ზუგდიდელმა ხელოვანმა ირინა მიქავამ საახალწლო სამზადისი უკვე დაიწყო. ხელნაკეთი ნაძვის ხეებისა და სათამაშოების შემდეგ, წელს საახალწლო ქოხებსაც გვთავაზობს. ოსტატი „ლაივპრესის“ მკითხველს უზიარებს სადღესასწაულოდ მორთული მუყაოს ქოხის დამზადების მეთოდს.

ოჯახის წევრებთან, განსაკუთრებით კი ბავშვებთან ერთად ქოხის დამზადება საახალწლო განწყობას შეგიქმნით, სახლს კი, სადღესასწაულოდ, ორიგინალურად მორთავთ.

ქოხის დასამზადებლად დაგჭირდებათ: მუყაოს ქაღალდი, პაპიამაში (წყალთან ერთად დაბლენდერებული მუყაოს ქაღალდი), PVA წებო, აკვარელის საღებავი, ფუნჯი, მაკრატელი და საკანცელარიო დანა. დეკორაციები თუ რას დააკრავთ უკვე გამზადებულ ქოხს თქვენზეა დამოკიდებული.

განსაკუთრებით ლამაზი გამოდის თუ სახურავზე პენოპლასტის ბურთებს დააკრავთ. ასეთ შემთხვევაში დათოვლილი ქოხები გამოგივათ.