ვიდეო
ენგურის ხიდი ისევ ცალმხრივად გაიხსნა [ვიდეო]
FaceBook Twitter
E-mail Print
მარტში პანდემიის მიზეზით ჩაკეტილი ენგურის ხიდი ბოლო ორ თვეში რამდენიმე დღით უკვე მეორედ გახსნა დე ფაქტო რესპუბლიკის მთავრობამ. 26 მაისს ხიდი ცალმხრივად ერთი კვირით იყო ღია, შემდეგ ისევ ჩაიკეტა. დღეიდან კი სოხუმი „საკუთარ მოქალაქეებს“ „სამშობლოში“ დასაბრუნებლად 3 დღეს აძლევს.

ოკუპირებული აფხაზეთის დანარჩენ საქართველოსთან დამაკავშირებელ ხიდზე დღეს მგზავრები მრავლად იყვნენ. მათი ინფორმაციით, 24 ივნისს ე.წ. გამშვები პუნქტი ისევ ჩაიკეტება. მიუხედავად ამისა, აქვთ მოლოდინი, რომ მიმოსვლა ორმხრივად 1 ივილისიდან აღდგება.

გალის რაიონისკენ მიმავალმა მგზავრებმა „ლაივპრესს“ ენგურის ხიდთან უამბეს ის, რაც ოკუპირებულ ტერიტორიაზე უკვე გადასული ნაცნობებისგან შეიტყვეს - მათ გადაადგილება შეძლეს მხოლოდ ე.წ. აფხაზური პასპორტების, ან ე.წ. ბინადრობის მოწმობის საშუალებით და მათთვის აფხაზ „მესაზღვრეებს“ არ მოუთხოვიათ კორონავირუსზე ჩატარებული გამოკვლევის ცნობა.

„მეუღლე მყავდა ავადმყოფი. აქ მყავდა სამკურნალოდ. შემდეგ ამ გზების ჩაკეტვამ მოგვისწრო და სამი თვეა არ გადავსულვარ. საბუთები აქ შემიმოწმეს ქართველებმა და გამიშვეს. თანხმობაა იქედან და ამიტომ გამიშვეს ალბათ“, - გვითხრა გალისკენ მიმავალმა ქალმა.

ენგურის ხიდზე ჩაკეტვის შემდეგ ტრანსპორტი არ მოძრაობს, ამიტომაც მგზავრებს ტვირთის ზიდვა ხელით უწევთ.

„მანამდე, კორონამდე იყო მარშრუტკები, მაგრამ ახლა არ არის და იძულებული ვართ ამ სიცხეში ჩანთები ხელით წავიღოთ. იქეთ, რომ გადავალთ იმედია იქეთ მაინც იქნება ტაქსები, მანამდე იყო და ახლა არ ვიცი რა შეიცვალა“, - გვითხრა გალში მიმავალმა მარინა მორჩაძემ.

მგზავრების უმეტესობა მედიასთან საუბრისგან თავს იკავებს. საჯაროდ აზრის გამოთქმას ერიდებიან. ამბობენ, რომ არ უნდათ ვინმე გააღიზიანონ ტერიტორიაზე, რომელსაც თბილისი ვერ აკონტროლებს.

ე.წ. გამშვებ პუნქტამდე მათ თერმოსკრინინგი ზუგდიდის სოფელ რუხში, საველე ჰოსპიტალშიც უტარდებათ.

ხიდის დროებით, ცალხმრივად გახსნის შესახებ გადაწყვეტილება სოხუმში 20 ივნისს მიიღეს.

აფხაზეთის დე ფაქტო ხელისუფლებამ დანარჩენ საქართველოსთან ე.წ. საზღვარი 14 მარტს დაკეტა, თუმცა, მას შემდეგ ათეულობით მოქალაქეს მისცა ცენტრალური ხელისუფლების მიერ კონტროლირებულ ტერიტორიაზე სამკურნალოდ გადასვლის უფლება. მათ შორის იყვნენ პაციენტები, რომლებსაც კორონავირუსზე საეჭვო სიმპტომები ჰქონდათ. მათ გამოკვლევები ჩაუტარდათ ზუგდიდის, ფოთის და ქუთაისის სამედიცინო დაწესებულებებში. ამ დროის მონაცემებით, გალიდან დანარჩენ საქართველოში ჩამოსულ მხოლოდ ერთ პაციენტს, 50 წლის ქალს დაუდასტურდა ახალი ვირუსი.

50 წლის ქალი ოკუპირებული გალის რაიონის სოფელ საბერიოდან, ზუგდიდის ინფექციურ საავადმყოფოში 29 მარტს მოათავსეს. მას კორონავირუსი 30 მარტს დაუდასტურდა. ქალს რუსეთში მოგზაურობის ისტორია აქვს. გამოჯანმრთელებულმა პაციენტმა სამედიცინო დაწესებულება 19 აპრილს დატოვა.

Print E-mail
Twitter
სხვა მასალები
ფანდური, ბასფანდური, ჩონგური, სალამური და კიდევ სხვა ბევრი
ინსტრუმენტია,
16:42 / 23.01.2021
ფანდური, ბასფანდური, ჩონგური, სალამური და კიდევ სხვა ბევრი ინსტრუმენტია,
შიშმა არ უნდა ჩაგითრიოს. უნდა ებრძოლო. შენ უნდა იბრძოლო
16:07 / 20.01.2021
შიშმა არ უნდა ჩაგითრიოს. უნდა ებრძოლო. შენ უნდა იბრძოლო
18 წლის დათო მიქავა ბავშვობიდან ხატავს.
15:26 / 14.12.2020
18 წლის დათო მიქავა ბავშვობიდან ხატავს.
ახალი წელი ნაძვის ხესთან და ჩიჩილაკთან
13:10 / 09.12.2020
ახალი წელი ნაძვის ხესთან და ჩიჩილაკთან
ფოტო
დათოვლილი მესტია და ჰეშკილი [ფოტო]
სვანეთი განსაკუთრებით ლამაზია ზამთარში, როცა მთები
საშობაო „ალილო“ მრევლის გარეშე [ფოტო]
პანდემიის გამო, ტრადიციული საშობაო „ალილოს" მსვლელობა
სვანეთი შემოდგომის ფერებში [ფოტოამბავი]
სვანეთი წელიწადის ნებისმიერ დროს გამოირჩევა
ჭურია [ფოტორეპორტაჟი]
ფოტოები გადაღებულია მდინარე ჭურიის ხეობაში.
როგორ ხედავენ ბავშვები კორონავირუსს [ფოტოამბავი]
კოვიდ-19 მხოლოდ უფროსებს არ ეხებათ და მასზე ბავშვებმაც
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია, რომლის მთავარი ინგრედიენტი
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.