ვიდეო
ჰოლანდიური ნესვის სათბური ზუგდიდში [ვიდეო]
FaceBook Twitter
E-mail Print
ზუგდიდის სოფელ ცაიშში 65 წლის გენო ასათიანს ნესვი მოჰყავს. პირველად შარშან დათესა, თუმცა ცოტა დაგვიანებით, რის გამოც შედარებით მწირი მოსავალი მოიწია. წელს მარტში ჰოლანდიური ჯიშის თესლი მოსინჯა, რომელიც ამბობს, რომ წინას გემოთი და სხვა თვისებებითაც ჯობია. გაამართლაო გვითხრა, რადგან უხვად გამოიბა ნაყოფი და ჯამში მინიმუმ 15, მაქსიმუმ კი 20 ტონა ნესვს ელოდება.

სათბურში ზოგან მწიფე და ჯერაც დაუმწიფებელი ნაყოფი მიწაზე დევს, ზოგან კიდევ მაღლა ჰკიდია ვარდისფერი ბადით გამაგრებული, ნესვის სიმძიმემ რომ არ გადმოსწონოს.

გენო ასათიანს უკვე ორ კვირაზე მეტია პროდუქტი ადგილობრივ ბაზარზე გააქვს ჩასაბარებლად. კილო თავიდან 5 ლარი ღირდა, ახლა საშუალოდ 3-4 ლარია. მისი ნესვის უპირატესობა ის არის, რომ ეკოლოგიურად სუფთა პროდუქტია. ამის გამო არ ერიდება შვილიშვილებსაც დააგემოვნებინოს. ზოგადად, ბიოპროდუქტები გაცილებით ძვირი ღირს, თუმცა ფერმერის თქმით, განსხვავებული ფასი რომ დააწესოს, ყიდვას ყველა ვერ შეძლებს. სეზონზე კი ხილი გაცილებით იაფი ეღირება.

„1 500 ძირი მაქვს. მე ქიმიურ სასუქებს არ ვხმარობ. მარტო ორგანულ სასუქებს. ამით ვჯობივართ ყველას“, - გვიყვება ცაიშის მცხოვრები.

ფერმერის თქმით, ნესვს განსაკუთრებული მოვლა არ სჭირდება. რწყავს ჩვეულებრივ, როცა თვალით შეატყობს, რომ მცენარე წყალს ითხოვს. თუმცა არა იმ ოდენობით და სიხშირით, როგორც სხვა მცენარეებს. სხლავს, მწერებისგან შეწამვლას ახდენს. ზამთარში ამ მონაკვეთზე მოწყობილ სათბურში პომიდორი ჰქონდა გაშენებული.

როცა ხილი მასიურად დამწიფდება, მის გაგზავნას თბილისის ბაზარზეც გეგმავს. მომავალ წელს საზამთროს მოყვანას ვაპირებო, გვითხრა.

სათბურის მოწყობაში მას „აწარმოე საქართველო“ დაეხმარა, საიდანაც გრანტის სახით 30 ათასი დოლარი მიიღო. ამბობს, რომ პროექტი დაწერა, თუ რა და რისთვის უნდოდა. თან საკუთარი გამოცდილებაც აღნიშნა ამ კუთხით მუშაობის. ფიქრობს - მას შემდეგ, რაც ხელისუფლება შეიცვალა, სოფლის მეურნეობას ყურადღება ყველაზე მეტად ექცევა. ვისაც რეალურად შეუძლია საქმის გაკეთება, ყველას ეხმარებიან.

ფერმერი ამბობს, რომ პირველი სათბური ჯერ კიდევ 2000 წელს მოაწყო. თავიდან 500 კვადრატულ მეტრზე გააშენა კიტრი და პომიდორი, მერე სხვებმაც მომბაძესო, თქვა. დღეს 4 ათას კვადრატულ მეტრზე აქვს სათბური, სადაც კიტრ-პომიდორთან ერთად, ბულგარული, ბადრიჯანი, წიწაკა და მწვანილები მოჰყავს.

დღეს სათბურებში ექვსი ადამიანი ჰყავს დასაქმებული. ამბობს, რომ ამ საქმით ოჯახის რჩენას ახერხებს.

გენო ასათიანის თქმით, შრომის გარეშე არაფერი გამოვა. დარწმუნებულია, ნორმალური გარჯა შედეგს ყოველთვის მოიტანს.

Print E-mail
Twitter
სხვა მასალები
ზუგდიდის სოფელ დარჩელში, კიროვის უბანში, ძლიერი წვიმების დროს
მდინარე ჯუმი დიდდება, კალაპოტიდან
15:01 / 23.11.2022
ზუგდიდის სოფელ დარჩელში, კიროვის უბანში, ძლიერი წვიმების დროს მდინარე ჯუმი დიდდება, კალაპოტიდან
ზუგდიდში ახალგაზრდები მუდმივად უჩივიან შემეცნებით-გასართობი
სივრცეების სიმწირეს, სადაც იდეების
14:47 / 15.11.2022
ზუგდიდში ახალგაზრდები მუდმივად უჩივიან შემეცნებით-გასართობი სივრცეების სიმწირეს, სადაც იდეების
უმუშევრობა საქართველოსთვის ერთ-ერთი მთავარი გამოწვევაა.
ადამიანები ასაკის და სქესის განურჩევლად სამსახურს ეძებენ,
10:07 / 08.11.2022
უმუშევრობა საქართველოსთვის ერთ-ერთი მთავარი გამოწვევაა. ადამიანები ასაკის და სქესის განურჩევლად სამსახურს ეძებენ,
ახალგაზრდებს, რომლებიც სოფლად ცხოვრობენ, გაცილებით მეტი
საჭიროებები აქვთ. იმისთვის, რომ განვითარდნენ და გარემო
10:50 / 25.10.2022
ახალგაზრდებს, რომლებიც სოფლად ცხოვრობენ, გაცილებით მეტი საჭიროებები აქვთ. იმისთვის, რომ განვითარდნენ და გარემო
კორონავირუსი

საბჭოთა რეპრესიები

ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.