმატორები, არ გვეყოლება ის ადამიანები, ვინც უნდა გააკეთოს ანიმაცია, მაშინ ვერ გავაკეთებთ", - გვითხრა არჩილ კუხიანიძემ.

Print E-mail
Twitter
სხვა მასალები
ზუგდიდის სოფელ ცაიშში 65 წლის გენო ასათიანს ნესვი მოჰყავს.
11:21 / 24.05.2019
ზუგდიდის სოფელ ცაიშში 65 წლის გენო ასათიანს ნესვი მოჰყავს.
არჩევნები დასრულდა და ქალაქი ნელ-ნელა უბრუნდება ჩვეულ რიტმს.
12:58 / 22.05.2019
არჩევნები დასრულდა და ქალაქი ნელ-ნელა უბრუნდება ჩვეულ რიტმს.
63 წლის ქეთევან სორდია ზუგდიდის სოფელ კახათში ცხოვრობს.
19:20 / 21.05.2019
63 წლის ქეთევან სორდია ზუგდიდის სოფელ კახათში ცხოვრობს.
ზუგდიდში ცირკის ცხოველების მხარდასაჭერი აქცია გაიმართა.
18:16 / 04.05.2019
ზუგდიდში ცირკის ცხოველების მხარდასაჭერი აქცია გაიმართა.
ფოტო
ზუგდიდის ცენტრალურ ქუჩებში საცობებია [ფოტო]
ზუგდიდის ბულვარის მიმდებარედ გზების ჩაკეტვამ ქალაქში საცობი გამოიწვია.
ქვეითთა შეზღუდული უფლებები ზუგდიდში [ფოტო]
ქვეითთა უფლებები ზუგდიდში ხშირად ირღვევა.
პროტესტი ვენეციის კომისიის სახელით [ფოტო]
უზენაეს სასამართლოს მოსამართლეთა უვადოდ
ქვეითთა წაშლილი გადასასვლელები ზუგდიდში [ფოტო]
ზუგდიდის ცენტრში, საავტომობილო გზებზე ქვეითთა გადასასვლელები
ორიგინალური და სახალისო სააღდგომო კვერცხები [ფოტო]
წითლად შეღებილი კვერცხი აღდგომის დღესასწაულის
მზარეულის მაგიდა
პასკები იასამნებით მხატვრისგან [ვიდეო]
მაგიდაზე ფუნჯებით სავსე ქილა დგას. მხატვარი მარიკა კორკელია
ფუჩხოლია [ვიდეო]
ფუჩხოლია მეგრული სიტყვაა და ქართულად ნიშნავს - დაფშვნილს,
როგორ მოვამზადოთ წელვადი ელარჯი [ვიდეო]
ერთ-ერთი ყველაზე პოპულარული მეგრული კერძის მოსამზადებლად
გებჟალია ნადუღით [ვიდეო/ფოტო]
ზუგდიდის სოფელ ახალსოფელში მცხოვრები ბელა კვარაცხელიას
ფარჯიანების კუბდარი [ვიდეო/ფოტო]
კუბდარი ერთ-ერთი ყველაზე ცნობილი სვანური კერძია,
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.