ვიდეო
პატარა “სანტები” თანატოლების დასახმარებლად [ვიდეო]
FaceBook Twitter
E-mail Print
საღამოს ექვსი საათია. ბავშვები საკლასო ოთახში შეკრებილან და საახალწლო სათამაშოებს ამზადებენ. ზოგი თექას ამუშავებს, ზოგიც ნაჭრის ნაძვის ხეს აკეთებს. ხელნაკეთი ნივთები სასკოლო გამოფენაზე უნდა გაიტანონ და გაყიდონ. შემოსული თანხით კი თანატოლებს დაეხმარონ. კიდევ მარტოხელებს, ან სხვა სოციალურად დაუცველ მოქალაქეებს.

"ის ბავშვები გვინდა გავახაროთ, ვისთანაც სანტა არ მიდის", - პატარები ამბობენ, რომ ბევრია ისეთი, ვისაც მათი მხარდაჭერა სჭირდება.

სხვების დახმარების იდეა მოსწონთ და საქმესაც ენთუზიაზმით და განსაკუთრებული პასუხისმგებლობით მიუდგნენ.

ეს ყველაფერი ზუგდიდის პირველი საჯარო სკოლის მეორე "ე" კლასში ხდება. საქველმოქმედო აქციის მოწყობა მათ კლასის დამრიგებელმა, დარიკო დარსანიამ შესთავაზა. ბავშვებიც დათანხმდნენ. გადაწყვიტეს თექის სახელოსნო "ეკო ხელნაკეთს" დაკავშირებოდნენ, ვისთან მუშაობის გამოცდილებაც აქვთ - შარშან მოსწავლეთა ნაწერები სახელოსნოს დახმარებით ერთ წიგნად აკინძეს.

დამრიგებლის თქმით, მისი მიზანია ცოდნის გაზიარებასთან ერთად ბავშვებს ასწავლოს, თუ რას ნიშნავს ქველმოქმედება, როგორ დაეხმარონ მათ, ვისაც ეს მართლა სჭირდებათ. სწორედ ამიტომ, ეს აქციაც კლასში შექმნილი "ჰუმანური საზოგადოების" ფარგლებში დაიგეგმა.

"გვინდა მათი სანტები ვიყოთ", - ამბობს დარიკო დარსანია.

ფიქრობს, რომ მინიმუმ სამი ოჯახის გახარებას შეძლებენ. ამას გარდა, საჩუქრებს სკოლის სპეციალური საგანმანათლებლო საჭიროების მქონე მოსწავლეებსაც შეუძენენ. ოღონდ მანამდე ის უნდა გაარკვიონ, ვის რა გაახარებს და რა წერია თოვლის ბაბუისთვის მიწერილ წერილებში.

ბავშვებს საახალწლო დეკორატიული ნივთების დამზადება, სახელოსნო "ეკო ხელნაკეთის" დამფუძნებელმა, ეკატერინე ჯოლოგუამ და მისმა თანაშემწეებმა უსასყიდლოდ ასწავლეს. პატარებმა უკვე იციან როგორ კეთდება თექის და ტექსტილის ნაძვის ხეები, დამოუკიდებლად ღებავენ ხის სათამაშოებს. ისიც იციან, როგორ მოაწონონ საკუთარი ნამუშევრები გამოფენაზე სტუმრებს.

ერთობლივ პროექტს "არტ თერაპია - ხელსაქმე საქველმოქმედო მიზნებისთვის" ჰქვია.

"ბავშვებმა თავად შეარჩიეს დეკორი, მაქმანები, ღილები.. მშობლებიც ჩაერთნენ და სახლში ვის რა მოეპოვებოდა, მოიტანეს. იქ, სადაც ბავშვებმა ვერ გააკეთეს, მე და ჩემი თანაშემწეები დავეხმარეთ. დანარჩენი, სრულიად დამოუკიდებლად აკეთებენ. ძალიან სახალისო პროცესი იყო", - გვითხრა ეკამ.

ზოგიერთ პატარას სურვილი აქვს, სახელოსნოს გაკვეთილებს კიდევ დაესწროს. ამ ენთუზიაზმს მშობლებიც იზიარებენ. ამბობენ, რომ მათი შვილები პოზიტიურად შეცვალა სამუშაო პროცესმა - გახდნენ ბევრად მოტივირებულები და ახარებთ, რომ საკუთარი ძალისხმევით თანატოლების დახმარებას შეძლებენ.

მშობლებისთვის ისიც მნიშვნელოვანია, რომ ბავშვები აქედანვე გრძნობენ სოციალურ პასუხისმგებლობას, სხვებზე ზრუნვის საჭიროებას, ერთობლივი ძალისხმევით პატარ-პატარა ცვლილებების სიკეთეს.

სასკოლო გამოფენაზე თითქმის ყველა ნივთი გაიყიდა. საახალწლო დეკორაციები მშობლებმა, ღონისძიების სხვა სტუმრებმა შეიძინეს და ამ ყველაფერში იმაზე მეტი გადაიხადეს, ვიდრე პატარა "სანტებმა" დააფასეს.

საბოლოოდ 1300 ლარზე მეტი შეგროვდა.


კლასის დამრიგებელი, დარიკო დარსანია ამბობს, რომ ბავშვების სურვილია საქველმოქმედო ღონისძიებები მომავალშიც გაგრძელდეს.

"კიდევ ხომ იქნება, კიდევ როდის დავეხმარებით"? - კითხულობენ ისინი.

სწორედ ამიტომ, სააღდგომოდ სხვა ოჯახების დასახმარებლადაც გაერთიანდებიან.

Print E-mail
Twitter
სხვა მასალები
მიუსაფარ ძაღლებს ზუგდიდის ქუჩებში თითქმის ყოველ ნაბიჯზე ნახავთ.
პარკებსა და სკვერებში, კვების ობიექტებთან,
18:51 / 26.12.2022
მიუსაფარ ძაღლებს ზუგდიდის ქუჩებში თითქმის ყოველ ნაბიჯზე ნახავთ. პარკებსა და სკვერებში, კვების ობიექტებთან,
ძუკუ დელფინია და კოღონა გაბისკირია, პირველი მეგრულენოვანი
ანიმაციური სერიალის პერსონაჟები არიან. მათზე
12:25 / 20.12.2022
ძუკუ დელფინია და კოღონა გაბისკირია, პირველი მეგრულენოვანი ანიმაციური სერიალის პერსონაჟები არიან. მათზე
ჩვენ არ გვაქვს სხვა პლანეტა, - ამბობენ ჩხოროწყუელი მოსწავლეები
და გარემოს გადასარჩენად ერთიანდებიან.
12:46 / 14.12.2022
ჩვენ არ გვაქვს სხვა პლანეტა, - ამბობენ ჩხოროწყუელი მოსწავლეები და გარემოს გადასარჩენად ერთიანდებიან.
ზუგდიდის სოფელ დარჩელში, კიროვის უბანში, ძლიერი წვიმების დროს
მდინარე ჯუმი დიდდება, კალაპოტიდან
15:01 / 23.11.2022
ზუგდიდის სოფელ დარჩელში, კიროვის უბანში, ძლიერი წვიმების დროს მდინარე ჯუმი დიდდება, კალაპოტიდან
კორონავირუსი

საბჭოთა რეპრესიები

ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.