ვიდეო
საყიდლებზე და რესტორანში ახალი წესებით [ვიდეო/ფოტო]
FaceBook Twitter
E-mail Print
მუშაობა განაახლეს პანდემიის გამო 3 თვის წინ დახურულმა მაღაზიებმა და კვების ობიექტების ნაწილმა.

მოქალაქეებს შესაძლებლობა მიეცათ შეიძინონ ტანსაცმელი და ფეხსაცმელი, როგორც მაღაზიებში ასევე სავაჭრო ცენტრებში. დაშვებულია რესტორნებსა და კეფეებში შესვლაც. ყველა ამ სერვისით სარგებლობისას მომხმარებელს ახალი წესების დაცვა უწევს.

ობიექტებმა თავის მხრივ ჯანდაცვის სამინისტროს შემუშავებული რეკომენდაციები უნდა გაითვალისწინონ. მაღაზიის შესასვლელებში განთავსებულია დეზობარიერები, კონტროლდება დაწესებულებაში მომხარებელთა რაოდენობაც. აუცილებელია პირბადის ტარება.

სავაჭრო ცენტრ „ალიანსის“ შესასვლელში ტარდება თერმოსკრინინგიც. ამ პროცედურას მოვაჭრეებთან ერთად გადიან მომხმარებლებიც. გარდა ამისა, ყველა მათგანს სპეციალური ხსნარით უწევს ხელის დამუშავება.

სავაჭრო ცენტრის თანამშრომლების თქმით, დილიდან მომხმარებლების ნაკლებობას არ უჩივიან. მცირე ბიზნესი მათი ოჯაცების დიდი ნაწილისთვის მთავარი შემოსავალია, ამიტომ მზად არიან დაიცვან ყველა რეკომენდაცია, მთავარია მუშაობის უფლება ჰქონდეთ.

მაღაზიების პარალელურად მუშაობის განახლების უფლება მიეცათ ღია ტიპის რესტორნებს, თუმცა მათი ნაწილი დღეს ზუგდიდში არ გახსნილა. კვების ზოგიერთი ობიექტი ჯერ კიდევ სამზადისშია. მათი მფლობელები ამბობენ, რომ მოუწიათ გარკვეული ცვლილებების შეტანა ინტერიერში, ასევე საჭირო ხსნარების შეძენა და ერთჯერადი მენიუების დამზადება, რაც გარკვეულ დროს საჭიროებს.

ეს საკითხები უკვე მოაგვარა და რეგულაციების მოხსნის პირველივე დღეს მოახერხა მუშაობის განახლება „ბლინის სახლმა“ და „არტ ჰაუსმა“.

„ბლინის სახლში“ აცხადებენ, რომ კარანტინის პერიოდში გატანის სერვისი ჰქოდათ, თუმცა არ იმუშავა, ამიტომ ობიექტმა ფინანსურად იზარალა. ახლა კი მოქალაქეების მისაღებად ყველა ზომა მიიღეს და მზად არიან ისევ აქტიურად იმუშაონ.

ასევე მხოლოდ ღია სივრცე აამუშავა ამ ეტაპზე „არტ ჰაუსმა“ და მაგიდებიც დისტანციის დაცვით განათავსა. მომხმარებელი რეგულაციის მოხსნის პირველივე დღეს მიიღეს.

ჯანდაცვის სამინისტროს მიერ დაწესებული რეგულაციებით, კვების ობიექტებში მაგიდებს შორის მანძილი ორ მეტრზე, სკამების საზურგეებს შორის კი ერთ მეტრზე ნაკლები არ უნდა იყოს. იმ შემთხვევაში, თუ ვერ ხერხდება ორმეტრიანი უსაფრთხო დისტანციის დაცვა, შესაძლებელია გამოყენებულ იქნას დროებითი დამცავი ბარიერი.

კვების ობიექტმა უნდა უზრუნველყოს სტუმრებისათვის ერთჯერადი მენიუს შეთავაზება. ელექტრონული მენიუს შეთავაზების შეთხვევაში კი მენიუს დაფასთან უნდა განათავსოს ხელების ჰიგიენური დამუშავებისთვის სადეზინფექციო საშუალებები, სათანადო სავალდებულო ნიშნის მითითებით. ერთ მაგიდასთან ექვს ადამიანზე მეტი არ არის დაშვებული.

პანდემიის გამო მთავრობამ 19 მარტის სხდომაზე მიღებული გადაწყვეტილებით, საქართველოში დაიხურა ყველა სავაჭრო ობიექტი, გარდა სასურსათო მაღაზიებისა, სააფთიაქო ქსელისა, ბენზინგასამართი სადგურებისა, საფოსტო გზავნილებისა და საბანკო განყოფილებებისა. შეზღუდვების შემსუბუქება ეტაპობრივად 27 აპრილიდან დაიწყო.

Print E-mail
Twitter
სხვა მასალები
სენაკის სოფელ ბეთლემში, შემეცნებით-გასართობი ატრაქცია „თოკების
პარკის“ მოწყობა მიმდინარეობს.
10:08 / 04.07.2020
სენაკის სოფელ ბეთლემში, შემეცნებით-გასართობი ატრაქცია „თოკების პარკის“ მოწყობა მიმდინარეობს.
კორონავირუსის პანდემიის გამო მნიშვნელოვნად იზარალა ქორწილის და სხვა
მასშტაბური
18:57 / 30.06.2020
კორონავირუსის პანდემიის გამო მნიშვნელოვნად იზარალა ქორწილის და სხვა მასშტაბური
ფერმერები უკვე თანხმდებიან, რომ სწორად შეწამვლის შემთხვევაში
11:38 / 29.06.2020
ფერმერები უკვე თანხმდებიან, რომ სწორად შეწამვლის შემთხვევაში
მარტში პანდემიის მიზეზით ჩაკეტილი ენგურის ხიდი ბოლო
14:28 / 22.06.2020
მარტში პანდემიის მიზეზით ჩაკეტილი ენგურის ხიდი ბოლო
ფოტო
ჭურია [ფოტორეპორტაჟი]
ფოტოები გადაღებულია მდინარე ჭურიის ხეობაში.
როგორ ხედავენ ბავშვები კორონავირუსს [ფოტოამბავი]
კოვიდ-19 მხოლოდ უფროსებს არ ეხებათ და მასზე ბავშვებმაც
ზუგდიდი კარანტინში [ფოტოამბავი]
კორონავირუსის გავრცელების შეჩერების მიზნით, სამეგრელო
ზუგდიდში რესტორნები გატანის სერვისზე გადავიდნენ [ფოტო]
კორონავირუსის გავრცელების რისკების პრევენციისთვის
მზარეულის მაგიდა
ხარკალია ლებია
ხარკალია, ძველი მეგრული კერძია, რომლის მთავარი ინგრედიენტი
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი მეგრული კერძი,
ესპანური სასმელი საახალწლოდ [ვიდეო]
ესპანური სანგრია, რომელიც სასიამოვნო გემოვნური თვისებებით
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.