ვიდეო
ახალი ტურისტული ატრაქცია ნოქალაქევის სიახლოვეს [ვიდეო]
FaceBook Twitter
E-mail Print
სენაკის სოფელ ბეთლემში, შემეცნებით-გასართობი ატრაქცია „თოკების პარკის“ მოწყობა მიმდინარეობს. ის მოიცავს თოკებისგან, ხის მორებისგან, ბადეებისგან, ხიდებისგან და სხვადასხვა ელემენტების ატრაქციებს. პარკი არის ექსტრემალური, სახალისო და გულისხმობს არსებული ბარიერების გადალახვას. მდინარის ერთი ნაპირიდან მეორეზე მოწყობილია 130 მეტრის სიგრძის ზიპლაიანი.

„პროექტი - სენაკის ეკონომიკური განვითარება ტურიზმის ხელშეწყობის გზით, რომლის ფარგლებშიც თოკების პარკი მოეწყო, ითვალისწინებს ნოქალაქევში, მდ. ტეხურის ხეობაში, რეკრეაციული ზონის განვითარებისთვის სათავგადასავლო და დასასვენებელი ატრაქციების მოწყობას. მნიშვნელოვანია, რომ თოკების პარკი კეთდება კულტურულ მემკვიდრეობის ძეგლთან - ნოქალაქევის არქეოლოგიურ მუზეუმ-ნაკრძალთან. ახალი ატრაქციის მოწყობის მიზანია ხელი შეუწყოს ამ ადგილის როგორც რეკრეაციული ზონის განვითარებას“, - გვიყვება სენაკის მერიის ეკონომიკის, სტატისტიკის და ქონების მართვის სამსახურის სპეციალისტი მარინე კვარჭაია.

მისივე თქმით, ამ ადგილიდან დაახლოებით 1 კილომეტრში, მოეწყობა რუხი ყანჩების გადმოსახედი პლატფორმა, რომელიც ამ სეგმენტით დაინტერესებული ვიზიტორებისთვის ერთ-ერთი მიმზიდველი ადგილი გახდება. მიმდებარე ტერიტორიაზე გაკეთდება ღია ბაზრობები, რომელიც ხელს შეუწყობს ადგილობრივმეწარმეებს თავიანთი პროდუქციის გაყიდვა - პოპულარიზაციაში. აქვე შესაბამისი ინფრასტრუქტურით მოეწყობა პარკირების და ავტოკემპინგის ადგილები. მზადდება ასევ, ვებ-გვერდი, სადაც ტურისტული ობიექტების შესახებ სათანადო ინფორმაცია იქნება განთავსებული.

ატრაქცია, რომლის მოწყობა ყოფილი პიონერთა ბანაკის მიმდებარე ტერიტორიაზე მიმდინარეობს, ადგილობრივებისთვის უკვე გახდა საყვარელი ადგილი. თოკების პარკს დღის განმავლობაში უამრავი ადამიანი სტუმრობს.

საბოლოოდ, ინფრასტრუქტურული სამუშაოები, ივლისის თვეში დასრულდება. პროექტი ხორციელდება რეგიონული განვითარებისა და ინფრასტრუქტურის სამინისტროს, სენაკის მერიის, გაეროს განვითარების პროგრამის (UNDP) – რეგიონული და ადგილობრივი განვითარების ხელშეწყობა საქართველოში (FRLD) – ფაზა 2-ის ფარგლებში, შვეიცარიის განვითარებისა და თანამშრომლობის სააგენტოს (SDC) და ავსტრიის განვითარების თანამშრომლობის (ADC) ფინანსური მხარდაჭერით.

Print E-mail
Twitter
სხვა მასალები
პანდემიის გამო, მუნიციპალური ბაღების მსგავსად,
10:47 / 10.08.2020
პანდემიის გამო, მუნიციპალური ბაღების მსგავსად,
ზუგდიდის თეატრი 5 თვიანი კარანტინის შემდეგ პირველად
14:59 / 03.08.2020
ზუგდიდის თეატრი 5 თვიანი კარანტინის შემდეგ პირველად
ახალი სასწავლო წელი, განათლების სამინისტროს
14:39 / 25.07.2020
ახალი სასწავლო წელი, განათლების სამინისტროს
ფოტო
ჭურია [ფოტორეპორტაჟი]
ფოტოები გადაღებულია მდინარე ჭურიის ხეობაში.
როგორ ხედავენ ბავშვები კორონავირუსს [ფოტოამბავი]
კოვიდ-19 მხოლოდ უფროსებს არ ეხებათ და მასზე ბავშვებმაც
ზუგდიდი კარანტინში [ფოტოამბავი]
კორონავირუსის გავრცელების შეჩერების მიზნით, სამეგრელო
ზუგდიდში რესტორნები გატანის სერვისზე გადავიდნენ [ფოტო]
კორონავირუსის გავრცელების რისკების პრევენციისთვის
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია, რომლის მთავარი ინგრედიენტი
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.