ვიდეო
მავთულხლართებით გაყოფილი ჭირისუფლები [ვიდეო]
FaceBook Twitter
E-mail Print
ამ სოფელში და ამ ადამიანთან ერთად გავატარე მთელი ბავშვობა, - ამბობს ნანი უზარაშვილი, რომელიც აფხაზეთ-სამეგრელოს საოკუპაციო ხაზთან დგას და შორიდან უყურებს სამგლოვიარო პროცესიას.

უყურებს 7 წლის უნახავი ბიძაშვილის დატირებას, ვისთანაც მთელი ბავშვობა მდინარე ენგურის სანაპიროზე გაატარა. თავად ზუგდიდის მუციპალიტეტის სოფელ ორსანტიაშია, დაკრძალვა კი ოკუპირებული გალის რაიონის სოფელ ოტობაიაში. ახლა ამ სოფლების გამყოფი მდინარე ენგურის გადაკვეთა ისე მარტივი არ არის, როგორც მის ბავშვობაში იყო.

ნანი უზარაშვილი საუბარს წყვეტს, ხელებით თითქოს მზეს იჩრდილავს და თან ცრემლებს ჩუმად იწმენდს. ვიდეოკამერების ერიდება. არ უკვირს, რომ მავთულხლართებით გაყოფილ დაკრძალვას, თითქმის ყველა ქართული მედიასაშუალება აშუქებს.
სულ რამდენიმე მეტრი აშორებს უახლოეს ნათესავებს, რომლებიც საყვარელი ადამიანის გარდაცვალებას მასავით განიცდიან.

ჩუმად ამბობს, რომ ძალიან უნდა ახლა იქ იყოს - „ეს ცხოვრებაა განა? არ მესმის, ასე რატომ ხდება“, - კითხულობს ნანი და თან ხელის აწევით ესალმება მავთულხლართებიდან მომზირალ ნათესავებს.

ნანი უზარაშვილს საოკუპაციო ხაზის კვეთისთვის აუცილებელი დოკუმენტები არ აქვს. თავადაც ოკუპირებული ოტობაიიდანაა, თუმცა დევნილობის შემდეგ იქ არ ჩასულა.

მასთან ერთად დღეს ენგურის მეორე მხარეს იდგნენ სხვა ნათესავებიც, რომლებსაც ასევე არ ჰქონდათ ე.წ. აფხაზური პასპორტი, ფორმა ნომერი ცხრა, ან ბინადრობის მოწმობა. ეს ის დოკუმენტებია, რომლის მფლობელიც დღეს ორმხრივად, შეუფერხებლად ახერხებს სამეგრელო-აფხაზეთის პირობითი საზღვრის კვეთას.

ნანი უზარაშვილი საბუთების არქონის მიზეზით ვერ დაესწრო ცოტა ხნის წინ დედის დაკრძალვასაც. „არც საფლავი ვიცი სად არის“, - განმარტავს ის.

სამგლოვიარო პროცესია შესახვევს მიეფარა. არავინ ჩანს, თუმცა ხიდზე, რომელიც ორ სოფელს აერთიანებს და რომლის ბოლოც მავთულხლართებით იხურება, ისევ დგას ნანი უზარაშვილი ნათესავებთან ერთან. ქალები ტირიან, მამაკაცები კი ღვინით სავსე ჭიქით აცილებენ საყვარელ ადამიანს. ამ „სანახაობას“ ჟურნალისტებთან ერთად ადევნებს თვალს პოლიცია და სოფლის მცხოვრებნი. მათთვის აქ უჩვეულო არაფერია.

„ამ ადგილიდან (ორსანტია) სულ ახლოსაა ოტობაიის სასაფლაო. ამიტომაც, გარდაცვლილის გასვენება სულ ამ გზით უწევთ. ეს პროცესი აქედან კარგად ჩანს. ნათესავები, ვინც ვერ ახერხებს იქით გადასვლას, აქედან უყურებენ“, - გვეუბნება ორსანტიაში მცხოვრები ქალი, რომელსაც ვინაობის დასახელება არ სურს, რადგან გალში თავად ხშირად დადის. ამბობს, რომ საბუთები აქვს და პრობლემა არ ექმნება.

აფხაზეთ-სამეგრელოს საოკუპაციო ხაზს დღეში ასობით ადამიანი კვეთს. ე.წ. ოფიციალური გამშვები პუნქტი ენგურის ხიდზე ფუნქციონირებს. მგზავრებს აქ დოკუმენტებს დე ფაქტო რესპუბლიკის ე.წ. მესაზღვრეები უმოწმებენ, რომელთა ნაწილი აფხაზი, ნაწილი კი რუსი ჯარისკაცია.

მანამდე, ენგურის ხიდის გარდა, აფხაზეთ-სამეგრელოს ე.წ. საზღვართან ფუნქციონირებდა ხურჩა-ნაბაკევის, საბერიო-ფახულანის და ოტობაია-ორსანტიის საკონტროლო-გამშვები პუნქტებიც, რომელიც დე ფაქტო მთავრობამ საოკუპაციო ხაზის უკეთ გაკონტროლების მიზეზით, 2016 წლიდან ეტაპობრივად დახურა.

Print E-mail
Twitter
სხვა მასალები
საღამოს ექვსი საათია. ბავშვები საკლასო ოთახში შეკრებილან და
საახალწლო სათამაშოებს ამზადებენ. ზოგი თექას
11:05 / 30.12.2022
საღამოს ექვსი საათია. ბავშვები საკლასო ოთახში შეკრებილან და საახალწლო სათამაშოებს ამზადებენ. ზოგი თექას
მიუსაფარ ძაღლებს ზუგდიდის ქუჩებში თითქმის ყოველ ნაბიჯზე ნახავთ.
პარკებსა და სკვერებში, კვების ობიექტებთან,
18:51 / 26.12.2022
მიუსაფარ ძაღლებს ზუგდიდის ქუჩებში თითქმის ყოველ ნაბიჯზე ნახავთ. პარკებსა და სკვერებში, კვების ობიექტებთან,
ძუკუ დელფინია და კოღონა გაბისკირია, პირველი მეგრულენოვანი
ანიმაციური სერიალის პერსონაჟები არიან. მათზე
12:25 / 20.12.2022
ძუკუ დელფინია და კოღონა გაბისკირია, პირველი მეგრულენოვანი ანიმაციური სერიალის პერსონაჟები არიან. მათზე
ჩვენ არ გვაქვს სხვა პლანეტა, - ამბობენ ჩხოროწყუელი მოსწავლეები
და გარემოს გადასარჩენად ერთიანდებიან.
12:46 / 14.12.2022
ჩვენ არ გვაქვს სხვა პლანეტა, - ამბობენ ჩხოროწყუელი მოსწავლეები და გარემოს გადასარჩენად ერთიანდებიან.
კორონავირუსი

საბჭოთა რეპრესიები

ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.