პორტის ერთ-ერთი მშენებელი კომპანია ანაკლიას ტოვებს [ვიდეო]
„ანაკლიის განვითარების კონსორციუმის“ ქვეკონტრაქტორ
კომპანია „ვან ოორდს“, რომელსაც პორტის დაღრმავებითი სამუშაოები უნდა
შეესრულებინა, ტერიტორიიდან საკუთარი ინვენტარი გააქვს. მათ შორის
არის წყლის მილები და კონტეინერები.
როგორც „ანაკლიის გავითარების კონსორციუმში“ აცხადებენ, საუბარია წყლის საწრეტ მილებზე, რომლებიც იმ ტერიტორიაზე იყო დამონტაჟებული სადაც ზღვის ფსკერიდან გემმა „ათენამ“ 5 მილიონი კუბური მეტრი ქვიშა გადმოიტანა.
როგორც „ლაივპრესს“ კონსორციუმის საინფორმაციო ცენტრის მენეჯერმა სოფო შამუგიამ განუმარტა, ამ მილების ფუნქცია, ტერიტორიის წყლისგან დაწრეტა იყო, რაც უკვე შეასრულა. ამასთან „ვან ოორდს“ გააქვს ე.წ. ტივტივა მილებიც, რომელიც პორტის სამშენებლო სამუშაოების შემდეგი ეტაპისთვის (დაღმრავების სამუშაოებისთვის) არის საჭირო.
„ეს მილები წარმოადგენს ჩვენი ქვეკონტრაქტორის საკუთრებას. ამ ეტაპზე, როგორც უკვე იცით სახელმწიფომ შეწყვიტა „ანაკლიის განვითარების კონსორციუმთან“ თანამშრომლობა. შემდეგი ეტაპი რა იქნება და როგორ განხორციელდება, ამას წინასწარ ვერ გეტყვით. თუმცა ჩენს ქვეკონტრაქტორ კომპანიას გააქვს ეს მილები რადგან მისი საკუთრებაა“, - განაცხადა სოფო შამუგიამ.
მისი ინფორმაციით, ჰოლანდიურმა კომპანიამ კუთვნილი ინვენტარის დემონტაჟი 17 იანვრიდან დაიწყო. პროცესი კიდევ რამდენიმე დღე გაგრძელდება.
პარალელურად, ეკონომიკის მინისტრმა გააკეთა განმარტება, რომ მალე დაიწყება ახალი ტენდერის პროცედურები. ნათია თურნავა ირწმუნება, რომ ანაკლიის პორტი აუცილებლად აშენდება, რადგან მათი სტრატეგიული პრიორიტეტია და არაფერი შეუშლის ხელს პროექტის განხორციელებას.
თავის მხრივ „ანაკლიის განვითარების კონსორციუმში“ მიაჩნიათ, რომ შექმნილი მდგომარეობიდან გამომდინარე რთული იქნება ინვესტორის მოძიება.
კონსორციუმს მთავრობამ ხელშეკრულება 9 იანვარს შეუწყვიტა. "ანაკლიის განვითარების კონსორციუმს" პირგასამტეხლოს გადახდა მოუწევს. გარდა ამისა, მთავრობაში აცხადებენ, რომ კონსორციუმა სახელმწიფოს უნდა დაუბრუნოს გადაცემული მიწები და ღრმაწყლოვანი პორტის პროექტი.
პორტის საზღვაო სამუშაოები 2018 წლის 16 სექტემბერს დაიწყო. პორტის პირველი ფაზის გახსნა და გემების მიღება 2020 წლის ბოლოდან იყო დაგეგმილი.
როგორც „ანაკლიის გავითარების კონსორციუმში“ აცხადებენ, საუბარია წყლის საწრეტ მილებზე, რომლებიც იმ ტერიტორიაზე იყო დამონტაჟებული სადაც ზღვის ფსკერიდან გემმა „ათენამ“ 5 მილიონი კუბური მეტრი ქვიშა გადმოიტანა.
როგორც „ლაივპრესს“ კონსორციუმის საინფორმაციო ცენტრის მენეჯერმა სოფო შამუგიამ განუმარტა, ამ მილების ფუნქცია, ტერიტორიის წყლისგან დაწრეტა იყო, რაც უკვე შეასრულა. ამასთან „ვან ოორდს“ გააქვს ე.წ. ტივტივა მილებიც, რომელიც პორტის სამშენებლო სამუშაოების შემდეგი ეტაპისთვის (დაღმრავების სამუშაოებისთვის) არის საჭირო.
„ეს მილები წარმოადგენს ჩვენი ქვეკონტრაქტორის საკუთრებას. ამ ეტაპზე, როგორც უკვე იცით სახელმწიფომ შეწყვიტა „ანაკლიის განვითარების კონსორციუმთან“ თანამშრომლობა. შემდეგი ეტაპი რა იქნება და როგორ განხორციელდება, ამას წინასწარ ვერ გეტყვით. თუმცა ჩენს ქვეკონტრაქტორ კომპანიას გააქვს ეს მილები რადგან მისი საკუთრებაა“, - განაცხადა სოფო შამუგიამ.
მისი ინფორმაციით, ჰოლანდიურმა კომპანიამ კუთვნილი ინვენტარის დემონტაჟი 17 იანვრიდან დაიწყო. პროცესი კიდევ რამდენიმე დღე გაგრძელდება.
პარალელურად, ეკონომიკის მინისტრმა გააკეთა განმარტება, რომ მალე დაიწყება ახალი ტენდერის პროცედურები. ნათია თურნავა ირწმუნება, რომ ანაკლიის პორტი აუცილებლად აშენდება, რადგან მათი სტრატეგიული პრიორიტეტია და არაფერი შეუშლის ხელს პროექტის განხორციელებას.
თავის მხრივ „ანაკლიის განვითარების კონსორციუმში“ მიაჩნიათ, რომ შექმნილი მდგომარეობიდან გამომდინარე რთული იქნება ინვესტორის მოძიება.
კონსორციუმს მთავრობამ ხელშეკრულება 9 იანვარს შეუწყვიტა. "ანაკლიის განვითარების კონსორციუმს" პირგასამტეხლოს გადახდა მოუწევს. გარდა ამისა, მთავრობაში აცხადებენ, რომ კონსორციუმა სახელმწიფოს უნდა დაუბრუნოს გადაცემული მიწები და ღრმაწყლოვანი პორტის პროექტი.
პორტის საზღვაო სამუშაოები 2018 წლის 16 სექტემბერს დაიწყო. პორტის პირველი ფაზის გახსნა და გემების მიღება 2020 წლის ბოლოდან იყო დაგეგმილი.