ვიდეო
აშშ-ის სააგენტო ანაკლიაში მცირე და საშუალო ბიზნესს დააფინანსებს [ვიდეო]
PLAYER_GET_VIDEOFLASH
ანაკლიასა და მეზობელ სოფლებში ამერიკის შეერთებული შტატების საერთაშორისო განვითარების სააგენტო (USAID) მცირე და საშუალო ბიზნესს დააფინანსებს. USAID-ის მისიის ხელმძღვანელმა პიტერ ვიბლერმა, ანაკლიაში სასწავლო ცენტრის გახსნაზე, სადაც ასევე გამოცხადდა საგრანტო კონკურსი, თქვა, რომ მათი პროგრამა ხელს შეუწყობს რეგიონში ახალი სამუშაო ადგილების შექმნას.

ცენტრი „ანაკლიის განვითარების კონსორციუმის“ გენერალურმა დირექტორმა ლევან ახვლედიანმა და პიტერ ვიბლერმა, ანაკლიის ეკონომიკური განვითარების პროგრამის ფარგლებში დღეს გახსნეს და ისაუბრეს საგრანტო პროგრამის შესახებაც. განაცხადეს, რომ პროგრამის ამოცანაა რეგიონში მიკრო, მცირე და საშუალო ბიზნესისთვის ხელის შეწყობა, ასევე პორტისა და რეგიონისთვის მოთხოვნადი კვალიფიციური სამუშაო ძალის შექმნა და ადგილობრივი ინფრასტრუქტურის განვითარება.

შეხვედრაზე მყოფი მცირე და საშუალო ბიზნესის წარმომადგენლები ბოლო პერიოდში პორტთან დაკავშირებით გაკეთებული განცხადებების ფონზე დაიტერესდნენ პროექტის ბედით. მათ „ანაკლიის განვითარების კონსორციუმის“ გენერალურ დირექტორს ლევან ახვლედიანს ჰკითხეს, ემუქრება თუ არა საფრთხე ხელისუფლების მხრიდან პორტის მშენებლობას.

ლევან ახვლედიანის თქმით, ამ ეტაპზე შეფერხება არ არის: „ვფიქრობ, რომ უახლოეს პერიოდში აღმოიფხვრება ის გაუგებრობა რასაც კომპანიის დამფუძნებლებთან მიმართებაში აქვს ადგილი. ანაკლიის ეს პროექტი ვერ შედგება კერძო სექტორისა და მთავრობის თანამშრომლობის გარეშე. ვფიქრობ, რომ ყველაფერი კარგად იქნება“, - განმარტა მან.

ანაკლიის პორტის მშენებლობის შესახებ საფრთხეებზე მოქალაქეების კითხვებს გუბერნატორმა ალექსანდრე მოწერელიამაც უპასუხა. თქვა, რომ ის წარმოადგენს რეგიონში საქართველოს ცენტრალური ხელისუფლების უმაღლესი თანამდებობის პირს და შესაბამისად მისი ამ შეხვედრაზე ყოფნა ნიშნავს იმას, რომ ანაკლიის პროექტის განხორციელებას სახელმწიფო მხარს უჭერს.

ცენტრი რომელიც ანაკლიაში დღეს გაიხსნა მოიცავს კურსებს სხვადასხვა დარგებში, მათ შორის, მეწარმეობას, ბიზნეს ადმინისტრირებას, ტურიზმსა და სოფლის მეურნეობას, ინგლისური ენისა და კომპიუტერული პროგრამების შესწავლას.

რაც შეეხება საგრანტო კონკურსს, ის გამოცხადდა აგრარული, ტურისტული თუ სხვა მიმართულებით, რაც პროექტის ავტორების თქმით, მიკრო, მცირე და საშუალო ბიზნესის ზრდას და თანამდევ ტრენინგებთან ერთად მოსახლეობის ბიზნეს და ტექნიკური უნარების გაუმჯობესებას მოიტანს. უახლოეს დღეებში პროგრამის კოორდინატორები სოფლებში შეხვედრების დაწყებას გეგმავენ, სადაც დეტალურად გააცნობენ მსურველებს გრანტის მიღების პირობებს. მათივე ცნობით, უმოკლეს ვადაში ეს ინფორმაცია ხელმისწვდომი გახდება ინტერნეტშიც.
| Print |  E-mail
FaceBook Twitter Google
სხვა მასალები






მერის რიგგარეშე არჩევნები მაისში გაიმართება, თუმცა ამ დრომდე
კანდიდატი ჯერ არცერთ პოლიტიკურ პარტიას არ წარუდგენია.
18:38 / 19.03.2019
მერის რიგგარეშე არჩევნები მაისში გაიმართება, თუმცა ამ დრომდე კანდიდატი ჯერ არცერთ პოლიტიკურ პარტიას არ წარუდგენია.






საზოგადოებას ყოველდღიურ რეჟიმში უწევს მმართველ პარტიაში
19:47 / 05.03.2019
საზოგადოებას ყოველდღიურ რეჟიმში უწევს მმართველ პარტიაში






შიო, ანდრია, ლაზარე, საბიანა, ბარბარე და მარიამი, ჩემი მეექვსე
შვილი
09:29 / 03.03.2019
შიო, ანდრია, ლაზარე, საბიანა, ბარბარე და მარიამი, ჩემი მეექვსე შვილი






ეკატერინეს სასახლეში, ერთ-ერთ საგამოფენო დარბაზში ჭერის ნაწილის
14:35 / 01.03.2019
ეკატერინეს სასახლეში, ერთ-ერთ საგამოფენო დარბაზში ჭერის ნაწილის
დღის ფოტო
ცოცხალი ისტორიები
დემეტრე ლიპარტია - აგრარულ მეცნიერებათა დოქტორი
გრიგოლ დაგარგულია - აგვისტოს ომის რეზერვისტი
დიანა ქაჯაია - აბიტურიენტი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ  ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე. The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.